ტეგების არქივი: კანადა

რუმინეთში და კანადაში ქრისტიანები ლგბტ პროპაგანდის წინააღმდეგ გამოდიან

მსოფლიო ქრისტიანული ახალი ამბები:

* რუმინეთში ეკლესია ლგბტ პროპაგანდის წინააღმდეგ გამოდის. ჩვენ ვესაუბრეთ ხუცეს ტიუდორ პეტანს ტელევიზიიდან „ალფა ომეგა ტივი“ ბიბლიური ქორწინების დაცვის კონსტიტუციური რეფერენდუმის შესახებ.

* კანადაში სამასზე მეტი ხუცესი და ქრისტიანი ლიდერი გამოვიდა ეგრეთ წოდებული „სოჯის“ (S.O.G.I.) წინააღმდეგ. „სოჯი“ გახლავთ სასწავლო გეგმა სექსუალური ორიენტაციისა და სქესის განსაზღვრების შესახებ, რომელსაც იყენებენ საჯარო სკოლებში. ქრისტიანი ლიდერები ამბობენ, რომ ეს ბავშვებისთვის საზიანოა, რადგან ის მათ ასწავლის არაბიბლიურ შეხედულებებს სექსუალურობის შესახებ. ხუცესები სწორედ ამის წინააღმდეგ გამოვიდნენ და ხელი მოაწერეს „დასავლეთ სანაპიროს ქრისტიანულ შეთანხმებას.“

„სქესი არის პირობითი ცნება” – სექსუალური განათლების ლგბტ პროგრამა კანადის სკოლებში (ვიდეო)

ოჯახის შემადგენლობა, შესაძლოა, სხვადახვაგვარი იყოს. ამას სოჯი ეწოდება –სექსუალური ორიენტაცია და გენდერული იდენტიფიკაცია. ეს არის სასწავლო გეგმა, რომლის მიხედვითაც მთელი კანადის მასშტაბით სახელმწიფო სკოლებში მოსწავლეებს უყვებიან ჰომოსექსუალური ცხოვრების წესზე და ეუბნებიან, რომ სქესი არის პირობითი გაგება. სხვა სიტყვებით, რომ ვთქვათ, თქვენი სქესი არ არის დამოკიდებული იმაზე, სხეულის რომელი ნაწილით დაიბადეთ, არამედ იმაზე, თუ რას გრძნობთ მოცემულ დროს.

თარგმანი: თამუნა ბაღდავაძე

რედაქტირება: ნინო ხუროშვილი

კანადის ზოგიერთი სკოლა უარს აცხადებს „სამარიტელის ქისის“ საშობაო საჩუქრების პროგრამაში მონაწილეობაზე

კანადის ორ პროვინციაში არსებული სკოლები მოსწავლეებს „სამარიტელის ქისის“ საშობაო საჩუქრების პროგრამაში მონაწილეობის მიღების უფლებას არ მისცემენ LGBT საკითხებთან დაკავშირებული ორგანიზაციის პოზიციის გამო.

საშობაო საჩუქრების პროგრამა ხორციელდება ქრისტიანული ორგანიზაციის „სამარიტელის ქისის“ (“Samaritan’s Purse”) მიერ. აღნიშნულ ქრისტიანულ ორგანიზაციას აქვს თავისი შეხედულება ჰომოსექსუალიზმთან დაკავშირებით, რომელიც, ადგილობრივი სკოლის მესვეურთა მოსაზრებით, შეუთავსებელია სკოლის პოლიტიკასთან.

CBC News-ის თანახმად, სკოლის ოლქის რწმუნებულებმა, 25 ნოემბერს, ხმა მისცეს სკოლის მონაწილეობის შეწყვეტას საშობაო საჩუქრების პროგრამაში.

მოსწავლეები და მასწავლებლები ამიერიდან ვეღარ შეძლებენ გამოიყენონ საშობაო საჩუქრების მომზადებაში მონაწილეობის მიღების შესაძლებობა. ეს საჩუქრები კი იგზავნება მსოფლიოს ბევრ ქვეყანაში გაჭირვებული ბავშვებისათვის.

ნიუფაუნდლენდის ინგლისური სკოლის ოლქის დროებითმა აღმასრულებელმა დირექტორმა ტონი სტეკმა, განმარტა სკოლების მოქმედების მიზეზი:

„ამ ორგანიზაციის შეხედულება და წესდება ეწინააღმდეგება ჩვენს ინკლუზიურ ფილოსოფიას, განსაკუთრებით იმას, რაც LGBT თემს უკავშირდება“.

წყარო

კანადელი ექიმები უარს ამბობენ ევთანაზიის გაკეთებაზე

ათეულობით კანადელმა ექიმმა შეიცვალა შეხედულება ევთანაზიის შესახებ. ესენი ის ექიმები არიან, რომლებიც წლების განმავლობაში სასიკვდილო ინექციებს უკეთებდნენ ადამიანებს.

ონტარიოს, სულ მცირე, ოცდაოთხმა ექიმმა ითხოვა, რომ მათი გვარები ამოეღოთ იმ ექიმების სიიდან, რომლებსაც მონაწილეობის მიღება სურთ მოკვდინების შესახებ კანადის სამედიცინო დახმარების კანონის განხორციელებაში (MAID –  Canada’s Medical Aid in Dying), რომელიც 2016 წლის ივნისში მიიღეს.

ჯეფ ბლეკმერმა, კანადის სამედიცინო ასოციაციის ვიცე-პრეზიდენტმა, განაცხადა, რომ ზოგი ექიმი თავდაპირველად ფიქრობს, რომ ისინი პაციენტებს ტანჯვის დასრულებაში ეხმარებიან, მაგრამ შემდეგ სულ სხვა სინამდვილეს აწყდებიან.

ონტარიო ერთ-ერთია იმ პროვინციებს შორის, სადაც ჯერ კიდევ ხდება ამ მონაცემთა აღრიცხვა: დღეისათვის არსებობს 137 ექიმისგან შემდგარი ჩამონათვალი, რომლებსაც სურთ ევთანაზიაში მონაწილეობის მიღება. მათგან 107 თანახმაა, რომ პაციენტებს გაუკეთოს სასიკვდილო ინექცია ან გამოუწეროს სასიკვდილო აბები, დანარჩენი 30 კი მხოლოდ იმაზე თანხმდება, რომ პაციენტი შეამოწმოს და განსაზღვროს, ეკუთვნის თუ არა ევთანაზიის უფლება.

კანადის რამდენიმე საავადამყოფომ კატეგორიული უარი განაცხადა ევთანაზიაში მონაწილეობის მიღებაზე რელიგიურ შეხედულებათა გამო.

იმისათვის, რომ თვითმკვლელობაში დახმარების უფლება მიიღოს პაციენტმა, მას უნდა „მძიმე და განუკურნებელი დაავადება“ უნდა აწუხებდეს, ფიზიკურად ან ფსიქოლოგიურად უნდა იტანჯებოდეს.

იურისტები ექიმებს ურჩევენ, რომ პაციენტის სიკვდილის დაგეგმვისას ისარგებლონ ექვსთვიანი ლოდინის წესით, მაგრამ კანონში ბევრი გაურკვეველი იურიდიული ასპექტია ისეთი პაციენტებისათვის, რომლებსაც ევთანაზიის უფლების მიღება სურთ.

„ეს გაურკვევლობა კიდევ უფრო მეტ მღელვარებას იწვევს ექიმებში და ბევრს, უბრალოდ, დრო გაჰყავს“, თქვა ჯონათან რეფლერმა, კუნძულ ვანკუვერზე მომუშავე ექიმმა.

ალექს შადენბერგმა, ევთანაზიის გაუქმების კოალიციის დირექტორმა, განაცხადა, რომ ევთანაზიის აღსრულებაში მონაწილეობის მიღებაზე უარის თქმა გასაკვირი არ არის.

„ვინმეს მოკვლა არ არის ადამიანის პიროვნების ბუნებრივი მახასიათებელი“, თქვა მან.

იმ ექიმებისთვისაც კი, რომლებსაც არ აქვთ ეთიკური პრობლემა ევთანაზიასთან დაკავშირებით, უჭირთ იმ პაციენტების სიკვდილის ყურება, რომლებსაც სასიკვდილო ინექცია გაუკეთეს.

„ვფიქრობ, რომ უახლოეს მომავალში მხოლოდ რამდენიმე ექიმი იქნება ონტარიოსა და მთელ კანადაში, რომლებიც თანახმანი იქნებიან ევთანაზიის ჩატარებაზე, ხოლო დანარჩენი ექიმები იძულებულნი იქნებიან, რომ ყველა პაციენტი მათთან გაგზავნონ და საერთოდაც, არც ისე ბევრი ექიმია საჭირო ადამიანის მოსაკლავად“, თქვა ალექს შადენბერგმა.

წყარო