ტეგების არქივი: ქრისტიანობა

ACN: მსოფლიოში 327 მილიონი ქრისტიანი განიცდის დევნას

327 მილიონი ქრისტიანი განიცდის დევნასა და რელიგიური ნიშნით შევიწროებას მსოფლიოს სხვადასხვა ქვეყანაში.

ორგანიზაცია ACN-ის (“Aid to the Church in Need”) კვლევის შედეგები 2018 წლის 22 ნოემბერს გამოქვეყნდა. კვლევის თანახმად, რომელიც ორი წლის განმავლობაში, 2016 წლის ივნისიდან 2018 წლის ივნისამდე ტარდებოდა, ნათქვამია, რომ ქრისტიანები კვლავ რჩებიან იმ რელიგიური ჯგუფის წარმომადგენლებად, რომელიც ყველაზე მეტად იდევნება მსოფლიოში.

კვლევაში ნათქვამია, რომ კაცობრიობის 61% ცხოვრობს ისეთ სახელმწიფოებში, სადაც რელიგიის თავისუფლებას პატივს არ სცემენ. მსოფლიოში ყოველი მეექვსე ქრისტიანი ცხოვრობს ისეთ სახელმწიფოში, სადაც მისი რწმენის საჯაროდ გამოხატვა შესაძლოა დევნისა და დისკრიმინაციის მიზეზი გახდეს, ხოლო ყოველი მეშვიდე კი ისეთ ქვეყნებში, სადაც აღმსარებლობის გამო შეიძლება დაგაპატიმრონ ან მოგკლან.

რელიგიის თავისუფლების კუთხით სერიოზული დარღვევები მსოფლიოს 38 ქვეყანაში გამოიკვეთა. აქედან 17 ქვეყანაში არსებობს რელიგიის თავისუფლების დარღვევები, ხოლო 21 ქვეყანაში რელიგიური უმცირესობების პირდაპირი დევნა, ზოგიერთ შემთხვევაში კი, უმცირესობათა წარმომადგენლების მკვლელობა.

ზემოაღნიშნული კვლევის მიხედვით, 22 ქვეყანაში რელიგიის თავისუფლების შელახვის მიზეზი რადიკალური ისლამიზმია, დანარჩენ ქვეყნებში კი, როგორიცაა – ჩინეთი, ინდოეთი, ჩრდილოეთ კორეა, ვიეტნამი, ყირგიზეთი და მიანმარი – სახელმწიფო ავტორიტარიზმი და ექსტრემალური ნაციონალიზმი.

წყარო

პაკისტანელმა მამაკაცმა ცოცხლად დაწვა 24 წლის გოგონა, ისლამის მიღებასა და ცოლობაზე უარის თქმის გამო

24 წლის ასმა იაქუბი მუსლიმანმა მამაკაცმა ცოცხლად დაწვა იმის გამო, რომ მან უარი უთხრა ცოლად გაყოლასა და ისლამის მიღებაზე.

ასმა იაქუბი პაკისტანელი ქრისტიანი გოგონა გახლდათ, რომელიც ერთ-ერთ ოჯახში დამხმარედ მუშაობდა. სწორედ დამსაქმებლის სახლთან დაესხა თავს 17 აპრილს მუჰამედ რიზვან გუჯური, რომელიც ასმას ქრისტიანული რწმენის მიტოვებას და ცოლად გაყოლას სთხოვდა, რაზეც უარი მიიღო.

თვითმხილველთა თქმით, მოძალადემ გოგონას ბენზინი გადაასხა და ცეცხლი წაუკიდა, როდესაც ასმა საავადმყოფოში გადაიყვანეს, მას სხეულის 80 პროცენტი ჰქონდა დამწვარი. მიუხედავად ექიმების  მცდელობისა, მისი სიცოცხლის გადარჩენა, სამწუხაროდ, ვერ მოხერხდა და 22 აპრილს ის გარდაიცვალა.

ამჟამად თავდამსხმელი დაკავებულია. ის ამბობს, რომ მას არ სურდა გოგონას მოკვლა, არამედ მხოლოდ შეშინება. თუმცა, როგორც ორგანიზაცია “World Watch Monitor” აცხადებს, BBC URDU-სა და ადგილობრივ ქალთა უფლებების დაცვის ორგანიზაციის თქმით, აგრეთვე პოლიციის აზრით, ეს არ იყო მიზანმიმართული თავდასხმა ქალზე და რომ მუჰამედი ფსიქიკურად არამდგრადია მას შემდეგ, რაც დედამისმა 10 წლის წინ თავი მოიკლა. “World Watch Monitor”- ში ფიქრობენ, რომ საგამოძიებო სამსახური მას შანსს უტოვებს, მშრალად გამოვიდეს საქმიდან და ეს ინციდენტი უბრალოდ უბედურ შემთხვევად შერაცხონ.

აღსანიშნავია, რომ პაკისტანი ერთ-ერთი პირველი ქვეყანაა, სადაც ყველაზე ხშირად ფიქსირდება ქრისტიანთა დევნის საკმაოდ მძიმე ფაქტები.

წყარო

თარგმანი: თამუნა ბაღდავაძე

რედაქტირება: მანანა ტვინიკაძე

კონფერენცია ქობულეთში – „ისრაელი და ქრისტიანობა”

13, 14 და 15 აპრილს ქობულეთის სახარების რწმენის ეკლესიაში გაიმართა კონფერენცია, სახელწოდებით – “ისრაელი და ქრისტიანობა.” კონფერენციას ესწრებოდნენ ორგანიზაცია „ცვლილებათა ძალის თემის” წარმომადგენლები ისრაელიდან, ასევე ამერიკული საქველმოქმედო ორგანიზაციის „სტეფანას სახლის” პრეზიდენტი რიჩარდ მ. შარპი. კონფერენციის ფარგლებში ასევე გაიმართა დისკუსია ისრაელის თემაზე.

ირანში ქრისტიანობა სწრაფი ტემპით იზრდება – 20 ირანელის ფარული ნათლობის ისტორია (ვიდეო)

გასულ პარასკევს, თეირანიდან აღმოსავლეთით ათას კილომეტრში, თურქმენეთსა და ავღანეთს შორის არსებულ საზღვართან ახლოს, 20 ირანელი ემზადებოდა იმისათვის, რომ მალულად დაეტოვებინა თავისი ქვეყანა. ამ რეპორტაჟის დელიკატური ხასიათის გამო, ჩვენ გადავწყვიტეთ, არ გაგვეშუქებინა ამ საქმესთან დაკავშირებულ ადამიანთა ადგილმდებარეობა და ვინაობა. მათ ირანი სულ რამდენიმე დღით დატოვეს, ოცივე ადამიანმა გადაწყვიტა ქრისტეს გაჰყოლოდა და მონათლულიყო.

ჩინეთში ქრისტიანული აკადემია უმიზეზოდ დახურეს

ჩინეთის პროვინცია ჰენანში, მთავრობის განკარგულებით, ქრისტიანული აკადემია დაიხურა. მათი თქმით, აკადემიაში მასწავლებლები სტუდენტებს „ტვინს ურეცხავდნენ”.

გამოცემა ChinaAid წერდა, რომ ჯერ კიდევ ივლისში მასწავლებელი ჩჟუ აცხადებდა, რომ ეროვნული უსაფრთხოების დეპარტამენტიდან მიიღო გაფრთხილება იმის შესახებ, რომ დაეტოვებინა სამსახური, რადგან აკადემიას მალე დახურავდნენ.

ოფიცრებმა სასწავლებელს ჩამოართვეს რელიგიური ლიტერატურა, სასწავლო დაწესებულების კუთვნილი კომპიუტერი და სხვა ნივთები, რის შემდეგაც აკადემია დახურეს. ეკლესია აცხადებს, რომ მათი საქმიანობა არ იყო აკრძალული ჩინეთის კომუნისტური მთავრობის მიერ.

როგორც ცნობილია, ექსტრემიზმთან ბრძოლის ფარგლებში, ჩინეთში  2018 წლის 2 თებერვლიდან  რელიგიურ საქმიანობასთან დაკავშირებით ახალი შეზღუდვა ამოქმედდება. ჩინეთში შეიზღუდება რელიგიური შეკრებები, რელიგიური თემების განხილვა ინტერნეტით, რელიგიური ორგანიზაციების დაფინანსება, რელიგიურ სემინარებზე საზღვარგარეთ გამგზავრება და ღვთისმსახურება იმ ადგილებში, რომლებიც რეგისტრირებული არ არის. ხელისუფლებას მიაჩნია, რომ უკონტროლო ქრისტიანობა (ქრისტიანთა რიცხვი ჩინეთში უტოლდება კომუნისტური პარტიის წევრთა რიცხვს) ქვეყნის სტაბილურობისათვის დიდ საფრთხეს წარმოადგენს.

როგორც ჩანს, კანონის ამოქმედებამდე, ჩინეთის კომუნისტური მთავრობა ქრისტიანობასთან საბრძოლველად ქმედით ნაბიჯებს უკვე დგამს.

წყარო

ბრედ პიტი ქრისტიანულ წარსულზე საუბრობს

ძალიან ბევრმა ადამიანმა არ იცის, რომ ჰოლივუდის მსახიობი ბრედ პიტი ტრადიციულ ქრისტიანულ ოჯახში აღიზარდა, მაგრამ, მიუხედავად ამისა, მაინც განუდგა რწმენას.

ერთ-ერთ ინტერვიუში პიტი ამბობს: „თავდაპირველად ჩვენ ბაპტისტურ ეკლესიაში დავდიოდით, როდესაც საშუალო სკოლაში ვსწავლობდი, შემდეგ კი ჩემი მშობლები ქარიზმატულ მოძღვრებას მიჰყვნენ, სადაც ხელებს მაღლა აღაპყრობენ ღვთის განდიდების დროს… ვიცი, რომ ადამიანებს სწამთ და ვიცი, რომ ისინი თავისუფლდებიან, თუმცა არასდროს მესმოდა ქრისტიანობის: ეს არ გააკეთო, ის არ გააკეთო. ყველაფერი აკრძალვაა.“ პიტმა აღიარა, რომ მისთვის ქრისტიანობა აკრძალვათა გრძელ სიასთან არის გაიგივებული.როგორც ჩანს, მან ჯერ კიდევ არ იცის ქრისტეს უპირობო სიყვარულის შესახებ.

როგორც ჟურნალთან GQ Style ინტერვიუში აღნიშნა, კოლეჯში სწავლის დროიდან მოყოლებული, დღე არ გასულა ისე, რომ ალკოჰოლური სასმელი არ დაელია, არ გაესინჯა დამამშვიდებელი, მსუბუქი ნარკოტიკული საშუალებები, არ მოეწია სიგარეტი. დაოჯახების შემდეგ კი მხოლოდ ალკოჰოლს დასჯერდა, თუმცა მისივე აღიარებით, საკმაოდ ბევრს სვამდა. მის ცხოვრებაში იყო წარმატებაც და მარცხიც, თუმცა სახალხო აღიარებას მისთვის მშვიდი ცხოვრება არ მოუტანია. სულ ცოტა ხნის ის თავის მეუღლეს, მსახიობ ანჯელინა ჯოლის გაეყარა.

პიტი ახლა აღარ სვამს. ის თავს იწონებს, რომ ადრე „რუსს თავისივე არყით დაათრობდა“. ამ ეტაპზე კი ის ათეიზმსა და აგნოსტიციზმს შორის დგას და ვერ აურჩევია რომელიმე მათგანი. „ვფიქრობ, ამას ვერავინ გაიგებს მანამ, სანამ იქ არ აღმოჩნდება. მანამდე კი ამაზე ფიქრი არ ღირს.“

რაც შეეხება ჯოლის, მას რწმენის შესახებ განსხვავებული შეხედულება აქვს. ფილმის „გაუტეხელი“ გადაღების შემდეგ, რომელიც ერთი ქრისტიანის ცხოვრებაში მომხდარი ნამდვილი ამბის შესახებ არის გადაღებული, ის მიხვდა, რომ ამ სამყაროში მარტო არ არის. „ამ სამყაროში ჩვენ მარტონი არ ვართ. არ ვიცი, რა ჰქვია ამას, რელიგია თუ რწმენა, მაგრამ ეს ყველა ჩვენგანზე დიდია და გვაერთიანებს“, ამბობს ის.

წყარო

ბრიტანეთის პრემიერ-მინისტრი ტერეზა მეი: „ქრისტიანობა ადამიანთა ცხოვრებაში დიდ როლს თამაშობს.”

ბრიტანეთის პრემიერ-მინისტრმა, თავის მიერ გავრცელებულ განცხადებაში, ხაზგასმით აღნიშნა ქრისტიანობის მნიშვნელოვანი როლი ადამიანთა ცხოვრებაში. სააღდგომო მილოცვაში ტერეზა მეი ამბობს: „ჩვენ დარწმუნებულნი უნდა ვიყოთ, რომ ქრისტიანობა ადამიანთა ცხოვრებაში დიდ როლს თამაშობს. ჩვენ კვლავაც უნდა დავარწმუნოთ ადამიანები, რომ მათ აქვთ საკუთარი რწმენის შესახებ ლაპარაკის უფლება და ეს ქრისტიანობასაც გულისხმობს.”

მან ასევე აღნიშნა ის, რომ ბრიტანელები უნდა გაუფრთხილდნენ ქვეყნის რელიგიურ ტრადიციებსა და სიტყვის თავისუფლებას.

პრემიერ-მინისტრი ამ მიმართვით მხარს უჭერს რელიგიურ თავისუფლებას სწორედ მაშინ, როდესაც ბრიტანელი ქრისტიანები რწმენაზე ლაპარაკის გამო თავს უხერხულად გრძნობენ. გასულ თვეს ბრიტანეთის სასამართლომ ბიბლიის საჯაროდ ქადაგების გამო, ორი მქადაგებელი დაადანაშაულა საზოგადოებრივი წესრიგის დარღვევაში.

ასევე გასულ თვეს დასაქმების ტრიბუნალის მოსამართლემ გააკრიტიკა ქრისტიანი ექთანი, რომელმაც პაციენტებთან თავის რწმენაზე საუბრის გამო დაკარგა სამსახური. მოსამართლემ თქვა, რომ ადამიანებმა არ უნდა დაიწყონ თავიანთ რწმენაზე საუბარი მანამ, სანამ სხვა არ დასვამს კითხვას რწმენის შესახებ.

გასულ წელს, სასამართლომ საცხობის მფლობელებსაც დასდო ბრალი იმაში, რომ უარი თქვეს გამოეცხოთ ტორტის გამოცხობაზე, რომელსაც ჰომოსექსუალისტების მხარდამჭერი წარწერა ექნებოდა.

დამოუკიდებელმა კვლევითმა ინსტიტუტმა განაცხადა, რომ 2010 წელს მიღებული ბრიტანეთის თანასწორობის აქტმა ადამიანის უფლებები იარაღად აქცია რელიგიური თავისუფლების წინააღმდეგ.

პრემიერმა ამ სააღდგომო მილოცვით გამოხატა რელიგიური თავისუფლების წინააღმდეგ განხორციელებულ შეტევათა მიმართ თავისი უარყოფითი დამოკიდებულება. ტერეზა მეი ანგლიკანი სასულიერო პირის შვილია და ყოველთვის აღნიშნავს, რომ თავისი გადაწყვეტილებები თავისივე ქრისტიანულ რწმენიდან გამომდინარეობს. 2014 წელს მან საინფორმაციო სააგენტოსთან BBC განაცხადა: „რწმენა ჩემი ნაწილია და ის მასწავლის, როგორი დამოკიდებულება უნდა მქონდეს ამა თუ იმ საკითხის მიმართ.“

წყარო

ლეკრაე ეგვიპტეში – კოპტებსა და ამერიკელ ქრისტიანებს შორის არსებული დიდი განსხვავება

„გრემის“ მფლობელმა რეპერმა ლეკრაემ, რომელმაც გზა გაკვალა ქრისტიანული ჰიპ-ჰოპის მრავალ შემსრულებლისათვის, რადიო Sirius XM-ის ეთერში ისაუბრა ეგვიპტეში თავისი მოგზაურობის შესახებ.

„მწამს, რომ სახარება შეიძლება იქცეს შთაგონებად ქრისტიანი რეპერებისთვის, მაგრამ დღეს ბევრი ამერიკელი ქრისტიანის აზროვნება არ ჰგავს აღმოსავლეთში მცხოვრებ ქრისტიანთა აზროვნებას. ამერიკელები უფრო მეტად ნაციონალისტები არიან, ვიდრე მორწმუნეები“, თქვა რეპერმა. „ეს კი საკუთარი თავის მიმართ ზიზღს აღძრავს. ამის გამო ქედმაღალნი, თავდაჯერებულნი ვხდებით და საკუთარ თავს სხვებზე მაღლა მდგომებად მივიჩნევთ. მადლია ერთადერთი განსხვავება ჩემსა და ვინმე სხვას შორის.“

ლეკრაემ რადიოს ეთერში ისაუბრა ეგვიპტეში თავისი მოგზაურობის შესახებ, სადაც ის გახდა მოწმე იმისა, თუ როგორ იკრიბებიან სხვადასხვა სარწმუნოების წარმომადგენლები ერთად. მან განაცხადა, რომ სურს მსგავსი რამ ამერიკის შეერთებულ შტატებშიც იხილოს.

„გარკვეული დრო კაიროში გავატარე და ვნახე, როგორ დგანან ხელჩაკიდებულნი კოპტები და მუსლიმანები. მათ ერთობლივი შრომისა და ცხოვრების მდიდარი ისტორია აქვთ,“ თქვა ლეკრაემ. „მაგრამ, რამდენიც არ უნდა გადაიხადოთ, მსგავს რაიმეს ამერიკაში ვერ ნახავთ. ვისურვებდი, რომ უფრო მეტი კავშირ-ურთიერთობა იყოს, გაიდოს ხიდები ამ უაზრო ურთიერთდევნისა ნაცვლად.“

წყარო