ტეგების არქივი: კონფერენცია

კონფერენცია ქობულეთში – „ისრაელი და ქრისტიანობა”

13, 14 და 15 აპრილს ქობულეთის სახარების რწმენის ეკლესიაში გაიმართა კონფერენცია, სახელწოდებით – “ისრაელი და ქრისტიანობა.” კონფერენციას ესწრებოდნენ ორგანიზაცია „ცვლილებათა ძალის თემის” წარმომადგენლები ისრაელიდან, ასევე ამერიკული საქველმოქმედო ორგანიზაციის „სტეფანას სახლის” პრეზიდენტი რიჩარდ მ. შარპი. კონფერენციის ფარგლებში ასევე გაიმართა დისკუსია ისრაელის თემაზე.

სქსკ-ის ორგანიზებით სტუდენტური კონფერენცია „ბიბლია და ცხოვრება” ჩატარდა

საქართველოს ქრისტიან სტუდენტთა კავშირის ორგანიზებით ბორჯომის რაიონში, სოფელ ტიმოთესუბანში 15, 16 და 17 მარტს ჩატარდა სტუდენტური კონფერენცია „ბიბლია და ცხოვრების” მეორე ნაწილი, რომელსაც 20 სტუდენტი დაესწრო თბილისიდან, ქუთაისიდან, გორიდან და ბათუმიდან.
 
აღნიშნული კონფერენციის ფარგლებში სტუდენტები ინდუქციური მეთოდით შეისწავლიდნენ ბიბლიას და მართავდნენ  დისკუსიებს.

 

კონფერენციას უძღვებოდნენ ამერიკიდან მოწვეული სპიკერები ბობ გრამანი და ნენსი ბრიკი. 

 

     

 

IFES-ის კონფერენცია ბაკურიანში (ვიდეო)

გასულ კვირას ბაკურიანში IFES-ის ყოველწლიური კონფერენცია ჩატარდა, რომელსაც კავკასიის რეგიონიდან ქრისტიან სტუდენთა კავშირის ყველა თანამშრომელი ესწრებოდა. კონფერენცია ბიბლიის შესწავლას და თანამშრომლების დაახლოვებას ისახავდა მიზნად.

 

 

ქართლის რეგიონის პროტესტანტული ეკლესიების ერთობლივი ღონისძიება

16 დეკემბერს ქართლის რეგიონის პროტესტანტული ეკლესიების ერთობლივი ღონისძიება გაიმართა, რომელიც ეძღვნებოდა პროტესტანტული რეფორმაციის 500 წლის იუბილეს.

სქსკ-ს ორგანიზებით საბაუნიში რეფორმაციის 500 წლისთავისადმი მიძღვნილი კონფერენცია გაიმართა (ვიდეო)

3 და 4 ნოემბერს, სულხან-საბა ორბელიანის სასწავლო უნივერსიტეტში საქართველოს ქრისტიან სტუდენტთა კავშირის მიერ ინიცირებული, რეფორმაციის 500 წლისთავისადმი მიძღვნილი სამეცნიერო კონფერენცია „რეფორმაციის 500 წელი და საქართველო“    ჩატარდა.

კონფერენციის მიზანი საქართველოში რეფორმაციის მემკვიდრეობის და კვალის შესწავლა და გაანალიზება გახლდათ. კონფერენციის მომხსენებელთა შორის იყვნენ როგორც სამეცნიერო და არასამთავრობო, ასევე სასულიერო წრეების წარმომადგენლები.

3 და 4 ნოემბერს რეფორმაციის 500 წლისთავისადმი მიძღვნილი კონფერენცია გაიმართება

საქართველოს ქრისტიან სტუდენტთა კავშირის მიერ ინიცირებული, რეფორმაციის 500 წლისთავისადმი მიძღვნილი სამეცნიერო კონფერენცია „რეფორმაციის 500 წელი და საქართველო“, 3 და 4 ნოემბერს, სულხან-საბა ორბელიანის სასწავლო უნივერსიტეტის 405-ე აუდიტორიაში გაიმართება. კონფერენცია დილის 10 საათზე დაიწყება და საღამოს 20 საათამდე გაგრძელდება.

კონფერენციის მიზანია, საქართველოში რეფორმაციის მემკვიდრეობის და კვალის შესწავლა და გაანალიზება, მსჯელობა მის აწმყოსა და სამომავლო პერსპექტივებზე. კონფერენციის მომხსენებელთა შორის იქნებიან როგორც სამეცნიერო და არასამთავრობო, ასევე სასულიერო წრეების წარმომადგენლები.

კონფერენციაზე წარმოდგენილია  თემები: რეფორმაცის თეოლოგიური საფუძვლები, რეფორმაციის პროგრესი, ლუთერანობა საქართველოში, ცნობები აუგსბურგის აღსარების ქართულად თარგმნის შესახებ, პოსტ-საბჭოთა სახელმწიფოს რამდენიმე ასპექტი, რეფორმაცია და ქრისტიანული მოწოდება პროფესიაში, პროტესტანტული მედია საქართველოში, სტუდენტების დამოკიდებულება რელიგიურ უმცირესობებთან და სხვა.

გამომსვლელთა შორის იქნებიან: ვარლამ რამიშვილი, სტივენ დრეი, რუსუდან გოცირიძე, მიხეილ ჩერენკოვი, გურამ კუტალია, ირინა სოლეი და სხვები.

ღონისძიებაზე დასწრება თავისუფალია.

კონფერენცია ილიაუნში – „თავისუფლება და რელიგია გერმანიასა და საქართველოში“

20-21 აპრილს, ილიას სახელმწიფო უნივერსიტეტის წიგნის სახლში „ლიგამუსი“, ფრიდრიხ ნაუმანის ფონდის, სავლე წერეთლის ფილოსოფიის ინსტიტუტის, გერმანიის საელჩოს, ილიას სახელმწიფო უნივერსიტეტისა და ევანგელურ-ლუთერანული ეკლესიის ორგანიზებით, გაიმართა საერთაშორისო კონფერენცია „რელიგიური თავისუფლება გერმანიასა და საქართველოში“.

ხუთშაბათს, 20 აპრილს ჩატარდა ლექციები თემებზე: „თავისუფლება და რელიგია“, „რეფორმაციის თავისუფალმა აზროვნებამ (1517) ევროპა შეცვალა“, „ქრისტიანული ეკლესიის განვითარება და ცვლილება: როგორც დასავლეთის, ასევე, მართლმადიდებლური ეკლესიის გადმოსახედიდან“ და „ქართული მართლმადიდებლური ეკლესიის გზა წარსულსა და აწმყოში, პოლიტიკური და საზოგადოებრივი ცვლილებების გათვალისწინებით.“

კონფერენცის პირველ დღეს მომხსენებლები იყვნენ: პეტერ-ანდრეას ბოხმანი, ეპისკოპოსი ჰანს-იოახიმ კიდერლენი, პროფ. გიგა ზედანია, პროფ. ტასილო შმიდტიერი, პროფ. ათინა ლექსუტი, ასოც. პროფ. ლევან გიგინეიშვილი და ასოც. პროფ. სოფიო ზვიადაძე.

21 აპრილს 16:00 საათზე, საერთაშორისო კონფერენციის ფარგლებში გაიმართა სადისკუსიო პანელი „რელიგია და რეფორმა გერმანიასა და საქართველოში“. დისკუსიის განმავლობაში საუბარი მიმდინარეობდა იმის შესახებ, თუ რა გავლენა იქონია გერმანიასა და საქართველოში პარალელურად მინდინარე მოვლენებმა საზოგადოების ჩამოყალიბებასა და ღირებულებების განსაზღვრის პროცესში.

დისკუსიის მონაწილეები გახლდნენ: დავით უსუფაშვილი (პარლამენტის ყოფილი თავმჯდომარე), დოქტ. ირმგარდ შვაიცერი (გერმანიის ყოფილი ფედერალური მინისტრი; ევანგელური ეკლესიის წმინდა სინოდის ხელმძღვანელი), ბექა მინდიაშვილი (თეოლოგი, ილიას სახელმწიფო უნივერსიტეტი) და პროფ. დოქტ. ლუიზე შორნ-შუეტტე (გოეთეს უნივერსიტეტი ქ. ფრანკფურტი მაინზე).

 

წყარო

25 თებერვალს ბათუმში ახალგაზრდული კონფერენცია გაიმართა

25 თებერვალს ბათუმის წმინდა სამების პროტესტანტულ ეკლესიაში ახალგაზრდული კონფერენცია გაიმართა, რომლის დევიზიც იყო “როცა ერთად ვართ, ძლიერნი ვართ”. მასში მონაწილეობა 13 ქრისტიანული ეკლესიის ახალგაზრდებმა მიიღეს.

“ვარციხე ვილაში” ქრისტიანული ახალგაზრდული კონფერენცია ჩატარდა

ქუთაისის სახარების რწმენის ეკლესიის ორგანიზებით “ვარციხე ვილაში” ქრისტიანული ახალგაზრდული კონფერენცია ჩატარდა, სადაც მოწვეულ სტუმრებს შორის იყო “მის უკრაინა 2007” ლიკა რომანი, რომელმაც თავისი ცხოვრების შესახებ ახალგაზრდებთან ისაუბრა.