ტეგების არქივი: IFES

IFES-ის კონფერენცია ბაკურიანში (ვიდეო)

გასულ კვირას ბაკურიანში IFES-ის ყოველწლიური კონფერენცია ჩატარდა, რომელსაც კავკასიის რეგიონიდან ქრისტიან სტუდენთა კავშირის ყველა თანამშრომელი ესწრებოდა. კონფერენცია ბიბლიის შესწავლას და თანამშრომლების დაახლოვებას ისახავდა მიზნად.

 

 

3 და 4 ნოემბერს რეფორმაციის 500 წლისთავისადმი მიძღვნილი კონფერენცია გაიმართება

საქართველოს ქრისტიან სტუდენტთა კავშირის მიერ ინიცირებული, რეფორმაციის 500 წლისთავისადმი მიძღვნილი სამეცნიერო კონფერენცია „რეფორმაციის 500 წელი და საქართველო“, 3 და 4 ნოემბერს, სულხან-საბა ორბელიანის სასწავლო უნივერსიტეტის 405-ე აუდიტორიაში გაიმართება. კონფერენცია დილის 10 საათზე დაიწყება და საღამოს 20 საათამდე გაგრძელდება.

კონფერენციის მიზანია, საქართველოში რეფორმაციის მემკვიდრეობის და კვალის შესწავლა და გაანალიზება, მსჯელობა მის აწმყოსა და სამომავლო პერსპექტივებზე. კონფერენციის მომხსენებელთა შორის იქნებიან როგორც სამეცნიერო და არასამთავრობო, ასევე სასულიერო წრეების წარმომადგენლები.

კონფერენციაზე წარმოდგენილია  თემები: რეფორმაცის თეოლოგიური საფუძვლები, რეფორმაციის პროგრესი, ლუთერანობა საქართველოში, ცნობები აუგსბურგის აღსარების ქართულად თარგმნის შესახებ, პოსტ-საბჭოთა სახელმწიფოს რამდენიმე ასპექტი, რეფორმაცია და ქრისტიანული მოწოდება პროფესიაში, პროტესტანტული მედია საქართველოში, სტუდენტების დამოკიდებულება რელიგიურ უმცირესობებთან და სხვა.

გამომსვლელთა შორის იქნებიან: ვარლამ რამიშვილი, სტივენ დრეი, რუსუდან გოცირიძე, მიხეილ ჩერენკოვი, გურამ კუტალია, ირინა სოლეი და სხვები.

ღონისძიებაზე დასწრება თავისუფალია.

IFES-ის წარმომადგენლებმა მთელი ევროპიდან აღდგომა გერმანიაში აღნიშნეს (ვიდეო)

13-18 აპრილს გერმანიაში, ქალაქ აშაფენბურგში 50 ქვეყნიდან ქრისტიან სტუდენტთა  კავშირის წარმომადგენლებს უმასპინძლეს. მთელი ევროპიდან 2000 სტუდენტი შეიკრიბა ბავარიში ერთობისთვის, ახალგაზრდებმა აღდგომის დღესასწაული ერთად აღნიშნეს. კონფერენციას ესწრებოდნენ ქრისტიან სტუდენტთა კავშირის წარმომადგენლები საქართველოდანაც.

IFES-ის გენერალური მდივნების შეხვედრა საქართველოში

1 აპრილს, საქართველოს ქრისტიან სტუდენტთა კავშირმა ყოფილი საბჭოთა ქვეყნებიდან IFES-ის გენერალური მდივნებს უმასპინლა.

 

 

საქართველოს ქრისტიან სტუდენტთა კავშირი 3 დეკემბერს 20 წლის გახდა

საქართველოს ქრისტიან სტუდენტთა კავშირი 3 დეკემბერს 20 წლის გახდა. იუბილესთან დაკავშირებით ორგანიზაციამ მიღება სასტუმრო „გოლდენ პალასის“ საკონფერენციო დარბაზში, 18:00 საათზე გამართა.

ორგანიზაციამ მოღვაწეობა საქართველოში 1990-იან წლებში დაიწყო, როდესაც, რამდენიმე სტუდენტის ინიციატივით, აღმოსავლეთმცოდნეობის ინსტიტუტში ბიბლიის შემსწავლელი ჯგუფი ჩამოყალიბდა. მათ მისიონერთა ხუთკაციანი ჯგუფი ეხმარებოდა IFES-იდან (International Fellowship of Evangelical Students), თუმცა საქართველოში არსებული სამოქალაქო ომის პირობებში ორგანიზაციის საბოლოო ჩამოყალიბება ვერ მოხერხდა. მოგვიანებით, გერმანელმა მისიონერმა წყვილმა, ვერნერ და დითლინდ ბადერშნაიდერებმა, შეძლო საქართველოში ქრისტიან სტუდენტთა კავშირის შექმნა.