ტეგების არქივი: ისრაელი

ევროკავშირი მხარს არ უჭერს იერუსალიმის სტატუსის შეცვლას

ევროკავშირი მხარს არ უჭერს ტრამპის მიერ წამოჭრილ საკითხს იერუსალიმის ისრაელის დედაქალაქად აღიარებასთან დაკავშირებით.

საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის ფედერიკა მოგერინის განცხადებით, ევროკავშირი იერუსალიმის სტატუსის შესახებ ადრე მიღწეული საერთაშორისო კონსენსუსის მომხრე რჩება.

„თქვენ იცით ევროკავშირის პოზიცია. ჩვენი აზრით, კონფლიქტის ერთადერთი რეალისტური გადაწყვეტა იქნება ორი სახელმწიფოს, ისრაელისა და პალესტინის არსებობა, რომელთა დედაქალაქებიც იერუსალიმში მდებარეობს, 1967 წელს შეთანხმებული ხაზის შესაბამისად. ეს ჩვენი კონსოლიდირებული პოზიციაა“, – განაცხადა მოგერინიმ  ისრაელის მთავრობის მეთაურთან, ბენიამინ ნეთანიაჰუსთან, შეხვედრისას.

წყარო

“პალესტინამ თვალი უნდა გაუსწოროს არსებულ რეალობას”- ბენიამინ ნეთანიაჰუ

იერუსალიმი დღეს მსოფლიოს ყურადღების ეპიცენტრშია. მას შემდეგ, რაც ამერიკის პრეზიდენტმა იერუსალიმი ისრაელის დედაქალაქად აღიარა, რეგიონში შეტაკებები არ წყდება. ისრაელმა მსოფლიოს დანარჩენ ქვეყნებს მოუწოდა, აშშ-ს მიბაძონ და საელჩოები იერუსალიმში გადაიტანონ.

„პალესტინამ თვალი უნდა გაუსწოროს არსებულ რეალობას“, – ამის შესახებ ისრაელის პრემიერ-მინისტრმა ბენიამინ ნეთანიაჰუმ პარიზში, პრეზიდენტ ემანუელ მაკრონთან ერთად გამართულ პრესკონფერენციაზე განაცხადა.

„მისი თქმით, უკვე სამი ათასი წელია იერუსალიმი ისრაელის დედაქალაქია და ის სხვა არც ერთი ხალხის დედაქალაქი არ ყოფილა.”- წერა BBC.

„იერუსალიმთან ებრაელი ხალხის ათასწლოვანი კავშირის განხილვაზე მსჯელობა აბსურდია. ამის შესახებ შეგიძლიათ წაიკითხოთ ერთ, ძალიან კარგ წიგნში − ბიბლიაში.“ – განაცხადა ნეთანიაჰუმ.

მან პალესტინის ლიდერს მოლაპარაკებაც შესთავაზა და ამ მოწოდებას „მშვიდობის ჟესტი“ უწოდა.

ბრიუსელში ვიზიტით მყოფი ისრაელის პრემიერ-მინისტრი ბენიამინ ნეთანიაჰუ იმედოვნებს, რომ ევროკავშირის ქვეყნების უმრავლესობა იერუსალიმს ისრაელის დედაქალაქად აღიარებს. თავის მხრივ, მოგერინიმ განაცხადა, რომ ევროკავშირი, იერუსალიმის საკითხთან დაკავშირებით, „საერთაშორისო კონსენსუსის“ მომხრე იქნება მომავალშიც.

წყარო

ისრაელმა სირიის სამხედრო ბაზაზე ავიადარტყმა განახორციელა

ისრაელმა დამასკოსთან მდებარე სამხედრო ბაზაზე ავიაიერიში მიიტანა. ინფორმაციას სირიის სახელმწიფო ტელევიზიაზე დაყრდნობით  BBC ავრცელებს.

სირიის ადამიანის უფლებათა ობსერვატორიის წარმომადგენლები ადასტურებენ, რომ გვიან ღამით დამასკოში აფეთქების ხმა ისმოდა, თუმცა ისრაელს ოფიციალურად ავიადარტყმა ამ დრომდე არ დაუდასტურებია.

გავრცელებული ინფორმაციით, ისრაელის მთავრობამ აღნიშნული გადაწყვეტილება მას შემდეგ მიიღო, რაც ცნობილი გახდა, რომ ირანის ისლამური რესპუბლიკა სირიის ტერიტორიაზე სამხედრო ბაზის აშენებას გეგმავს.

ისრაელის პრემიერმინისტრმა ბენიამინ ნეთანიაჰუს თქმით, ირანი “ინტრიგებს ხლართავს”, რათა სირიაში სამხედრო თვალსაზრისით დამკვიდრდეს, მაგრამ ისრაელი არ დაუშვებს, სირიაში ირანის პოზიციების გამტკიცებას.

წყარო

ისრაელმა სადაო ტერიტორიაზე ასობით სახლის მშენებლობის ნებართვა გასცა

ისრაელმა აღმოსავლეთ იერუსალიმში 566 სახლის და კორპუსის მშენებლობის ნებართვა გასცა. პროექტის აღდგენის შესახებ განცხადება დონალდ ტრამპის ინაუგურაციის მეორე დღეს გავრცელდა. პალესტინელები, რომლებსაც სურთ, რომ იერუსალიმის აღმოსავლეთ ნაწილი მათი მომავალი სახელმწიფოს დედაქალაქი გახდეს, მშენებლობათა წინააღმდეგ გამოდიან.

შეგახსენებთ, რომ რამდენიმე კვირის წინ გაერომ, სპეციალური რეზოლუციით, ისრაელს აღნიშნულ ტერიტორიებზე მშენებლობების დაწყება აუკრძალა. პროექტი ადრეც განიხილებოდა, მაგრამ იერუსალიმის მერიამ დღის წესრიგიდან პრემიერ ბენიამინ ნეთანიაჰუს თხოვნით მოხსნა, რომელმაც, თავის მხრივ, აშშ-ს მაშინდელი პრეზიდენტის, ბარაკ ობამას, დამატებით კრიტიკას აარიდა თავი.

ნეთანიაჰუ უკვე ესაუბრა ტელეფონით აშშ-ს ახლანდელ პრეზიდენტს, დონალდ ტრამპს და მედიასთან საუბრისას აღნიშნა, რომ ის „ძალიან კეთილგანწყობილი“ იყო.

ისრაელის მემარჯვენე პარტიები იმედოვნებენ, რომ ამერიკის ახალი პრეზიდენტი გაგებით მოეკიდება პალესტინის ოკუპირებულ ტერიტორიებზე მშენებლობების დაწყებას.

წყარო: http://www.reuters.com/

http://www.dw.com/

ისრაელის პრეზიდენტის ოფიციალური ვიზიტი საქართველოში

საქართველოსა და ისრაელს შორის დიპლომატიური თანამშრომლობის 25 წლისთავთან დაკავშირებით, ისრაელის პრეზიდენტი რეუვენ რივლინი საქართველოს ოფიციალური ვიზიტით ეწვია. ისრაელის დელეგაცია საქართველოში იერუსალიმში მომხდარი ტერაქტიდან მეორე დღეს ჩამოვიდა.

9 იანვარს რუვენ რივლინი უკვე შეხვდა საქართველოს პრეზიდენტსა და პრემიერ-მინისტრს. ისრაელის პრეზიდენტისა და პირველი ლედის საპატივსაცემოდ, პრეზიდენტის სასახლეში ოფიციალური სადილი გაიმართა.

მიღებაზე საქართველოს პრეზიდენტმა ისაუბრა ქართველი და ებრაელი ხალხის 26-საუკუნოვან მეგობრობაზე და აღნიშნა, რომ რივლინის ვიზიტი ამ მეგობრობის კიდევ ერთი თვალსაჩინო მაგალითია.

საქართველო-ისრაელის ურთიერთობაზე ისაუბრა ისრაელის პრეზიდენტმაც და ქართველ კოლეგას ისრაელისთვის მძიმე წუთებში გამოხატული მხარდაჭერისთვის მადლობა გადაუხადა.

10 იანვარს, ვიზიტის მეორე დღეს რუვენ რივლინი პარლამენტის თავმჯდომარეს, ირაკლი კობახიძეს, შეხვდა. ცნობილია, რომ მხარეებმა ორ ქვეყანას შორის არსებული ურთიერთობების გაღრმავებაზე იმსჯელეს.

წყარო

ისრაელი ქართველი ემიგრანტებისთვის ავტომატური უარის შემოღებას გეგმავს

ისრაელის შინაგან საქმეთა სამინისტრო გეგმავს, საქართველოდან და უკრაინიდან თავშესაფრის მაძიებლებისთვის ავტომატური უარი შემოიღოს, – ამის შესახებ გამოცემა Haaretz-ი იუწყება. მედიის ცნობით, შესაბამისი პროცედურა დასამტკიცებლად ისრაელის იუსტიციის სამინისტროს უკვე გადაეგზავნა.

2016 წელს ისრაელში თავშესაფარი მოითხოვა საქართველოს 3069 და უკრაინის 5505 მოქალაქემ, რაც სხვა ქვეყნების მოქალაქეებზე გაცილებით მეტია.

როგორც გამოცემა აღნიშნავს, ბოლო ორი წლის განმავლობაში საქართველოსა და უკრაინის მოქალაქეების მხრიდან თავშესაფრის მოთხოვნის რაოდენობა მნიშვნელოვნად გაიზარდა. ისრაელის მედია იტყობინება, საქართველოს მოქალაქეები თავშესაფრის მოთხოვნისას ძირითადად აცხადებენ, რომ ისინი სამშობლოში პოლიტიკურ რეპრესიებს განიცდიან. ისრაელის შინაგან საქმეთა სამინისტრო აღნიშნავს, რომ უკრაინელებისა და ქართველებისთვის ლტოლვილის სტატუსის მინიჭებაზე ავტომატური უარის თქმით, შესაძლებელი იქნება “უფრო სერიოზული სიტუაციების განსახილველად რესურსის გამოთავისუფლება”.

ბაზალეთის ტბის ტურისტულ კომპლექსში გაიმართა კონფერენცია სახელწოდებით ,,ისრაელი და ბოლო ჟამის ეკლესია”

საქართველოს სახარებისეულ ქრისტიან-ბაპტისტთა ეკლესიების კავშირის ორგანიზებით 15-დან 17 სექტემბრის ჩათვლით ბაზალეთის ტბის ტურისტულ კომპლექსში გაიმართა კონფერენცია სახელწოდებით ,,ისრაელი და ბოლო ჟამის ეკლესია”

ჰამასის ძე

ისრაელს  ბევრი  მტერი  ჰყავს, მაგრამ მათგან ყველაზე  სახიფათო, დაუძინებელი  მტერია ტერორისტული ორგანაზაცია ჰამასი.

ყურანითა და ცეცხლსასროლი იარაღით შეიარაღებული ჰამასის წევრები  ბავშვობიდანვე ისრაელის სიძულვილით იზრდებიან. ოცი  წლის განმავლობაში მათ ათასობით რაკეტა გაუშვეს ისრაელის ტერიტორიზე და მოაწყვეს ასობით ტერორისტული აქტი.

მოსაბ ხასან იუსუფი იყო ჰამასის ტერორისტული ორგანიზაციის ერთ-ერთი დამფუძნებლის შვილი. მას, როგორც ერთ-ერთი გავლენიანი ლიდერის  შვილს, ჰამასის პრინცად გახდომას უწინასწარმეტყველებდნენ.

ის თავისი მამის შინაგანი ბრძოლის მოწმე გახლდათ, ბრძოლისა საკუთარ თავთან, რაც შემდგომში შვილზეც, ანუ თავად იუსუფზეც, აისახა.

მოსაბი იხსენებს, რომ, ერთი მხრივ, მამამისი არ მიიჩნევდა, რომ მუსლიმანები უდანაშაულო ხალხის (ქალებისა და ბავშვების) დახოცვით ცუდს სჩადიოდნენ, რადგან, მათი აზრით, ალაჰმა მისცა მათ ამის ნება. მეორე მხრივ, თვითონ მამამისი უშუალო მონაწილეობას არ იღებდა ტერორისტულ აქტებში, რადგან, თავისი შინაგანი ბრძოლიდან გამომდინარე, ის ამას ვერ დაუშვებდა და ვერც აპატიებდა საკუთარ თავს.

იარაღის უკანონო ტარების გამო ციხეში მოხვედრის შემდეგ, მოსაბს დაუახლოვდა ისრაელის უშიშროების აგენტი (შინ ბეტ). ახალგაზრდა მოსაბი არ იყო მზად იმ  კეთილი დამოკიდებულებისათვის, რაც მისდამი ისრაელის აგენტმა და მისმა თანამშრომლებმა გამოიჩინეს.

„ისინი ჩემს სულიერად გატეხას არ ცდილობდნენ, არც რაიმე ცუდის ჩადენისკენ მიბიძგებდნენ,“ − გვიამბობს მოსაბი, „ისინი ყველაფერს აკეთებდნენ იმისათვის, რომ  მე კარგი, ძლიერი და ბრძენი ადამიანი გავმხდარიყავი. გადიოდა დრო და ვხვდებოდი, რომ აღარ მსურდა ისრაელიანების დახოცვა.“

მოგვიანებით, მოსაბი თავის მეგობართან ერთად, დამასკოს კარიბჭის გავლით, მიდიოდა იერუსალიმში. ერთმა ბრიტანელმა ქრისტიანმა ისინი ბიბლიის  კითხვის საღამოზე მიიპატიჟა. იუსუფმა დაიწყო ახალი აღთქმის კითხვა და მის გულს განსაკუთრებით შეეხო იესოს მიერ მთაზე წარმოთქმული ქადაგება. იგი გამორჩეულად განაცვიფრა მცნებამ: „გიყვარდეთ თქვენი მტრები.“

გარკვეული ხნის შემდეგ იუსუფმა, ებრაელთა დახოცვის ნაცვლად, დაიწყო  თანამშრომლობა ისრაელის უშიშროების სამსახურთან მკვლელობათა თავიდან არიდების მიზნით, მან ხომ ძალიან ბევრი ტერორისტის სახელი იცოდა. ისრაელის  უშიშროების სამსახურისთვის მის მიერ მიწოდებული ინფორმაციის წყალობით აღკვეთილ იქნა უამრავი ტერორისტული აქტი, რის შედეგადაც ასობით უდანაშაულო ადამიანი გადაურჩა სიკვდილს.

იუსუფი უყურებდა იმ ტელეგადაცემებს, რომლებშიც მონაწილეობას იღებდა ცნობილი კოპტი მღვდელი ზაქარია  ბუტროსი. ამ ღვთისმსახურმა კარგად აღწერა და წარმოაჩინა ისლამის შინაარსი თავად ყურანისა და მუსლიმან იმამთა განმარტებათა საფუძველზე.

„ამ ღვთისმსახურმა ჩემში არსებული ყველა ის მკვდარი ძაფები გადაჭრა, რაც მე ისლამთან მაკავშირებდა და ხელს მიშლიდა იმის დანახვაში, რომ იესო ჭეშმარიტი ღმერთის ძეა.“ – ძალიან მალე იუსუფმა ქრისტიანობა მიიღო და  მოინათლა კიდეც.

როდესაც ციხეში მყოფმა იუსუფის მამამ ეს ყოველივე შეიტყო გაზეთების მეშვეობით,  სასოწარკვეთილებაში ჩავარდა. ისლამის ლიდერები და ციხეში მომუშავე ზოგიერთი ისრაელიანი ცდილობდა მის დამშვიდებას. თავდაპირველად, მას არ უნდოდა შვილის უარყოფა, რადგან ეს სასიკვდილო განაჩენის ტოლფასი იქნებოდა, მაგრამ მას შემდეგ, რაც იუსუფი საჯაროდ გამოვიდა და განაცხადა, რომ ისლამი ძალადობის რელიგიაა, რომლის  არსიც ომი და ტერორია, რასაც, სამწუხაროდ, მშვიდობიანი  მუსლიმანებიც ვერ ხვდებიან, მშობლებმა ის უარყვეს, ისლამის მოღალატედ გამოაცხადეს და სასიკვდილო განაჩენი გამოუტანეს. თვითონ იუსუფს კი სწამს, რომ სინათლეში  ცხოვრობს, რადგან  ქადაგებს გადარჩენის სახარებას და ემსახურება ჭეშმარიტ ღმერთს.

ყოფილი ტერორისტი თავის ცხოვრებას აღწერს ავტობიოგრაფიულ წიგნში, რომლის სახელწოდებაა − “ჰამასის ძე”.

 

სტატია მომზადებულია CBN-ის წყაროებზე  დაყრდნობით გიორგი ჯიჯიეშვილის მიერ.