ტეგების არქივი: სასამართლო

პაკისტანში მუსლიმანები ქრისტიანი ქალის უდანაშაულოდ ცნობას აპროტესტებენ

უკვე ორე დღეა, ისლამაბადი და პაკისტანის სხვა დიდი ქალაქები ისლამისტი დემონსტრანტების პროტესტმა მოიცვა. ქალაქები ალმოდებული საბურავების ცეცხლშია გახვეული. მათ დაბლოკილი აქვთ მთავარი გზები პაკისტანის დიდ ქალაქებში, რითაც მეორე დღეა აპროტესტებენ უზენაესი სასამართლოს გადაწყვეტილებას მკრეხელობისათვის სიკვდილმისჯილი ქრისტიანი ქალის, ასია ბიბის, გამართლების შესახებ.

ქალმა რვა წელი დაჰყო ციხეში. უზენაესი სასამართლოს ამ გადაწყვეტილების შემდეგ ბიბი გაათავისუფლეს. ის ამჟამად გასაიდუმლოებულ ადგილას იმყოფება. მისი ადვოკატის განცხადებით, ის მალე გაემგზავრება პაკისტანიდან. მას თავშესაფარს სთავაზობენ საფრანგეთი და ესპანეთი.

პაკისტანში კი უმცირესობაში მყოფი ქრისტიანების დასაცავად უშიშროების ძალები განთავსდნენ ეკლესიებთან. მიღებულია ზომები ასევე პაკისტანის უზენაესი სასამართლოს მოსამართლეების დასაცავად.

შეგახსენებთ, რომ ასია ბიბის − პაკისტანელ ქრისტიან ქალს, 5 შვილის დედას, სასიკვდილო განაჩენი 2010 წელს გამოუტანეს წინასწარმეტყველ მუჰამედის სახელის შეურაცხყოფის ბრალდებით. 2009 წლის ივნისში ის კენკრას კრეფდა სხვა ქალებთან ერთად პენჯაბის პროვინციის ქალაქ ლაჰორში. მან იმავე თასიდან დალია წყალი, საიდანაც მუსლიმანი ქალები სვამდნენ, რაც უკმაყოფილების მიზეზი გახდა.

მუსლიმანი ქალები მას უწმინდურად მიიჩნევდნენ, რის საპასუხოდაც ბიბიმ წარმოთქვა სიტყვები, რომელიც მისი ბრალდების საფუძველი გახდა: „ჩემი ქრისტე მოკვდა ჩემთვის და რა გააკეთა შენთვის მუჰამედმა?…“ ამ სიტყვების გამო ის ღვთის გმობაში დაადანაშაულეს ყოველგვარი სამხილის გარეშე, მხოლოდ მოწმეთა ჩვენებების საფუძველზე.

p.s. გთხოვთ ილოცოთ ასია ბიბისა და მისი ოჯახის უსაფრთხოებისთვის, ქრისტიანი და-ძმებისთვის პაკისტანში და მშვიდობისთვის მთელი ქვეყნის მასშტაბით.

პაკისტანის სასამართლოს გადაწყვეტილება

პაკისტანის სასამართლოს გადაწყვეტილება

Posted by პირველი არხი on 2018 m. lapkričio 1 d., ketvirtadienis

BBC: სიკვდილმისჯილი ქრისტიანი ქალი, ასია ბიბი, უდანაშაულოდ ცნეს

ასია ბიბი – პაკისტანელი ქრისტიანი ქალი, რომელიც წინასწარმეტყველ მუჰამედის შეურაცხყოფის ბრალდებით სიკვდილმისჯილთა საკანში, სასამართლოში დავის განხილვას წლების განმავლობაში უშედეგოდ ელოდებოდა, დღეს უდანაშაულოდ ცნეს. ამის შესახებ BBC იტყობინება.

„მე უბრალოდ არ ვიცი, რა ვთქვა, ვერ ვიჯერებ, რომ თავისუფალი ვარ. ძალიან ბედნიერი ვარ.” – ამბობს ის ჟურნალისტთან სატელეფონო საუბრისას.

ასია ბიბის − 54 წლის პაკისტანელ ქალს, 5 შვილის დედას, სასიკვდილო განაჩენი 2010 წელს გამოუტანეს წინასწარმეტყველ მუჰამედის სახელის შეურაცხყოფის ბრალდებით. 2009 წლის ივნისში ის კენკრას კრეფდა სხვა ქალებთან ერთად პენჯაბის პროვინციის ქალაქ ლაჰორში. მან იმავე თასიდან დალია წყალი, საიდანაც მუსლიმანი ქალები სვამდნენ, რაც უკმაყოფილების მიზეზი გახდა.

მუსლიმანი ქალები მას უწმინდურად მიიჩნევდნენ, რის საპასუხოდაც ბიბიმ წარმოთქვა სიტყვები, რომელიც მისი ბრალდების საფუძველი გახდა: „ჩემი ქრისტე მოკვდა ჩემთვის და რა გააკეთა შენთვის მუჰამედმა?…“ ამ სიტყვების გამო ის ღვთის გმობაში დაადანაშაულეს ყოველგვარი სამხილის გარეშე, მხოლოდ მოწმეთა ჩვენებების საფუძველზე.

„ჩემმა ცოლმა მრავალი წელი გაატარა ციხეში, ვიმედოვნებ, რომ მალე ერთად ვიქნებით უსაფრთხო ადგილზე.” – ამბობს ასია ბიბის მეუღლე.

„მსოფლიო უყურებდა მის ტანჯვას, მაგრამ დღეს, ღვთის მადლით, მისი სიხარულით მსოფლიო ხარობს. მის თავისუფლებას ძნელად ვუწოდებდით სამართლიანობას, რადგან არაფერი აანაზღაურებს დაკარგულ წლებს.” – განაცხადა უილსონ ჩოდრიმ, ორგანიზაცია British Pakistani Christian Association-ის პრეზიდენტმა.

ასია ბიბის მხარდასაჭერად და განაჩენის გასაუქმებლად 8 წლის განმავლობაში არაერთ ქვეყანაში ჩატარდა აქციები. მის გადასარჩენად პეტიციაც კი შექმნეს. მაშინდელმა პაპმა, ბენედიქტე XVI-მ ითხოვა ასია ბიბის შეწყალება, ხოლო 2012 წელს საფრანგეთის მაშინდელმა პრეზიდენტმა, ნიკოლა სარკოზიმ, პოლიტიკური თავშესაფარი შესთავაზა ასია ბიბის და მის ოჯახს.

შეგახსენებთ, რომ მუსლიმანი რადიკალები  და ექსტრემისტული დაჯგუფებები გასულ კვირას იმუქრებოდნენ, რომ მისი გამართლების შემთხვევაში მას ცოცხალს არ დატოვებდნენ. ისინი ასევე იმუქრებოდნენ არეულობით ქვეყანაში და ამ გზით ცდილობდნენ ზეწოლას სასამართლოზე, მიუხედავად ამისა, ასია ბიბი უდანაშაულოდ ცნეს და 8-წლიანი პატიმრობის შემდეგ ის თავის ოჯახს დაუბრუნდება.

 

ასია ბიბის გამართლების შემთხვევაში ისლამური დაჯგუფებები მოკვლით ემუქრებიან

ასია ბიბი პაკისტანელი ქრისტიანი ქალია, რომელიც ღვთის გმობის ბრალდებით სიკვდილმისჯილთა საკანში, სააპელაციო სასამართლოში დავის განხილვას წლებია უშედეგოდ ელოდება. მიმდინარე კვირაში გავრცელდა ინფორმაცია, რომ სააპელაციო სასამართლომ საბოლოო განაჩენი კვირის ბოლომდე უნდა გამოიტანოს.

ასია ბიბის ქმარი და ადვოკატი ოპტიმისტურად არიან განწყობილნი, მაგრამ მუსლიმანი რადიკალები  და ექსტრემისტული დაჯგუფებები იმუქრებიან, რომ მისი გამართლების შენთხვევაში მას ცოცხალს არ დატოვებენ. ისინი ასევე იმუქრებიან არეულობით ქვეყანაში.

ასია ბიბის − 45 წლის პაკისტანელ ქალს, 5 შვილის დედას, სასიკვდილო განაჩენი 2010 წელს გამოუტანეს წინასწარმეტყველ მუჰამედის სახელის შეურაცხყოფის ბრალდებით. 2009 წლის ივნისში ის კენკრას კრეფდა სხვა ქალებთან ერთად პენჯაბის პროვინციის ქალაქ ლაჰორში. მან იმავე თასიდან დალია წყალი, საიდანაც მუსლიმანი ქალები სვამდნენ, რაც უკმაყოფილების მიზეზი გახდა.

მუსლიმანი ქალები მას უწმინდურად მიიჩნევდნენ, რის საპასუხოდაც ბიბიმ წარმოთქვა სიტყვები, რომელიც მისი ბრალდების საფუძველი გახდა: „ჩემი ქრისტე მოკვდა ჩემთვის და რა გააკეთა შენთვის მუჰამედმა?…“ ამ სიტყვების გამო ის ღვთის გმობაში დაადანაშაულეს ყოველგვარი სამხილის გარეშე, მხოლოდ მოწმეთა ჩვენებების საფუძველზე.

p.s. გთხოვთ ილოცოთ ასია ბიბისთვის და მისი ოჯახისთვის. 

წყარო

 

პაკისტანის უზენაესმა სასამართლომ გადადო ასია ბიბის საჩივრის საბოლოო მოსმენა

გუშინ, 13 ოქტომბერს დადასტურდა, რომ პაკისტანის უზენაესმა სასამართლომ გადადო ხუთი შვილის დედის, ქრისტიანი ქალბატონის ასია ბიბის საჩივრის საბოლოო მოსმენა, რომელსაც სიკვდილი ემუქრება თავისი ქრისტიანული რწმენისათვის.

კანონისა და სამართლის ამერიკული ცენტრის საერთაშორისო ფილიალის კანონისა და სამართლის ევროპული ცენტრის პაკისტანის ოფისის წარმომადგენლები სასამართლო სხდომათა დარბაზში იმყოფებოდნენ 13 ოქტომბერს დილით. ისინი იუწყებიან:

დღეს სასამართლომ არ განიხილა ასია ბიბის საქმე. ერთ-ერთი მოსამართლე იქბალ ჰამიდ-ურ-რეჰმანი საქმეს ჩამოაშორეს, რადგან ის გახლდათ ისლამაბადის უმაღლესი სასამართლოს მთავარი მოსამართლე, როცა სასამართლომ დამნაშავედ სცნო მუმთაზ ქადრი, პენჯაბის გუბერნატორის სულემან ტაზერის მკვლელი. ორივე საქმე ერთმანეთთანაა დაკავშირებული, რადგან პენჯაბის გუბერნატორი მოკლეს იმის გამო, რომ ასია ბიბის უჭერდა მხარს.

სასამართლო დარბაზი სავსე იყო ასია ბიბის მხარდამჭერებითა და მოწინააღმდეგეებით, ხოლო პაკისტანისა და საერთაშორისო მედიის წარმომადგენლები სასამართლოს გარეთ იმყოფებოდნენ.

პირველად ასიას საქმე უნდა განხილულიყო, თუმცა მთავარმა მოსამართლემ უარი თქვა საქმის მოსმენაზე იმ მიზეზით, რომ მოსამართლე იქბალ ჰამიდ-ურ-რეჰმანი ისლამაბადის უმაღლესი სასამართლოს მთავარი მოსამართლე იყო მაშინ, როცა სასამართლომ სასიკვდილო სასჯელი გამოუტანა მუმთაზ ქადრის და დასძინა, რომ ეს საქმისადმი მიკერძოებულ მიდგომას გამოიწვევდა.

ასია ბიბის საქმე გაეგზავნება პაკისტანის მთავარ მოსამართლეს, რათა მან პაკისტანის უზენაესი სასამართლოს სხვა მოსამართლეს მიანდოს ამ საქმის განხილვა. თარიღი ჯერ დადგენილი არ არის.

ასია ბიბის დამცველმა საიფ-ულ-მალუკმა მედიას განუცხადა, რომ ახალი ამბების გამოშვებაში მოისმინა ლაალ ჰაჯიდის (ისლამაბადის წითელი მეჩეთის) ფანატიკოსი მუსლიმების განცხადება იმასთან დაკავშირებით, რომ ასია ბიბის მხარდამჭერებიც ღვთისგმობაში დამნაშავეებად იქნებოდნენ მიჩნეულნი. ადვოკატმა პაკისტანის მთავრობას მოსთხოვა გაეთვალისწინებინა ეს მუქარა და მისთვის დაცვა დაენიშნა.