ტეგების არქივი: რეინჰარდ ბონკე

რეინჰარდ ბონკეს გამოსამშვიდობებელი საევანგელიზაციო ტურნე

8-12 ნოემბერს რეინჰარდ ბონკემ დაასრულა თავისი გამოსამშვიდობებელი საევანგელიზაციო ტური ნიგერიაში. თავის ქადაგებაში მან მოუწოდა ქრისტიან მშობლებს, დარწმუნებულიყვნენ, რომ მათ შვილები კვალდაკვალ მიჰყვებიან მათ და სწამთ იესო ქრისტესი.

„იესო ქრისტესთან უნდა მიხვიდეთ, თუ გსურთ ზეცაში მოხვედრა. ის შეცვლის თქვენს ბუნებას, თქვენს ცუდ ჩვევებს. მშვიდობა მოვა თქვენს ოჯახებში, თუ იესოს მიიღებთ და თქვენი შვილებიც თქვენ გამოგყვებიან“, თქვა ბონკემ ლაგოსში შეკრებილი უამრავი ადამიანის წინაშე.

მან ნიგერიელ ხალხს შემდეგი ისტორია მოუთხრო: „ერთ მამას, რომელიც გამუდმებით სასმელს ეძალებოდა, ერთ კვირა დღეს ლუდის ბარში უნდოდა წასვლა, მაგრამ სახლში მისი პატარა ვაჟიც იყო. კოკისპირულად წვიმდა და ამიტომაც მან თავის ბიჭუნას უთხრა: ‘შვილო, შენ სახლში დარჩი, სანამ არ დავბრუნდები.’ მამა წავიდა, დალია და ყველაფერი დაავიწყდა ამქვეყნად. უცებ ლუდის ბარი კარი გაიღო და მისი პატარა ბიჭუნა შემოვიდა. მამას გაუკვირდა და უთხრა: ‘შვილო, მე ხომ არ მითქვამს, სად მივდიოდი. საიდან გაიგე, რომ აქ ვარ?’ ბიჭუნამ მიუგო: ‘მამა, ეს ძალიან ადვილი იყო. კარი გავაღე და ტალახი დავინახე. ტალახში შენი ფეხის ნაკვალევი ჩანდა. მას გამოვყევი და აქამდე მოვედი.’“

ბონკემ გაფრთხილებით მიმართა მშობლებს: „დარწმუნდით, რომ თქვენი შვილები თქვენს კვალს არ მოჰყვებიან, თუ თქვენ თავად ცოდვის გზას ადგახართ.“

რეინჰარდ ბონკემ დააარსა მსახურება „ქრისტე ყველა ერისათვის“. საევანგელიზაციო მსახურებას აფრიკაში ეწეოდა 1967 წლიდან მოყოლებული და ამ პერიოდის განმავლობაში მან, დაახლოებით, 76 მლნ ადამიანს უქადაგა.

წყარო