ტეგების არქივი: ქრისტიანები

აღდგომის დღესასწაული ერაყელი ქრისტიანებისთვის და ოცნება სახლში დაბრუნებაზე

კვირას ასობით ერაყელი ქრისტიანი შეიკრიბა მოსულის ჩრდილოეთით მდებარე ისლამური სახელმწიფოს მიერ დაზიანებულ, თელ ესქოფში მდებარე ეკლესიაში და 2014 წლის შემდეგ პირველად აღნიშნა აღდგომა.

კვირას სამლოცველოში გუნდის გალობა  არამეულ ენაზე ისმოდა.

დასასრულისთვის ფრანგული ჯგუფის (SOS Chretiens d’Orient)  მიერ შიდა ეზოში დარიგდა გამაგრილებელი სასმელები და ფერადი კვერცხები.

თელ ესქოფი იმდენად არ დაზიანებულა მებრძოლების მიერ, რამდენადაც სხვა ქრისტიანული ქალაქები ნინევეში.  ისლამურმა სახელმწიფომ ადგილობრივ ქრისტიანებს ულტიმატუმი წაუყენა: გადაიხადეთ გადასახადი და მოექეცით ისლამზე ან მოკვდით მახვილით. ბევრმა მათგანმა ამას თავი დააღწია ქურთულ რეგიონში გადასვლით.

350-ზე მეტი ოჯახი დაბრუნდა თელ ესქოფში, რომელიც ოქტომბრიდან უკვე უსაფრთხო რეგიონად მიიჩნევა, რადგან ამერიკის მხარდაჭერით ქურთულმა და ერაყულმა ძალებმა დაიწყეს შეტევები მოსულიდან მებრძოლების გასაძევებლად და ამავე დროს დაიბრუნეს ათობით სოფელი და ქალაქი.

მართალია ბევრისთვის თელ ესქოფი არ წარმოადგენს მშობლიურ სახლს, მაგრამ ეს ის ადგილია, სადაც ისინი თავს უსაფრთხოდ გრძნობენ მეგობრების და ნათესავების გარემოცვაში.

მედელეინ როუფაელი, 70 წლის ქვრივი, ჯერაც ელოდება მოსულში დაბრუნებას.

„მადლობა, ღმერთს!”- ამბობს ის – „ღმერთმა ქნას, სახლში მალე დავბრუნდეთ.”

„ვნატრობ მშვიდობას ერაყის, სირიისა და ლიბანისათვის და  მშვიდობას მთელი მსოფლიოსთვის. ” – თქვა ეკლესიის დიაკვანმა ოზ ჰერმეზმა.

 

წყარო

ჩინელი მორწმუნეები აპროტესტებენ მთავრობის მიერ ეკლესიებში სათვალთვალო კამერების დაყენებას

ჩინელი ქრისტიანი მორწმუნები, რომლებიც წინ აღუდგნენ ზეიანგის პროვინციის ეკლესიებში კომუნისტური პარტიის მიერ კამერების დაყენების პროცესს, სხვადასხვა დაზიანებათა გამო ადგილობრივ საავადმყოფოში გადიან მკურნალობის კურსს.

South China Morning Postის განცხადებით მთავრობამ „უსაფრთხოებისა და ანტი-ტერორისტული“ მიზნით ეკლესიაში სათვალთვალო კამერების დაყენება ბრძანა.

ქალაქ ვენჩჟოუს მორწმუნეები, რომელთა რაოდენობა თითქმის 1 მილიონია, ფიქრობენ, რომ აღნიშნული ქმედება კომუნისტური პარტიის მიერ ქრისტიანობის დევნის კიდევ ერთი ფორმაა, როგორც ეკლესიების სახურავებიდან ჯვრებს ხსნის.

„მთავრობის წარმომადგენლები ეკლესიაში მოვიდნენ და კამერები დააყენეს. ზოგიერთი ხუცესი და მორწმუნე, რომლებმაც პროტესტი განაცხადეს, ეკლესიიდან ძალით გაიყვანეს. ზოგიერთი მათგანს საავადმყოფოში  გადაყვანაც კი დასჭირდა“, თქვა ერთ-ერთმა ადგილობრივმა ქრისტიანმა.

ხელისუფლების წარმომადგენლებმა ეკლესიაში მდგარი მისაღები მაგიდაც  გაანადგურეს და შენობის კიდევ სხვა ნაწილები, მათ შორის ეკლესიაში შემოსასვლელი ჭიშკარიც.

ეკლესიამ განაცხადა, რომ მთავრობის დაჟინებული მოთხოვნის მიუხედავად, ამგვარი ქმედების გამართლება შეუძლებელია. ეკლესიის ნებართვის გარეშე სათვალთვალო კამერების დაყენება ძალაუფლების ბოროტად გამოყენებაზე მიუთითებს.

წყარო

ერაყელი ქრისტიანები ერთიანდებიან დანგრეული სახლების აღსადგენად

ერაყელი ქრისტიანები ბრუნდებიან სამშობლოში ისლამური სახელმწიფოს თავდასხმათა შედეგად სამწლიანი იძულებითი გადასახლების შემდეგ. ქრისტიანთა სამი ძირითადი ჯგუფი გაერთიანდა იმისათვის, რომ ხელახლა ააშენოს 12 ათასზე მეტი სახლი, რომლებიც დანგრეული ან დაზიანებულია.

სირიის კათოლიკურმა ეკლესიამ, სირიის მართლმადიდებლურმა ეკლესიამ და ქალდეველთა კათოლიკურმა ეკლესიამ შექმნეს ნინევეს რეკონსტრუქციის კომიტეტი, რათა დაგეგმონ და ზედამხედველობა გაუწიონ სახლების მშენებელობასა და აღდგენას.

საერთაშორისო კათოლიკური საქველმოქმედო ორგანიზაცია (Aid to the Church in Need) კომიტეტს ფინანსების მოძიებასა და კვლევა-ძიებაში დაეხმარება. კომიტეტის განცხადებით, 12 ათასი სახლის აღდგენა-მშენებელობას 213 მლნ დოლარზე მეტი დასჭირდება.

გასულ წელს, აშშ-ს საერთაშორისო კოალიციის დახმარებით, სამხედრო ძალებმა ერაყში რამდენიმე ქალაქი გაათავისუფლეს ისლამური სახელმწიფოსგან, გასული წლის დეკემბერში კი მოხდა აღმოსავლეთ მოსულის გათავისუფლებაც. ახლა სამხედროები მოსულის დასავლეთ ნაწილის გათავისუფლებასაც ცდილობენ.

2016 წლის ნოემბერში გაათავისუფლეს ერაყის უძველესი ქალაქი ქარაქოში, სადაც ქრისტიანთა ერთ-ერთი უძველესი თემი არსებობდა. ქალაქი მიწასთან არის გასწორებული და ქვებისა და ნანგრევების გროვად არის ქცეული, თუმცა ქალაქის მცხოვრებნი იმედოვნებენ, რომ ღმერთი აღადგენს მათ მიწას.

ეროვნული უსაფრთხოების ანალიტიკოსის პროფესორ რაიან მაუროს თქმით, ქარაქოშის მცხოვრებლებს ახლა უფრო მტკიცე რწმენა აქვთ, ვიდრე მანამდე; მათ დაიფიცეს, რომ კვლავ აღადგინენ დამწვარ ეკლესიას, სადაც გაცილებით უფრო მეტი ხალხი შევა, ვიდრე ოდესმე.

2016 წლის ოქტომბერში გაათავისუფლეს კერამლისი, მოსულიდან სამხრეთ-აღმოსავლეთით მდებარე უძველესი ქალაქი.

წყარო: http://www.christianpost.com

ალეპოში მცხოვრები ქრისტიანები აგრძელებენ მახარებლობას და მსახურებას

აშშ-ს კონგრესმენი ტულსი გაბარდი ესტუმრა პრესვიტერიანულ ეკლესიას სირიის ქალაქ ალეპოში. არსებულ საფრთხეთა მიუხედავად ეკლესია აგრძელებს მსახურებას. მორწმუნეთა თემის ღვთისმსახურებმა განმარტეს ის მოტივები, რომელთა გამოც რჩებიან დანგრეულ ქალაქში.

სირიელ ქრისტიან დევნილებს უჭირთ აშშ-ში მოხვედრა. 2016 ფინანსური წლის განმავლობაში აშშ-მ მიიღო 12 587 სირიელი დევნილი. მათგან მხოლოდ 64 ანუ 0,5% იყო ქრისტიანი. სულ სირიელთა მხოლოდ 10%-ია ქრისტიანი. გაეროს ცნობით, სულ უფრო და უფრო მეტი ქრისტიანი დევნილი ითხოვს თავშესაფარს. ქრისტიანები კი ამბობენ, რომ მათ სდევნიან გაეროს ბანაკებში და ამიტომაც არ სურთ იქ ცხოვრება, თუმცა თუ იქ არ დარჩებიან, დაკარგავენ დევნილის სტატუსს.

ბევრი ქრისტიანი გარბის სირიიდან საკუთარი სიცოცხლის გადასარჩენად, ხოლო ზოგი დარჩენას ამჯობინებს.

ალეპო ნანგრევებადაა ქცეული, თუმცა ამ ნანგრევებს შორის მაინც აგრძელებს ცხოვრებას მცირერიცხოვანი, მაგრამ ერთ მუშტად შეკრული მორწმუნეთა თემი. კონგრესმენი ტულსი გაბარდი მათ იმისათვის ესტუმრა, რომ ეკითხა, რისთვის რჩებიან ისინი იქ.

„მათ მთლიანად დაბომბეს ეკლესია,“ ამბობს დაზარალებული ეკლესიის მღვდელი. „შემდეგ კი უხაროდათ და ამაყად აცხადებდნენ თავიანთ ვებ-გვერდებზე: ‘ჩვენ გავანადგურეთ ადამიანები, რომლებიც სამ ღმერთს ეთაყვანებოდნენ,’ ისინი ხომ მიიჩნევენ, რომ ჩვენ, ქრისტიანებს სამი ღმერთის გვწამს. ჩვენ კი აქ იმისათვის მოვედით, რომ ვთქვათ: ისინი ფიქრობდნენ, რომ ეკლესია შენობაა, მაგრამ ეკლესია არასოდეს ყოფილა მხოლოდ შენობა. ეკლესია ეს თემია და ჩვენ ვიცით, რომ მოწოდებულნი ვართ ვიყოთ წუთისოფლისათვის მარილი და ნათელი.“

მიუხედავად არსებული მდგომარეობისა, ალეპოში მცხოვრები პრესვიტარიანელები ამბობენ, რომ არ შეწყვეტენ მახარებლობას თავიანთ ქალაქში.

წყარო: http://mhn.emmanuil.tv/

“ალაჰ აკბარ!” – ქრისტიანთა გენოციდი სირიაში

“პალესტინა, ლიბანი, სირია და ერაყი – ქვეყნები ისლამური უმრავლესობით, მაგრამ სწორედ ამ მიწაზე დაიბადა ქრისტე და პირველი ნაბიჯები გადადგა ქრისტიანულმა თემმა. როგორი პარადოქსიც არ უნდა იყოს ქრისტიანობა იქ აპირებს არსებობის შეწყვეტას, სადაც დაიბადა. ეს არის ნელი სისხლდენა, რომელიც დამახასიათებელია ქრისტიანული თემებისთვის ახლო აღმოსავლეთში და ეს ათწლეულებია გრძელდება.” – აღნიშნავს Corriere della Sera.

ბოლო დროს მსოფლიო შეძრა ასურელი ქრისტიანების წამების შემზარავმა კადრებმა. სირიაში, სადაც ქრისტიანობა ფეხს იდგამდა მისი გავრცელების პირველივე დღეებიდან, ქრისტიანების გენოციდი მიმდინარეობს.

აქ, მოციქულების მიერ დაარსებულ ეკლესიებს ბევრჯერ მოუწიათ სასტიკი დევნისა და შევიწროვების გადატანა, თუმცა მიუხედავად ყველაფრისა ქრისტიანებმა დიდი როლი ითამაშეს ისეთი ქვეყნების ცხოვრებაში, როგორებიც არიან ეგვიპტე, სირია, ლიბანი და ერაყი.

ლიბანში 20, ხოლო სირიაში 10 ქრისტიანული კონფესია მოქმედებდა. მე-20 საუკუნე რთული აღმოჩნდა არაბულ სამყაროში მცხოვრები ქრისტიანებისთვის, მათდამი მოპყრობა სულ უფრო სასტიკი ხდებოდა, ისინი უცხონი გახდნენ საკუთარ ქვეყანაში და ნელ-ნელა დაიწყეს საკუთარი მიწა-წყლის დატოვება, რათა თავი დაეღწიათ რელიგიური ნიშნით დევნისთვის.

1948 წელს ქრისტიანებმა დაიწყეს პალესტინის ტერიტორიის დატოვება, 1975 წელს ლიბანი აღმოჩნდა ამ ფაქტის წინაშე. მიუხედავად იმისა, რომ 21-ე საუკუნე რელიგიური (და არამარტო) უმცირესობების მიმართ ტოლერანტული დამოკიდებულებებითაა გამორჩეული და ადამიანების უფლებების დასაცავად არაერთი საერთაშორისო ორგანიზაცია მოღვაწეობს ფართო ასპარეზზე, ეს საუკუნეც მძიმე აღმოჩნდა ისლამური სამყაროს ქრისტიანებისთვის.

2003 წელს ქრისტიანები იძულებულნი იყვნენ მასიურად დაეტოვებინათ ერაყი, ხოლო 2011 წლიდან სირია დადგა ქრისტიანთა გადასახლებისა და გენოციდის საფრთხის წინაშე.

სამოქალაქო ომის დაწყებამდე სირიაში ქრისტიანთა რაოდენობა დაახლოებით ორ მილიონ მცხოვრებზე მეტს შეადგენდა. ყველაზე მრავალრიცხოვანი მრევლი ბერძნულ მართლმადიდებლურ ეკლესიას ჰყავს, თუმცა ასევე არიან კათოლიკეებიც და პროტესტანტებიც.

საკუთარი სახლების იძულებით დატოვება უკვე 450 ათასზე მეტ სირიელ ქრისტიანს მოუწია, დაახლოებით 25 000 ლიბანში დევნილის სტატუსით იმყოფება. ქვეყანაში დარჩენილები კი გენოდის საფრთხის წინაშე დგანან.

ყოველდღიურად ვრცელდება ინფორმაციები წამებულთა და დახოცილთა შესახებ, თანამემამულენი უგზავნიან სასტიკი დევნის ამსახველ ვიდეომასალას სხვა ქვეყანაში მცხოვრებ მოძმეებს, უამრავ ფაქტს თვითონ ე.წ. “ისლამური სახელმწიფოს” ბოევიკები ასაჯაროვებენ და მეტი “ეფექტისთვის” ქრისტიანთა უმოწყალო წამებასა და ხოცვას მუსიკალურად და კომპიუტერული სპეცეფექტებით აფორმებენ. ეს მუქარის მესიჯია ცოცხლად დარჩენილი ქრისტიანებისთვის.

კადრებში ჩანს, როგორ სთხოვენ მათ რჯულის შეცვლას და საპასუხო დუმილის ფონზე ისმის გამყინავი “ალაჰ აკბარ” და ერთი გასროლით თავში, ქრისტიანები კვდებიან თავიანთი რწმენის გამო. ეს შედარებით “ადვილი” სიკვდილია იმათ ფონზე, ვისაც თავებს აჭრიან, ახრჩობენ, ან მცირეწლოვან შვილებს უხოცავენ თვალწინ, არის ჯვარზე წამების ფაქტებიც…

2006 წელს 11 რადიკალური ისლამისტური დაჯგუფების გაერთიანების შედეგად, დაარსდა ISIS-ი _ ერაყისა და ლევანტის ისლამური სახელმწიფო (არაბ. الدولة الإسلامية في العراق والشام), 2014 წლის 29 ივნისიდან ოფიციალურად ისლამური სახელმწიფო (არაბ. الدولة الإسلامية) — სუნიტ ჯიჰადისტთა ტერორისტული ორგანიზაცია ერაყსა და სირიაში. იგი აკონტროლებს ერაყისა და სირიის ნაწილს.

ტერორისტების გრძელვადიანი მიზანია შეიერთონ მთლიანად ლევანტი, მათ შორის ლიბანი, ისრაელი, პალესტინა, იორდანია, კვიპროსი, სამხრეთ თურქეთი. ISIS- ი ცდილობს შექმნას შარიათზე დამყარებული ერთიანი ტრანსნაციონალური ისლამური სახელმწიფო. ბოევიკები სასტიკად უსწორდებიან ყველას, ვისაც არამართლმორწმუნედ მიიჩნევენ, მათ შორის მუსულმანებსაც.

შექმნის დღიდან ISIS-ი აქტიურად “მოღვაწეობს” ქრისტიანების დევნის კუთხით, თუმცა ბოლო ორი წელია მისმა ქმედებამ გაუგონარ მაშტაბებს მიაღწია და მსოფლიო ირანში ქრისტიანთა გენოციდზე ალაპარაკდა. ჯერ კიდევ 2013 წლის ოქტომბერში სირიაში რადიკალმა ისლამისტებმა 60 ქრისტიანული ტაძარი დაანგრიეს და დახოცეს ჰომსის, ალეპოს, მაალულას ქრისტიანული მოსახლეობა. მიმდინარე წლის თებერვალში ISIS-ის ბოევიკებმა მძევლად აიყვანეს პროვინცია ელ-ჰასაკის მცხოვრები 350-ზე მეტი ქრისტიანი, წამებით მოკლეს 15 ახალგაზრდა, სოფელ თელ-შამირამში ბოევიკებმა ხელთ იგდეს მთელი დასახლება, 51 ოჯახი, რომელთაგან თითოეულში, საშუალოდ, 5 წევრი გახლდათ, სოფელ თელ-ჰორმიზდში ერთ ქალს თავი მოჰკვეთეს, ხოლო ორი მამაკაცი დახვრიტეს. 23 თებერვალს ბოევიკებმა გააუპატიურეს და მოკლეს სირიელი ქრიტიანი ქალი. გარდა ამისა, დაწვეს ეკლესია და ქრისტიანთა სახლები. სირიის სახელმწიფო მედიის ინფორმაციით, ექსტრემისტული ორგანიზაცია „ისლამისტური სახელმწიფოს“ მებრძოლებმა აღდგომის კვირეულში წმინდა მარიამის სახელობის ტაძარი ააფეთქეს ქვეყნის ჩრდილო-აღმოსავლეთ ჰასაკას პროვინციაში…

მაგალითები უამრავია და შეუძლებელია ზუსტი რიცხვის დასახელება, რადგან წამებულთა უმეტესობა უსახელოდ კვდება, ბევრი მათგანის ისტორია ვერ აღწევს ჩვენამდე. უამრავი ბავშვი ხდება “ისლამური სახელმწიფოს” მსხვერპლი, შემაძრწუნებელია გავრცელებული ვიდეომიმართვები, სადაც მათ ნაადრევად “გაზრდილ” მზერას ვაწყდებით, რომლებიც შველას ითხოვენ.

გმირები, რომელთა სისხლიც ქრიტეს სიყვარულზე ღაღადებს, თავიანთი მოწამეობრივი აღსასრულით ღირსეული ქრისტიანობის მაგალითს აძლევენ ქრისტეს მიმდევრებს. მათი მსხვერპლი გვავალდებულებს, ჩვენ რიგითმა ქრისტიანებმა, ვისაც დევნისა და წამების შიშის გარეშე შეგვიძლია ჩვენი რწმენის აღიარება, ვინც არ ვიცით რას ნიშნავს კეფაზე მობჯენილი იარაღი, ვინც საკუთარ სახლში და სამშობლოში მშვიდად ვცხოვრობთ, ვისმა შვილებმაც არ იციან რა არის ჯიჰადი…

ჩვენ უბრალოდ ვალდებულნი ვართ გავაკეთოთ თუნდაც მცირედი, ჯერ კიდევ ცოცხლად დარჩენილი ასურელი (და არამარტო) ქრისტიანებისთვის. გავუწოდოთ დახმარების ხელი ჩვენს დებსა და ძმებს, მივცეთ თავშესაფარი და გავუყოთ ჩვენი სიმშვიდე. დღეს მათ სჭირდებათ სოლიდარობა. გამოხატე შენი სოლიდარობა პეტიციაზე ხელმოწერით, გაუყავი შენი კეთილდღეობა და თუ მილიონიანი მარშის მოწყობას ვერ შევძლებთ, უბრალოდ გავაიგივოთ ისინი საკუთარ თავთან და თითოეულმა შევძლოთ პატარა, გამამხნევებელი განაცხადის გაკეთება : ” მე, დღეს ასურელი ქრისტიანი ვარ!”

პეტიციაზე ხელმოსაწერად გადადით ლინკზე: http://www.petitions24.com/113880