1 ივნისს, ბავშვთა დაცვის საერთაშორისო დღეს , განახლებულ მზიურში, დღის 12 საათზე საზეიმო ვითარებაში გაიხსნება ,,მზის ფესტივალი”, რომელიც თუნდაც ერთი დღით გააერთიანებს 8–დან 13 წლამდე ასაკის ბავშვებს , მიუხედავად მათი ფიზიკური შესაძლებლობებისა და სოციალური სტატუსისა. მზიური „მზის ფესტივალს“ უკვე 11 წელია მასპინძლობს. წელს პირველად ფესტივალზე მიწვეულია არასამთავრობო ორგანიზაცია ,,სინათლის თაობა”, რომელიც დამსწრე საზოგადოებას ზღაპრულ გარემოსა და უამრავ სურპრიზს ჰპირდება.
მოძრაობა „სინათლის თაობა“ წარმოადგენს არასამთავრობო ორგანიზაციას, რომელიც დაარსდა 2003 წელს და აერთიანებს ახალგაზრდებს ქრისტიანული ფასეულობების ირგვლივ. ორგანიზაცია აწყობს საქველმოქმედო კონცერტებს, ღონისძიებებს და აქციებს ხელოვნული აბორტის, შიდსის, ძალადობისა და ნარკომანიის წინააღმდეგ. ორგანიზებას უწვს გასართობ და საქველმოქმედო საღმოებს ბავშვთა სახლებისთვის, ატარებს კონფერენციებს, შეხვედრებს, დისკუსიებს და სემინარებს ახალგაზრდებისთვის აქტუალურ თემებზე.
პროექტის იდეის ავტორი ანა გოგუაძეა, რომელიც უკვე თერთმეტი წელია ამ ფესტივალს მეგობრებთან ერთად მართავს. „მზის ფესტივალი“ აერთიანებს ყველა ბავშვს, მიუხედავად მათი ფიზიკური შესაძლებლობებისა და სოციალური სტატუსისა. პროექტის მიზანია, განავითაროს ნოდარ დუმბაძის ბავშვთა ქალაქის იდეა, მოახდინოს სპეციალური საჭიროების მქონე ბავშვების საზოგადოებრივ ცხოვრებაში ჩართვა და შეცვალოს საზოგადოებაში არსებული სტერეოტიპები და სტიგმები მათ მიმართ. პროექტის ფარგლებში აღდგება და თემატურად დაიტვირთება სოციალური კაფე და ამფითეატრი. მზიურის პარკი მთელი წლის განმავლობაში ბავშვებსა და ახალგაზრდებს შესთავაზებს სხვადასხვა სახის შემეცნებით და გასართობ ღონისძიებებს.
წლევანდელ ფესტივალში მონაწილეობას მიიღებენ სპეციალური საჭიროების მქონე , ობოლი და სოციალურად დაუცველი ბავშვები. პროექტი გათვლილია მათ აქტიურ ჩართულობაზე საზოგადოებრივ ცხოვრებაში. მოეწყობა მხიარული ესტაფეტები, კონცერტები, ხელნაკეთი თოჯინების მასტერკლასი და სხვა ბევრი საინტერესო აქტივობა. ასევე გაიმართება გამოფენა–გაყიდვა , საიდან შემოსული თანხაც გადაეცემა მზიურის განვითარების ფონდს.
12:00 – ხელნაკეთი ნივთების და სათამაშოების გამოფენა-გაყიდვა.
• მოზარდთა ეკო-სტუდია „მეზღაპრეების“ გამოფენა
ეკოლოგიური ექსპოზიციის მეშვეობით.
• პოზიტიური სიტყვების გამოფენა ქართული დიალექტური კორპუსის საგანძურიდან.
12:00 – 14:00 “სინათლის თაობის” მხიარული ესტაფეტები. (ამფითეატრის უკან)
12:30 – ეროვნული ბიბლიოთეკის ინიციატივა, “ბავშვები ბავშვებისთვის’’, რომლის ფარგლებშიც სოფელ ბაისუბნის საოჯახო სახლში მცხოვრები ბავშვებისთვის მათი თანატოლები წიგნებს შეაგროვებენ.
12:30 ბავშვთა ხელოვნების სახლი “Dephani KidArt” – ის მოსწავლეთა გამოფენა და ხელნაკეთი თოჯინების მასტერკლასი.
13:00 – სამთო სათხილამურო სპორტ-სკოლა SKI HOUSE ინტერაქტიული პრეზენტაცია ჯანსაღი ცხოვრების წესის შესახებ. (ამფითეატრი)
15: 00 – ფესტივალის მთავარი თეატრალიზებული წარმოდგენა „მზის ბაღი”. (ამფითეატრი)
16:30 – სახალისო კონკურსები მშობლებისთვის. (ამფითეატრი)
18:00 ფესტივალის საზეიმო დახურვა.
დღის მანძილზე “მზიურის” ტერიტორიაზე ბავშვებს გაართობენ ანიმატორები და მზიურის თოჯინა – „მზე’’.