ტეგების არქივი: სახარება

„მფრინავი” სახარებები: სამხრეთ კორეის ეკლესიების გზავნილი ჩრდილოელ მეზობლებს

ჩრდილოეთ კორეა ქრისტიანობის ერთ-ერთი სასტიკად მდევნელი ქვეყანაა მთელ მსოფლიოში. ქრისტიანებს იქ სასიკვდილო სასჯელი ელით, მაგრამ ერთი ჯგუფი ახორციელებს საჰაერო ოპერაციებს ჩრდილოეთ კორეაში მცხოვრებ ქრისტიანთა მხარდასაჭერად. გთავაზობთ ექსკლუზიურ რეპორტაჟს მათი მუშაობის შესახებ.

თეატრალური დადგმა მარკოზის სახარების მიხედვით

მარკოზის დრამა არის ევროპაში ცნობილი ინოვაციური თეატრალური წარმოდგენა, რომელიც პირველად გაიმართება საქართველოში 2016 წლის 25 აპრილს, ქალაქ გორის კულტურის ცენტრში (ქ. გორი, მშვიდობის ქუჩა 12ა) 16 საათზე, საქართველოს ქრისტიან სტუდენტთა კავშირის (IFES in Georgia) ორგანიზებით.

90 წუთის განმავლობაში მაყურებელს შესაძლებლობა ექნება არა მხოლოდ მოისმინოს, არამედ საკუთარი თვალით ნახოს, შეიგრძნოს და მონაწილეც კი გახდეს მარკოზის სახარებაში აღწერილი მოვლენებისა.

წარმოდგენაზე მისული მაყურებელი ჯდება წრეში, რომლის ცენტრში მოქცეულია სცენა. სპექტაკლის ხიბლი მსახიობების პროფესიონალიზმი, კოსტუმირება ან სპეციალური განათება როდია, არამედ სახარების გაცოცხლებული სიტყვები. მაყურებლები იმდენად ახლოს არიან მსახიობებთან, რომ უნებლიეთ თავადაც ამ წარმოდგენის მონაწილენი ხდებიან.