ტეგების არქივი: სოლიდარობა

„წითელი ოთხშაბათი” – დიდ ბრიტანეთში დევნილ ქრისტიანებს იხსენებენ

22 ნოემბერს დიდ ბრიტანეთში საჯარო დაწესებულებები, ეკლესიები და სკოლები წითელ ფერში განათდა იმ ადამიანთა მხარდასაჭერად, რომლებიც საკუთარი რელიგიის გამო განიცდიან დევნასა და უსამართლობას.

აქცია კათოლიკური საქველმოქმედო ფონდის „გასაჭირში მყოფი ეკლესიის დახმარების“  ინიციატივით უკვე მეორე წელია ტარდება. დღეს წითელ ფერში განათდა ვესტმინსტერის სასახლე, ვესტმინსტერის სააბატო , კათოლიკური კათედრალი და ასევ სხვა საჯარო დაწესებულებები იმის აღსანიშნავად, რომ  ეკლესიას უნდა ახსოვდეს მსოფლიოს ის ნაწილები, სადაც რელიგიის თავისუფლება სულ უფრო და უფრო იზღუდება.

აქციის მიზანია მხარდაჭერა გამოხატოს საკუთარი რწმენის გამო დევნილების მისამართით, კიდევ ერთხელ უთხრას „არა” ძალადობას და შევიწროვებას, რომელიც რელიგიის სახელით ხორციელდება.

აქციაში მონაწილე ადამიანები სოლიდარობას წითელი ფერის სამოსის ჩაცმით გამოხატავენ, ლონდონში კი დღეს, სპეციალური მარშრუტით გაივლის წითელი ავტობუსი, რომელზეც იქნება წარწერა: „დავდგეთ რწმენისთვის და თავისუფლებისთვის.” ავტობუსი ლონდონის ღირსშესანიშნაობებთან  შეჩერდება, თავის სვლას კი წითლად განათებულ ვესტმისნსტერის სააბატოსთან დაასრულებს.

წყარო

სოლიდარობა ასურელ ქრისტიანებს! – 19 აპრილის მხარდამჭერი აქცია თბილისში, გორსა და ქუთაისში

19 აპრილს, 17 საათზე თბილისში, პარლამენტის მიმდებარე ტერიტორიაზე გაიმართება ასურელი ქრისტიანების მხარდასაჭერი აქცია. აქციის ორგანიზატორები ჟურნალისტები – ნინო ლაბარტყავა და ლიზა გეგეჭკორი არიან. პარალელურ რეჟიმში გაიმართება აქციები ქუთაისსა და გორში: 15 საათზე ქუთაისში, მესხიშვილის თეატრის მიმდებარე ტერიტორიაზეც; 17 საათზე გორში, გორის დრამატული თეატრის შენობასთან. სამივე აქციის მთავარი გზავნილი სირიაში ქრისტიანთა გენოციდის დაგმობა და ასურელებისთვის სოლიდარობის გამოხატვა გახლავთ. ასევე სახელმწიფოსადმი გზავნილის გაგზავნა იმის შესახებ, რომ მოხდეს ასურელი ოჯახებისთვის საქართველოში თავშესაფრის შექმნა.

„ჩვენ არ მივეკუთვნებით არც ერთ ორგანიზაციასა თუ პოლიტიკურ პარტიას, არ ვართ არასამთავრობო ორგანიზაცია. ჩვენ ვართ ჩვეულებრივი რიგითი მოქალაქეები, თუმცა პროფესიით ჟურნალისტები. ვაწყობთ ამ აქციას იმისთვის, რომ გამოვხატოთ სოლიდარობა იმ ასურელი ოჯახების მიმართ, რომლებიც გენოციდის მსხვერპლნი არიან, ჩვენი კონკრეტული გზავნილია: გვერდით დავუდგეთ და სოლიდარობა გამოვუცხადოთ ასურელ ოჯახებს. თხოვნით მივმართავთ მთავრობას, რომ თუ შესაძლებელია, რამდენიმე ასეთი გაუბედურებული ოჯახი და უპატრონოდ დარჩენილი ბავშვი შევიფაროს. რა თქმა უნდა, ჩვენ ყველას ვერ შევიფარებთ და ამაზე არც გვაქვს პრეტენზია, იქნებ ნაწილი მაინც გადავარჩინოთ, განსაკუთრებით, ბავშვები, მე და ლიზა გეგეჭკორი მზად ვართ თითო ბავშვი ავიყვანოთ საკუთარ ოჯახებში, ვიშვილოთ, გავზარდოთ და შევიფაროთ. ამავე შეხედულებას იზიარებს ძალიან ბევრი ადამიანი. ისინი მზად არიან შეიფარონ ასურელი ბავშვები და გაზარდონ ჯანმრთელ, ნორმალურ პირობებში“, – განაცხადა აქციის ერთ-ერთმა ორგანიზატორმა, ნინო ლაბარტყავამ.

სოციალურ ქსელში ვრცელდება პეტიცია: http://www.petitions24.com/113880, რომელზე ხელმოწერითაც მოქალაქეები გამოხატავენ საკუთარ სურვილს და გზავნილს სახელმწიფოსადმი იმის შესახებ, რომ სურთ ქვეყანამ, რომელშიც ცხოვრობენ, შეიფაროს ასურეთიდან დევნილები. ასურელი ქრისტიანების მხარდასაჭერად სოციალურ ქსელში, შესაბამისი გვერდიც შეიქმნა:

https://www.facebook.com/events/674177326022163/permalink/674326029340626/