ტეგების არქივი: ლონდონი

„წითელი ოთხშაბათი” – დიდ ბრიტანეთში დევნილ ქრისტიანებს იხსენებენ

22 ნოემბერს დიდ ბრიტანეთში საჯარო დაწესებულებები, ეკლესიები და სკოლები წითელ ფერში განათდა იმ ადამიანთა მხარდასაჭერად, რომლებიც საკუთარი რელიგიის გამო განიცდიან დევნასა და უსამართლობას.

აქცია კათოლიკური საქველმოქმედო ფონდის „გასაჭირში მყოფი ეკლესიის დახმარების“  ინიციატივით უკვე მეორე წელია ტარდება. დღეს წითელ ფერში განათდა ვესტმინსტერის სასახლე, ვესტმინსტერის სააბატო , კათოლიკური კათედრალი და ასევ სხვა საჯარო დაწესებულებები იმის აღსანიშნავად, რომ  ეკლესიას უნდა ახსოვდეს მსოფლიოს ის ნაწილები, სადაც რელიგიის თავისუფლება სულ უფრო და უფრო იზღუდება.

აქციის მიზანია მხარდაჭერა გამოხატოს საკუთარი რწმენის გამო დევნილების მისამართით, კიდევ ერთხელ უთხრას „არა” ძალადობას და შევიწროვებას, რომელიც რელიგიის სახელით ხორციელდება.

აქციაში მონაწილე ადამიანები სოლიდარობას წითელი ფერის სამოსის ჩაცმით გამოხატავენ, ლონდონში კი დღეს, სპეციალური მარშრუტით გაივლის წითელი ავტობუსი, რომელზეც იქნება წარწერა: „დავდგეთ რწმენისთვის და თავისუფლებისთვის.” ავტობუსი ლონდონის ღირსშესანიშნაობებთან  შეჩერდება, თავის სვლას კი წითლად განათებულ ვესტმისნსტერის სააბატოსთან დაასრულებს.

წყარო

ლონდონი: მქადაგებლის სიტყვებით შეშინებული ასობით მგზავრი მატარებლიდან გადახტა

2 ოქტომბრის დილას, ლონდონში ასობით ათასი მგზავრი დაზარალდა მატარებლების შეფერხების გამო მას შემდეგ, რაც ერთ-ერთი მატარებლიდან „ექსცენტრული“ მქადაგებლის ქადაგებით შეშინებული ასობით ადამიანი პირდაპირ რელსებზე გადმოხტა.

ინციდენტი უიმბლდონის სადგურის ახლოს მოხდა მატარებელში, რომელიც შეპერტონიდან ვატერლოოსკენ მიემართებოდა. ამ ამბის გამო ბრიტანეთის სარკინიგზო კომპანია Network Rail იძულებული გახდა მატარებლისათვის ელექტროენერგია გამოერთო გზის ამ მონაკვეთზე, რამაც ხანგრძლივი დროით შეაფერხა მატარებლების მუშაობა.

ერთ-ერთი თვითმხილველის, იენ ო’სალივანის სიტყვებით, ვიღაც ზურგჩანთიანი მამაკაცი კითხულობდა მონაკვეთებს ბიბლიიდან, შემდეგ მატარებელი გაჩერდა ლონდონის რკინიგზის სადგურის სამხრეთ-დასავლეთით.

„ის მშვიდად და დამაჯერებლად ლაპარაკობდა“, – ამბობს ო’სალივანი. „მან თქვა: ‘ბატონებო და ქალბატონებო, მინდა უფალ იესო ქრისტეს შესახებ გითხრათ. ის აქ იმისთვის არის, რომ განგკურნოთ თქვენი ცოდვებისაგან. ბიბლია ამბობს, რომ ჰომოსექსუალიზმი ცოდვაა, სექსუალური კავშირი ქორწინებამდე – ცოდვაა. თქვენ მონანიება გჭირდებათ’“.

სხვა მგზავრები ამტკიცებდნენ, რომ მქადაგებელმა ლაპარაკი დაიწყო „მსოფლიოს აღსასრულისა“ და საიქიო ცხოვრების შესახებ.

ო’სალივანის თქმით, მქადაგებელს არც უცდია, ვინმეს დამუქრებოდა, მაგრამ ხალხი რატომღაც შეშინდა. ზოგიერთმა მგზავრმა კარი ძალით გააღო და რელსებზე გადახტა.

„მესმოდა, როგორ ყვიროდა ერთი ქალი, რომ მატარებელში მყოფი ერთ-ერთი მამაკაცი ყველას დახოცვას უპირებდა“, – ამბობს ო’სალივანი. „მაგრამ მატარებელში მყოფთაგან არავის გაუგონია მუქარა.“

მატარებლის ზედამხედველმა მქადაგებელი გაჩხრიკა, მაგრამ მის ზურგჩანთაში ბიბლიისა და წყლით სავსე ბოთლის მეტი არაფერი აღმოჩნდა.

მაშინ, როცა მატარებელმა უიმბლდონის სადგურს მიაღწია, ბრიტანეთის სატრანსპორტო პოლიციამ დაკითხა მქადაგებელი, მაგრამ არ დაუპატიმრებია.

შემთხვევის შედეგად არავინ დაშავებულა.

წყარო

ლონდონის უზენაესმა სასამართლომ გადაწყვეტილება ქრისტიანი სტუდენტის სასარგებლოდ მიიღო

გასულ წელს 39 წლის ფელიქს ნიგოლე შეფილდის უნივერსიტეტიდან იმის გამო გარიცხეს, რომ თავის ფეისბუკის გვერდზე მხარი დაუჭირა ტრადიციულ ქორწინებას. მან თქვა: „ბიბლია და ღმერთი ჰომოსექსუალიზმს ცოდვას უწოდებს.” ამის შემდეგ უნივერსიტეტმა მის საქციელს პროფესიისთვის(სოციალური მუშაკისთვის) პრაქტიკულად შეუსაბამო უწოდა.

ოთხი შვილის მამამ უბრძოლველად არ დაყარა ფარ-ხმალი და უნივერსიტეტს უჩივლა. ნიგოლე აცხადებდა, რომ მას უსამართლოდ მოექცნენ. ქვედა ინსტანციაში არაერთხელ თქვეს უარი მისი საქმის განხილვაზე, საბოლოოდ კი  უზენაესმა სასამართლომ მის სასარგებლოდ მიიღო გადაწყვეტილება.

ნიგოლემ და მისმა მეუღლემ ფეისბუკის გვერდზე ვიდეო გამოაქვეყნეს, რომელშიც სასამართლოს შენობის გარეთ ქება-დიდებას უძღვნიან ღმერთს.
“დიდება ეკუთვნის მხოლოდ იესოს!” ამბობს ნიგოლე ვიდეოში. “ჩვენს მეფეზე დიდებული არავინ არის. მისი სამსჯავრო უფრო დიდია, ვიდრე ამ ქვეყნის. ის არის ყველაზე დიდი მმართველი.”

ნიგოლეს საქმე არც პირველია და არც უკანასკნელი იქნება, მაგრამ მორწმუნეთათვის ეს ძალიან კარგი გამხნევებაა.

“როდესაც ასეთ სიტუაციაში აღმოჩნდები, გახსოვდეს, რომ დიდება ეკუთვნის ჩვენს უფალს. დადექი მისთვის და ის მოვა შენს გადასარჩენად.”

 

წყარო

რედაქტორი: გიორგი ფიროსმანაშვილი

ქრისტეს სიტყვები ავტობუსებზე – სააღდგომო-სამახარებლო კამპანია ლონდონში

აღდგომამდე რამდენიმე დღით ადრე ლონდონის ავტობუსებზე წარწერილი იქნება ქრისტეს სიტყვები ბიბლიიდან.

10 აპრილიდან დაწყებული, 75 წითელი, ორსართულიანი ავტობუსი ივლის ლონდონის ქუჩებში, რომლებზეც წარწერილი იქნება ციტატები ბიბლიიდან. ეს სამახარებლო კამპანია ორი კვირა გასტანს.

ავტობუსებზე იქნება მსგავსი წარწერები: „ვინც ჩემში ცოცხლობს და სწამს ჩემი, უკუნისამდე არ მოკვდება. გწამს ეს?“, „მამაჩემის სახლში ბევრი სავანეა“, „მე ვარ გზა, ჭეშმარიტება და სიცოცხლე“.

Revelation TV-ის დამფუძნებელმა, ჰოვარდ კონდერმა განაცხადა, რომ 22 მარტს ლონდონის ცენტრში მომხდარი ტერაქტის შემდეგ „ცხადი გახდა, რომ იმედი, უფრო სწორად უიმედობა, ხდება ამ თაობის პრობლემა“.

„ჩვენ ვფიქრობთ, რომ ბიბლია ბევრს საუბრობს იმედზე და ჩვენც მიგვაჩნია, რომ ეს კამპანია ზეგავლენას მოახდენს ამ თაობის გულზე, გონებასა და აღქმაზე, რათა მიეცეთ მათ უკეთესი მომავლის რწმენა და იმედი“, თქვა კონდერმა.

„ჩემი ბავშვობის დროს ხალხისთვის ნორმალური და ჩვეულებრივი მოვლენა იყო ეკლესიაში სიარული, მაგრამ დღეს რამდენმა იცის იესოს სიტყვები: „ნუ იზრუნებთ ხვალინდელ დღეზე, რადგან ხვალინდელი დღე თვითონ იზრუნებს საკუთარ თავზე: ყოველ დღეს საკმარისად აქვს თავისი საზრუნავი“, ან „მოდით ჩემთან, ყოველნო მაშვრალნო და ტვირთმძიმენო, და მე მოგასვენებთ თქვენ?“ აღნიშნა ჰოვარდ კონდერმა და დასძინა: „ბიბლია არის იმედის წიგნი, რაც თანამედროვე თაობას არ აქვს, რადგან ცოტა იცის იმის შესახებ, თუ რას ამბობს ბიბლია“.

კამპანია „იესოს ციტატები“ ჩატარდება ასევე ინტერნეტშიც, საიტზე http://www.quotejesus.com/და სოციალურ ქსელებში.

ეს კამპანია 2009 წელს ჩატარებული ათეისტური კამპანიის საპირისპიროა, როცა ბრიტანეთის ჰუმანისტურმა საზოგადოებამ ავტობუსებზე წააწერა სიტყვები: „შესაძლოა, ღმერთი არ არსებობს. შეწყვიტე დარდი და დატკბი ცხოვრებით“.

წყარო

უკანასკნელი ოცი წლის განმავლობაში ლონდონში დაიხურა 500 ეკლესია და გაიხსნა 423 მეჩეთი

დამოუკიდებელმა საერთაშორისო ანალიტიკურმა ცენტრმა Gatestone Institute კვირას, 2 აპრილს გამოაქვეყნა ანგარიში, სადაც ნათქვამია, რომ უკანასკნელი ოცი წლის განმავლობაში ლონდონში დაიხურა 500 ქრისტიანული ეკლესია, ხოლო „ინგლისის ქრისტიანობის მწუხარების მოგვრელ ნანგრევებზე“ აღმოცენდა 423 მეჩეთი.

„ბრიტანელი მულტიკულტურალისტები კვებავენ ისლამურ ფუნდამენტალიზმს. უპირველეს ყოვლისა, ლონდონისტანი ინგლისის ქრისტიანობის ნანგრევებს ეფუძნება“, წერენ ანგარიშის ავტორები.

ანგარიშში აღნიშნული იყო, რომ 2001 წლიდან მოყოლებული ლონდონში ყველა კონფესიის 500 ეკლესია დაიხურა და ამ ეკლესიების შენობები კერძო სახლებად გამოიყენება. ამავდროულად, მუსლიმანთა რიცხვმა დიდი ბრიტანეთის დედაქალაქში თითქმის მილიონს მიაღწია.

ბრიტანეთის სოციოლოგიურ კვლევათა დამოუკიდებელი ინსტიტუტის (NatCen Research Institute) მიერ დასახელებული ციფრები გვიჩვენებს, რომ იმ ბრიტანელების რიცხვი, რომლებიც თავს ინგლისის ეკლესიას მიაკუთვნებდნენ, 2012-2014 წლებში, 1,7 მლნ-ით შემცირდა.

კვლევითმა ინსტიტუტმა Gatestone Institute თავის ანგარიშში ხაზი გაუსვა, რომ ქრისტიანების რიცხვის შემცირებასთან ერთად ბრიტანეთი „ნელ-ნელა ისლამის სახეს იღებს“.

მაგალითად, ბირმინჰემში, ბრიტანეთის სიდიდით მეორე ქალაქში, ითხოვდნენ, რომ ბრიტანეთში არსებული მეჩეთებისათვის უფლება მიეცათ, რომ დღეში სამჯერ, ხმის გამაძლიერებლების მეშვეობით, მუსლიმანებისთვის ლოცვისკენ მოეწოდებინათ.

ხსენებული ინსტიტუტის მონაცემების მიხედვით, შარიათის სასამართლოების რიცხვი ლონდონში განუხრელად იზრდება. ასი მათგანი უკვე ოფიციალურად ფუნქციონირებს.

„ეს ახალი სასამართლოები ეფუძნება ადამიანის ხელშეუხებელ უფლებათა უგულებელყოფას: თავისუფლების ფასეულობისა და თანაბარუფლებიანობის უარყოფას, რომლებიც ინგლისის საერთო სამართლის საფუძველია“, აღნიშნულია კვლევითი ცენტრის ანგარიშში. „ბრიტანეთის კულტურული საფუძვლები სწრაფად ნებდება ისლამურ ფუნდამენტალიზმს და ღებულობს მათ მოთხოვნებს“.

წყარო

ლონდონში, ვესტმინსტერზე განხორციელებული თავდასხმა

მარკს ვუდსმა, ქრისტიანული მეგაპორტალის – Christian Today – რედაქტორმა, მორწმუნეებს მოუწოდა ილოცონ ლონდონში შექმნილი სიტუაციისთვის, ტერაქტის შედეგად დაზარალებულებისა და მათი ახლობლებისთვის.

22 მარტს, შუადღისას, ბრიტანეთის პარლამენტის მახლობლად, ათამდე ადამიანი სერიოზულად დაშავდა და ორი კი დაიღუპა. თვითმხილველთა გადმოცემით, მამაკაცი, რომელიც ავტომობილს მართავდა, ჯერ ხალხს დაეჯახა ვესტმინსტერის ხიდზე, შემდეგ კი პარლამენტის ტერიტორიაზე შეღწევა სცადა, სადაც პოლიციელი დაჭრა.

ამ ეტაპზე პარლამენტის წევრები შენობაში იმყოფებიან, მათ ეკრძალებათ შენობის დატოვება მათივე უსაფრთხოების დაცვის მიზნით. დიდი ბრიტანეთის პრემიერ-მინისტრი ტერეზა მეი მრავალრიცხოვანი დაცვამ პარლამენტის შენობას გაარიდა. ლონდონის ცენტრი პოლიციის მიერ არის დაკავებული. სპეცსამსახურები უსაფრთხოების გარანტიას ჯერაც ვერ იძლევიან. ზოგიერთი დაჭრილი კრიტიკულ მდგომარეობაში იმყოფება.

საკუთარ მიმართვაში მარკ ვუდსი აღნიშნავს, რომ ინგლისი ყოველთვის ხელსაყრელი სამიზნე იყო ტერორისტებისთვის და მხოლოდ ბრიტანელი სპეცსამსახურების დამსახურება იყო ქვეყნის უსაფრთხოება, თუმცა დღეს უკვე გაიფანტა ამ ქვეყნის შეუვალობის ილუზია. მან თქვა, რომ თავდამსხმელმა ვესტმინსტერს შეუტია, რომელსაც სიმბოლურად „პარლამენტთა დედას“ უწოდებენ.

წყარო: http://www.christiantoday.com

ლონდონის რამდენიმე სკოლაში გაუქმდება ქრისტიანული შეკრებები

ბრენტის რაიონის (ლონდონის ჩრდილო-დასავლეთი) ადგილობრივმა საბჭომ გადაწყვიტა, რომ საკუთარ ტერიტორიაზე გააუქმოს აუცილებელი ქრისტიანული შეკრებები სახელმწიფო სკოლებში და ისინი მულტირელიგიური შეკრებებით ჩაანაცვლოს.

ამჟამად ბრიტანეთის სკოლები, რომლებსაც ხელისუფლება აფინანსებს, ვალდებულნი არიან ჩაატარონ ყოველდღიური ქრისტიანული შეხვედრები უფლის თაყვანისცემისათვის. ასეთ შეკრებათა ფორმა კანონით არ რეგულირდება, მაგრამ, ჩვეულებისამებრ, ყოველი შეკრება ქრისტიანული ჰიმნების გალობას გულისხმობს. ბოლო დროის გამოკვლევებმა ცხადყო, რომ ბევრი სკოლა უგულებელყოფს ამ წესებს და არ ატარებს ქრისტიანულ შეკრებებს.

ლონდონის რაიონის, ბრენტის საბჭომ, მათი აზრით, „ნოვატორული“ გადაწყვეტილება მიიღო იმასთან დაკავშირებით, რომ ქრისტიანული თაყვანისცემა ჩაანაცვლოს მულტირელიგიურით. ასეთ შეკრებებში მონაწილეობის მიღებას შეძლებენ ყველა რელიგიის წარმომადგენლები და ისინიც, ვინც არც ერთი რელიგიის მომხარე არ არის. მოსალოდნელია, რომ ამ გადაწყვეტილებას ლონდონის სხვა რაიონების საბჭოებიც შეურთდნენ.

რაბინმა ჯონათან რომეინმა აღნიშნა, რომ „თაყვანისცემის შესახებ არსებული ამჟამინდელი კანონები არ არის პოპულარული და ხელს უშლის სკოლებს“ იმგვარად ჩაატარონ შეკრებები, რომ ყველასთვის შთამაგონებელი იყოს – თანამშრომლებისთვისაც და მოსწავლეებისთვისაც. მან აღნიშნა, რომ ქრისტიანული ფუნდამენტის მქონე საზოგადოებაში ყველა რელიგიის წარმომადგენლისათვის არის ადგილი, მათთვისაც კი, ვინც არც ერთი რელიგიის მომხრე არ არის. სწორედ ამიტომ, თაყვანისცემის ერთიანი ფორმა უნდა დაინერგოს თანამედროვე განათლების სისტემაში.

ქრისტიანული უფლებადამცველი ორგანიზაციის – Christian Concern – დირექტორმა ანდრეა უილიამსმა ბრენტის საბჭოს გადაწყვეტილებას სამარცხვინო უწოდა და ხაზი გაუსვა, რომ ქრისტიანულ შეკრებათა არსი ის არის, რომ ყველას შეახსენოს – განათლების მთელი სისტემა ქრისტიანობიდან იღებს სათავეს და ქრისტიანობას ეფუძნება.

წყარო: http://www.christiantoday.com/