მარიკე ველდმანმა დატოვა ჰოლანდია და აი, უკვე 40 წელია იერუსალიმში ცხოვრობს. მისი მიზანი გახლდათ გამხდარიყო არაბი ბავშვების დედობილი.

„ფული არ მქონდა. არაფერი მქონდა, გარდა ღმერთის დაპირებისა („…შენ განდობს თავს დაჩაგრული, შენ იყავი ობლის შემწე“. ფსალმუნი 10:35) ობლებზე ზრუნვის შესახებ“, თქვა მარიკემ. „თავდაპირველად რწმენით დავიწყე. სახლი ვიქირავე და მოვაწყვე, შემდეგ კი ბავშვებიც მოვიდნენ“.

წლების  განმავლობაში ოცზე მეტი ბავშვი ცხოვრობდა მარიკესთან. ზოგი მათგანი ცოტა ხნით იმყოფებოდა იქ, ზოგი კი დიდი ხნის განმავლობაში რჩებოდა.

ცხოვრება მყისიერად იცვლება

2015 წლის 13 ოქტომბერს, მარიკეს ცხოვრება შეიცვალა. ეს იმ დღეს მოხდა, ორი პალესტინელი კაცი ავიდა იმ ავტობუსში, რომლითაც მარიკე მგზავრობდა. პალესტინელებმა დანისა და ცეცხლსასროლი იარაღის გამოყენებით სამი მგზავრი მოკლეს.

„ისე საეჭვოდ გამოიყურებოდნენ, ვიფიქრე, ნეტავ, რატომ გაუჩერა ავტობუსის მძღოლმა მათ?“ გაიხსენა მარიკემ. ისინი ტერორისტები იყვნენ. ერთ მათგანს  ხელში დანა ეჭირა, მეორეს – ცეცხლსასროლი იარაღი. დანიანი მამაკაცი ჩემკენ გადმოხტა, ხელი მკრა და ფანჯარაზე მიმაგდო. შემდეგ კი დანით ჭრილობები მომაყენა მხარზე, გულმკერდსა და ხელებზე“.

„მანამ, სანამ დანას მირტყამდა, მე ჩემს მშობლიურ ენაზე ვიმეორებდი: ‘უფალო, იესო'”, თქვა მარიკემ.

მარიკე ხელებით ცდილობდა თავის დაცვას, როცა, უეცრად, კაცმა შეწყვიტა დანის დარტყმა და ავტობუსის ბოლოსკენ წავიდა. მოულოდნელად მარიკემ მინის მსხვრევის ხმა გაიგონა და კარი გაიღო.

მარიკე ავტობუსიდან გადაძვრა. შოკურ მდგომარეობაში იყო და სისხლი სდიოდა. მიუხედავად ამისა, მან მაინც მოახერხა ხელის დაექნია მძღოლისთვის, რომელმაც ის სასწრაფო დახმარების მანქანამდე მიიყვანა. მას ექვსი ჭრილობა ჰქონდა დანით მიყენებული, რომელთა შედეგადაც ფილტვების კოლაფსი განუვითარდა.

„გძულვართ ახლა?“

ბევრი ყოფილი შვილობილი ესტუმრა მარიკეს საავადმყოფოში. „პირველი კითხვა, რაც ბავშვებმა დამისვეს: ‘დედა ახლა გძულვართ? გძულს არაბები?’“ იხსენებს ის.

„განცვიფრებული ვიყავი, არ მეგონა ასეთ კითხვებს თუ დამისვამდნენ. ვუპასუხე, ‘არა, ბავშვებო, როგორ მეკითხებით ასეთ რამეს?’ რა თქმა უნდა, არ მძულს ისინი’“.

„მაშინ, როცა ავტობუსიდან გამოღწევა მოვახერხე, ღმერთს მადლობას ვუხდიდი, რომ ცოცხალი ვიყავი და ერთი წუთითაც არ მიფიქრია ის, რომ არაბები შემძულებოდა. მე იმ ადამიანსაც კი ვაპატიე, რომელმაც დამჭრა“, თქვა მან.

„ბავშვებმა მითხრეს: ‘დედა, ეს ხომ უაზრობაა. როგორ შეგიძლია აპატიო მას, ვისაც შენი მოკვლა უნდოდა?’ ამ დროს ვიფიქრე, რომ არ არის უაზრობა ამგვარი ადამიანისათვის თავისი საქციელის მიტევება. ჩვენმა ზეციერმა მამამაც ხომ მოგვიტევა იესო ქრისტეს მეშვეობით. პატიება არჩევანია. მე მინდა ავირჩიო პატიება და თუ შენც ამას ირჩევ, ღმერთი, თავისი მადლით, გაძლევს ძალას ამის გასაკეთებლად. აი, ეს ავუხსენი ჩემს ბავშვებს. ამ საშინელმა ამბავმა კიდევ უფრო დამაახლოვა ღმერთთან. ღმერთმა დამიმტკიცა, რომ ის საოცარი ღმერთია. ჩვენ დიდებულ ღმერთს ვემსახურებით. ის კეთილია. ეს არის ის, რის თქმაც მინდოდა“.

წყარო: http://www1.cbn.com/

ორი პატარა ბავშვის მამა, რომლის შვილებიც ჩრდილოეთ კაროლინაში მომხდარ ავტოავარიაში დაიღუპნენ, ამბობს, რომ უკვე აპატია იმ სატვირთო მანქანის მძღოლს, ვინც შეჯახება გამოიწვია.

„ჩვენ ჩვენს გულებში ვაპატიეთ იმ კაცს, ვინც ეს ჩაიდინა. ეს არ იყო ადვილი, მაგრამ, გარკვეულწილად, ადვილიც იყო, რადგან მე და ჰედლიმ ვიცით, რომ იესო ქრისტემ მოგვიტევა ჩვენი ცოდვები… ამგვარად, გარკვეულწილად, ძალიან ადვილი იყო იმ კაცისთვის პატიება, ვინც ეს უბედური შემთხვევა გამოიწვია“, თქვა ჯენთრი ედინგსმა (Gentry Eddings), ფორესტ ჰილის ეკლესიის (Forest Hill Church) განდიდების მსახურების ლიდერმა.

ედინგსი, მისი ფეხმძიმე მეუღლე და ორი წლის ვაჟი დობსი 23 მაისს ავტომანქანით მიდიოდნენ, როცა სატვირთო მანქანა, რომელსაც 28 წლის მეთიუ დინსი მართავდა, მათ ავტომანქანას შეეჯახა ვილმინგტონის ახლოს, ჩრდილოეთ კაროლინაში.

წყვილმა დაზიანებები მიიღო, დობსი კი გარდაიცვალა. ჰედლი სასწრაფოდ საავადმყოფოში გადაიყვანეს, რათა გადაუდებელი საკეისრო ჩაეტარებინათ მისთვის, მაგრამ ჩვილი, სახელად რიდი, სამი დღის შემდეგ გარდაიცვალა.

დინსი დადანაშაულებულ იქნა წინასწარი განზრახვის გარეშე ორი ადამიანის სიკვდილსა და სიჩქარის გადაჭარბებაში, იტყობინება The Charlotte Observer.

კომპანია GoFundMe drive-მა აქამდე ონლაინით 195,490 აშშ დოლარის შეგროვება შეძლო.

„ამ საოცრად ტრაგიკულ მოვლენათა გაგება ძალიან ძნელია ჩვენთვის, მაგრამ ვიცით, რომ ღმერთი ყოველთვის აკონტროლებს მდგომარეობას, მაშინაც კი, როცა გვტკივა. ეს უკიდურესად მძიმე დროა ჯენთრისა და ჰედლისთვის”, – ამბობს GoFundMe დრაივი.

კომპანიამ ასევე დაამატა: „მთელი შემოწირულობა პირდაპირ ოჯახს გადაეცემა სამედიცინო მომსახურების ხარჯების დასაფარად და  გთხოვთ ილოცოთ ამ ოჯახისთვის!”

ედინგსმა თქვა, რომ დობსს ძალიან უყვარდა ცეკვა და ტაშის შემოკვრა. მან ასევე თქვა, რომ ჩვილ რიდთანაც მოახერხეს მცირე დროის გატარება: „ხელში გვეჭირა, სანამ თავის ძმასთან წავიდოდა ზეცად.”

უბედურ შემთხვევამდე ერთი დღით ადრე, როგორც ედინგსმა თქვა, ცოტაოდენ აღელვებული იყო, რაკი თავისი დის ქორწილისთვის ემზადებოდა.

„შემდეგ დობსიმ თავისი ტკბილი ხმით მითხრა: „შეჩერდით და გაიგეთ, რომ მე ვარ უფალი'”, – თქვა ედინგსმა.

მან ყველას სთხოვა, რომ დინსისთვის ეპატიებინათ და დაამატა: „აპატიეთ ყველას, ვისდამი წყენაც გაქვთ.”

პასტორმა ჩადვიკმა წყვილს უთხრა: „ჩვენ თქვენ გვერდით ვიქნებით. თქვენზე ლოცვით წარვდგებით ღვთის წინაშე და, როცა გნახავთ, მოგეხვევით. ჩვენ თქვენთან ერთად ვივლით ამ მწუხარებაში.”

წყარო