ტეგების არქივი: სიძულვილის ენა

ფეისბუკმა ამერიკული ქრისტიანული გვერდი „სიძულვილის ენის” ბრალდებით წაშალა

„მეომარი ქრისტესთვის“ − ასე ეწოდება მედია მსახურებას დასავლეთ ვირჯინიაში, რომლის ფეისბუკ გვერდს 225 000 გამომწერი ჰყავს. 29 დეკემბერს გვერდი ფეისბუკმა წაშალა სიძულვილის ენისა და დაშინების გამოყენებისთვის.

მოგვიანებით, ონლაინ-პეტიციაზე ხელმომწერთა სიმრავლის გამო, ფეისბუკმა საკუთარ გადაწყვეტილებას გადახედა და გვერდი აღადგინა, თუმცა კვლავ წაშალა გასულ პარასკევს.

გვერდის ადმინისტრატორები აკრიტიკებდნენ ერთი და იმავე სქესის წარმომადგენელთა ქორწინებასა და აბორტებს. გვერდზე ქვეყნდება ხუცეს რიკ პენკოსკის ქადაგებები და სხვა პუბლიკაციები, რომლებშიც დაგმობილია ცოდვა. როგორც ხუცესმა პენკოსკიმ განაცხადა მედიასთან საუბრისას, მიმდინარეობს ქრისტიანულ შეხედულებათა „ცენზურა“.

მისი თქმით, 3,000 პოსტიდან მხოლოდ 3 პროცენტი ეხებოდა ლგბტ საკითხებს. „ჰომოსექსუალიზმი არის ის, რაზეც ყველა საუბრობს, ჩვენ ვსაუბრობთ აბორტზე, ვსაუბრობთ მრუშობაზე, ვსაუბრობთ სიძვაზე, არ ვსაუბრობთ ამა თუ იმ პიროვნებაზე“, – დასძინა მან. – „იმ დროს, როცა ფეისბუკმა პირველად წაშალა ჩვენი გვერდი, ჩვენ რჩევას ვაძლევდით ქალბატონს, რომელიც თვითმკვლელობაზე ფიქრობდა.“

მეორედ გვერდის წაშლის შემდეგ ადმინისტრატორებს არავითარი ახსნა-განმარტება არ მიუღიათ.

ფეისბუკი აღნიშნულ საკითხზე არაფერს ამბობს, გარდა იმისა, რომ მისთვის მიუღებელია დაშინების პოლიტიკა და სიძულვილის ენა, რომელიც მიმართულია ნებისმიერი რასის, რელიგიის, ეთნიკური კუთვნილების, სქესის, სექსუალური იდენტობისა თუ გენდერული თანასწორობის მიმართ.

წყარო