არქივები: ვიდეო

მსოფლიო ქრისტიანული ახალი ამბები (12.04.2019)

გამოშვებაში ნახავთ:

  • 25 წლის წინ რუანდაში 100 დღეში 800 000 ადამიანის გენოციდი განხორციელდა. ერთმა კოლორადოელმა ქალმა, ამ საშინელი მოვლენის შემდგომ, დატოვა თავისი სახლი და დახმარების აღმოსაჩენად რუანდაში გაემგზავრა. მან დაარსა სკოლა, რომელსაც თავდაპირველად არ ჰქონდა შენობა, ბავშვები დიდი ხის ქვეშ იკრიბებოდნენ გაკვეთილების მოსასმენად. წლების შემდეგ რუანდაში ეს სკოლა საუკეთესო სკოლადაა მიჩნეული. ნახეთ მსხვერპლისა და იმედის ისტორია რუანდაში.
  • მაშინ, როდესაც ბელგია ევთანაზიის ლეგალიზაციას ახდენდა, კრიტიკოსები ამ ყველაფერს მოლიპულ ფერდობზე დაშვებას ადარებდნენ. სამედიცინო ეთიკა ერთგვარმა „სიკვდილის კულტურამ“ გვერდზე გასწია. „ბელგიაში ეთიკური ნორმები აღარ არსებობს. ზოგიერთი ამ მკვლელობას სამედიცინო დახმარებად მიიჩნევს. ჩვენ დავიწყეთ სიკვდილის, როგორც მედიცინის ერთ-ერთი მეთოდის შეთავაზება პაციენტებისთვის.” – ამბობს ერთ-ერთი ექიმი.
  • ებრაელმა არქეოლოგებმა ორი იშვიათი რამ აღმოაჩინეს დავითის ქალაქსა და მის შემოგარენში. ისინი ბიბლიაში ნახსენებ ისტორიული პერსონაჟების რეალურობას მოწმობენ.

CBN: ქრისტიანების ყოფა კომუნისტურ ჩინეთში

ბოლო ათწლეულებში მილიონობით ჩინელი შემობრუნდა ქრისტესკენ. ჩინეთის ახალი პრეზიდენტი სი ძინპინი ეკლესიის ზრდას კომუნისტური პარტიისთვის საფრთხედ მიიჩნევს.

ბოლო 20 წლის განმავლობაში, “CBN ნიუსმა” გააშუქა ე.წ. იატაკქვეშა ეკლესიების დიდი ზრდა ჩინეთში. ამ ოფიციალურად ათეისტურ ქვეყანაში მილიონობით ადამიანი გაქრისტიანდა. ექსპერტების განცხადებით, ის, რაც ახლა ხდება ჩინეთში, უპრეცედენტო გამოღვიძებაა, რომელიც, ფაქტობრივად, ქვეყნის ყველა კუთხეს შეეხო და 2030 წლისთვის ჩინეთის მოსახლეობის უმრავლესობა ქრისტიანი იქნება. მაგრამ ქვეყნის პრეზიდენტს ეკლესიათა ზრდის შეჩერება სურს.

2012 წელს მმართველობაში მოსვლისთანავე სი ძინპინმა ბრძანა ყოველი საოჯახო შეკრების დახურვა, რომელიც არ კონტროლდებოდა კომუნისტების მიერ.

მაშინ, როცა ქვეყანაში ნადგურდება ბიბლიები, იწვება ჯვრები, ქრისტეს გამოსახულებები იცვლება პრეზიდენტის გამოსახულებით, ვანგ ი, ერთ-ერთი ხუცესი, რომელიც დააკავეს, თამამად აცხადებს, რომ პრეზიდენტის ღვთიური სტატუსი მისთვის მიუღებელია და რომ ის თავის რწმენას შეინარჩუნებს, ამავდროულად, არ დაემორჩილება კანონს, რომელიც ბიბლიის წინააღმდეგ წასვლას აიძულებს.

აშშ-ში დემოკრატი და რესპუბლიკელი სენატორები ყოველ კვირას ერთმანეთისთვის ლოცულობენ

ბევრი ადამიანისთვის საოცარი მოვლენა იქნება, როცა გაიგებს, რომ პოლიტიკურ სივრცეში არსებობს ჯგუფი, რომელიც ერთად იკრიბება და ლოცულობს. დემოკრატი და რესპუბლიკელი სენატორები სალოცავად იკრიბებიან და ყოველ კვირას ირჩევენ ერთ სენატორს, რომელიც ჯგუფს სიტყვას უზიარებს.

სენატორი კრის კუნსი ამბობს: „როდესაც სიტყვის სათქმელად გამოდიხარ, ეს არ არის ადვილი, რადგან შენს ოპონენტს შენივე სისუსტეების შესახებ უყვები: როდის დაეცი? რა სირთულეები გამოიარე ბავშვობაში, ქორწინებაში და ა.შ. ამის შემდეგ ძალიან რთულია, რომ იმ ადამიანს ვერბალური შეურაცხყოფა მიაყენო ან მასთან ბრძოლაში ჩაერთო, როდესაც მასთან ერთად ხელჩაკიდებული იდექი და ლოცულობდი. ეს მართლაც მნიშვნელოვანი რამაა.”

დევიდ იუბენკი – მისიონერი სამხედრო წარსულით

დღევანდელ მსოფლიოში გმირის მნიშვნელობა დაკნინებულია. გმირს უწოდებენ მას, ვინც ბურთს შორი მანძილიდან დაიჭერს, ან ოლიმპიურ რეკორდს მოხსნის.

დეივ იუბენკი არის ამერიკის ჯარების ყოფილი მებრძოლი, რომელიც მისიონერი გახდა. ახლა ის ეხმარება ყველაზე რთულ ვითარებაში მყოფ ხალხს მთელი მსოფლიოს მასშტაბით. ზოგიერთი ამბობს, რომ ის ამერიკის გმირია, ის ბევრისთვის არის სამაგალითო პიროვნება თავისი კარგი სამხედრო წარსულის გამო.


თარგმანი: თიკა სხირტლაძე

რედაქტირება: მანანა ტვინიკაძე

გახმოვანება: ნატალია ჩიქოვანი; გუჯა ჩაჩანიძე

მონტაჟი: მათე თხელიძე


„მოსეს მთის აღმოჩენა” – დოკუმენტური ფილმი ბიბლიური მარშრუტის კვალდაკვალ

გამოსვლის წიგნი მოგვითხრობს ამბავს ებრაელთა ეგვიპტიდან გამოსვლაზე. როგორ იხსნა უფალმა ისინი ფარაონის ჯარისაგან წითელ ზღვაში გავლისას და წაუძღვა მათ სინაის მთაზე, სადაც მოსეს ათი მცნება მისცა.

ბიბლიის მეცნიერები წლების განმავლობაში დავობდნენ ამ წმინდა ქალაქების ადგილმდებარეობის შესახებ. ახლა გამოჩნდა ერთი პიროვნება, რომელიც აცხადებს, რომ სავარაუდოდ ის ადგილები აღმოაჩინა.

თაობების განმავლობაში გვასწავლიდნენ, რომ გამოსვლის ისტორია მხოლოდ რწმენით უნდა დაგვეჯერებინა. გვითხრეს, რომ სინაის მთა, სადაც მოსემ ათი მცნება მიიღო, იყო ეგვიპტეში. მაგრამ ამის რეალური მტკიცებულება, რომელიც დაგვაჯერებდა ამას, არ არსებობდა. ბიბლია 70-ზე მეტჯერ ამბობს, რომ ებრაელები ეგვიპტიდან გამოვიდნენ, რომელიც დღევანდელი საუდის არაბეთის ნაწილი ან ქვეყნის სრული ტერიტორიაა. ეს საიდუმლოდ იყო შენახული საუდის არაბეთის რეჟიმის მიერ. ისინი მალავდნენ ამ ინფორმაციას მსოფლიოსგან ღობეების, პოლიციის ან დაშინების მეშვეობით. კავშირებისა და მეთოდების გამოყენებით, რომლის გამჟღავნებაც არ სურთ, CBN NEWS-ი მოხვდა აკრძალულ ზონაში.

CBN: ჩინეთში იატაკქვეშა ეკლესიების რიცხვი იზრდება

მიუხედავად იმისა, რომ ჩინეთი ოფიციალურად კომუნისტური ქვეყანაა, უკანასკნელი ათწლეულების განმავლობაში ეკლესიის დრამატული ზრდა შეინიშნება. ახლა კი ქვეყანაში მდგომარეობა უარესდება.

დაახლოებით ოთხი წლის წინ დაიწყო ხელისუფლებამ ეკლესიის აქტიურად შევიწროება, როცა აღმოსავლეთში მდებარე ჰუნანის პროვინციაში ადგილობრივმა ხელისუფლებმა დაიწყეს ეკლესიებში შეჭრა და ჯვრების ჩამოღება.

თავდაპირველად, ეკლესიების საწინააღმდეგო ჰქონდათ ის, რომ მათ არ ჰქონდათ იმ შენობების გამოყენების უფლება, სადაც იკრიბებოდნენ, რომ ეს შენობები არ აკმაყოფილებდა გარკვეულ მოთხოვნებს და ბულდოზერებით მოდიოდნენ, ეკლესიების შენობებს ანგრევდნენ. იგივე პროცესი გაგრძელდა აღმოსავლეთისა და სამხრეთ-აღმოსავლეთის პროვინციებში, სადაც ჭარბად არის ქრისტიანული მოსახლეობა.

თუმცა ბოლო ოთხი წლის განმავლობაში ვხედავთ, რომ ჩინეთის მთავრობა აგრესიულ კამპანიას აწარმოებს არა მხოლოდ ქრისტიანების, არამედ ყველა რელიგიური მიმდინარეობის წარმომადგენელთა მიმართ, იქნებიან ისინი მუსლიმანები, ბუდისტები თუ სხვა. მხოლოდ 24 თვის წინ გამოსცეს ეგრეთ წოდებული „თეთრი ფურცელი“, რომლითაც ჩინეთის მოქალაქეებს ეძლევათ მითითებანი, როგორ შეუძლიათ საკუთარი რწმენის აღიარების გამოხატვა სახელმწიფოს კანონებისა და რეგულაციების შესაბამისად. უკანასკნელი ოთხი წლის განმავლობაში ყველა აღმსარებლობის ადამიანზე დიდი ზეწოლა ხორციელდება.

ბილი გრემის საპატივსაცემოდ გამოფენა მოეწყო

ახლა, მისი გარდაცვალებიდან რამდენიმე თვის შემდეგ, გამოფენის მეშვეობით შეგვიძლია უფრო ახლოდან დავაკვირდეთ მის ცხოვრებას.

წიგნები, ბიბლიები და სხვა ნივთები მოგვითხრობს ბილი გრემის მიერ განვლილი ცხოვრების გზის შესახებ, თუ როგორ იქცა ის ყმაწვილიდან იმ კაცად, ვინც მილიონობით ადამიანს უქადაგა, მათ შორის იყო ენტონი შმიდტი, გამოფენის დიზაინერი.

60 წელზე მეტი ხნის განმავლობაში გრემი იყენებდა რადიოს, ტელევიზიას, ფილმებს, აწყობდა ტურნეებს და უამრავ ადამიანს ასწავლიდა წმინდა წერილს.

CBN: ასია ბიბი თავშესაფრის მოლოდინში

მსოფლიო ქრისტიანული ახალი ამბები:

  • ასია ბიბი თავისუფალია, მაგრამ ხელისუფლების განცხადებით, ის კვლავ პაკისტანში იმყოფება. ბიბი და მისი ოჯახი პაკისტანის დედაქალაქში გადაიყვანეს. ზოგი ფიქრობდა, რომ ის მალე დატოვებდა ქვეყანას, მაგრამ ასია ბიბი კვლავ ელოდება თავშესაფარს. მას ცოტა ხნის წინ მოუხსნეს ბრალდება ისლამის წინააღმდეგ მკრეხელობის შესახებ და ამან ქვეყანაში არეულობა გამოიწვია. ბიბის ადვოკატები ამბობენ, რომ მან უკვე შეავსო განაცხადი ნიდერლანდებში თავშესაფრის მოთხოვნით.
  • ასევე, კამერუნის პრესვიტერიანული ეკლესიიდან გატაცებული 79 მოსწავლე გაათავისუფლეს. გაურკვეველმა შეიარაღებულმა ჯგუფმა გასულ კვირას გაიტაცა ბავშვები. ეკლესიის წინამძღვარმა დაადასტურა, რომ ბავშვები უკან დააბრუნეს და მათ დაღლილობა ეტყობოდათ ფსიქოლოგიური წნეხის გამო. სკოლის ორი თანამშრომელი კვლავ ტყვეობაში იმყოფება. სკოლა უნდა დაიხუროს უსაფრთხოების არარსებობის გამო.

საუდის არაბეთის ტახტის მემკვიდრე ევანგელისტ ლიდერებს შეხვდა

საუდის არაბეთის ტახტის მემკვიდრე შეხვდა ევანგელისტ ლიდერებს, რომლებიც მილიონობით ქრისტიანს წარმოადგენენ. ისინი მას შემდეგ ეწვივნენ საუდის არაბეთს, რაც საუდელი ჟურნალისტი ჯამალ ხაშოგი მოკლეს, მაგრამ მათ საუდის არაბეთიდან მიწვევა რამდენიმე თვის წინ ჰქონდათ მიღებული. ისინი აცნობიერებდნენ იმას, რომ შეხვედრას, შესაძლოა, არაერთგვაროვანი რეაქცია მოჰყოლოდა ხალხის მხრიდან, თუმცა მათ ქრისტიანთა დახმარების ეს შესაძლებლობა უფრო მნიშვნელოვნად მიიჩნიეს.

რუმინეთში და კანადაში ქრისტიანები ლგბტ პროპაგანდის წინააღმდეგ გამოდიან

მსოფლიო ქრისტიანული ახალი ამბები:

* რუმინეთში ეკლესია ლგბტ პროპაგანდის წინააღმდეგ გამოდის. ჩვენ ვესაუბრეთ ხუცეს ტიუდორ პეტანს ტელევიზიიდან „ალფა ომეგა ტივი“ ბიბლიური ქორწინების დაცვის კონსტიტუციური რეფერენდუმის შესახებ.

* კანადაში სამასზე მეტი ხუცესი და ქრისტიანი ლიდერი გამოვიდა ეგრეთ წოდებული „სოჯის“ (S.O.G.I.) წინააღმდეგ. „სოჯი“ გახლავთ სასწავლო გეგმა სექსუალური ორიენტაციისა და სქესის განსაზღვრების შესახებ, რომელსაც იყენებენ საჯარო სკოლებში. ქრისტიანი ლიდერები ამბობენ, რომ ეს ბავშვებისთვის საზიანოა, რადგან ის მათ ასწავლის არაბიბლიურ შეხედულებებს სექსუალურობის შესახებ. ხუცესები სწორედ ამის წინააღმდეგ გამოვიდნენ და ხელი მოაწერეს „დასავლეთ სანაპიროს ქრისტიანულ შეთანხმებას.“