ტეგების არქივი: ისრაელი

ბრაზილია საელჩოს გადატანას იერუსალიმში აპირებს

ბრაზილიის საპრეზიდენტო არჩევნების მეორე ტურში ულტრამემარჯვენე კონგრესმენმა ჟაირ ბოლსონარომ გაიმარჯვა. მან უკვე გაამხილა გეგმები ბრაზილიის საელჩოს იერუსალიმში გადატანასთან დაკავშირებით.

„როგორც ჩემი საპრეზიდენტო კამპანიის დროს ვაცხადებდი, მე ვაპირებ საელჩოს თელ-ავივიდან იერუსალიმში გადატანას, ისრაელი სუვერენული სახელმწიფოა და ჩვენ პატივს უნდა ვცემდეთ მას.“ – განაცხადა ჟაირ ბოლსონარომ.

„მე ვაფასებ ჩემი მეგობრის, ჟაირ ბოლსონაროს გადაწყვეტილებას საელჩოს იერუსალიმში გადატანასთან დაკავშირებით, რაც ისტორიული და სწორი ნაბიჯია.” – განაცხადა ისრაელის პრეზიდენტმა რუვენ რივლინმა.

პრეზიდენტი დონალდ ტრამპი, რომელმაც ასევე გადაიტანა ამერიკის საელჩო თელ-ავივიდან იერუსალიმში, ბრაზილიის პრეზიდენტის განცხადებას “ტვიტერზე” გამოეხმაურა და თქვა: „მქონდა სასიამოვნო საუბარი ახალ პრეზიდენტ ჟაირ ბოლსონაროსთან. ჩვენ შევთანხმდით, რომ ამერიკასა და ბრაზილიას ახლო ურთიერთობები ექნება სავაჭრო, სამხედრო და სხვა სფეროებში. 

წყარო

თარგმანი: თეონა მენაბდიშვილი

რედაქტირება: მანანა ტვინიკაძე

 

300 რაკეტა ისრაელის წინააღმდეგ და საპასუხო იერიში ღაზის სექტორში

12 ნოემბრის ღამეს „ჰამასმა“ ისრაელის მიმართულებით 300-ზე მეტი რაკეტა გაუშვა და მათი უმრავლესობა რაკეტსაწინააღმდეგო თავდაცვის სისტემამ მოიგერია. გამოცემა Times of Israel-ი სამაშველო სამსახურზე დაყრდნობით იტყობინება, რომ ისრაელში ავიაიერიშების შედეგად ერთ-ერთი ადამიანი დაიღუპა, მისი ცხედარი ოთხსართულიან შენობაში იპოვეს, რომელსაც რაკეტა დაეცა. დაშავდა 52 ადამიანი.

ისრაელის თავდაცვის სამინისტროს განცხადებით, საპასუხო იერიშის შედეგად ღაზის სექტორში განადგურებულია 70-ზე მეტი სამიზნე, მათ შორის, პალესტინის ისლამური მოძრაობა „ჰამასის“ ოფიციალური მედია Al-Aqsa TV-ის შენობაც. დაღუპულია სულ მცირე შვიდი პალესტინელი. კონფლიქტის ესკალაციის გამო ისრაელმა ღაზის სექტორთან განათავსა დამატებითი სამხედრო ქვედანაყოფები და მძიმე ტექნიკა.

შეგახსენებთ, რომ ღაზის სექტორის საზღვარზე დაძაბულობა 2018 წლის მარტიდან გამწვავდა, როდესაც სამშვიდობო პროტესტი მასშტაბურ არეულობაში გადაიზარდა. საპროტესტო ტალღა 14 მაისს კიდევ უფრო გამძაფრდა, როდესაც იერუსალიმში აშშ-ის საელჩო გაიხსნა. ეს გადაწყვეტილება თეთრმა სახლმა ჯერ კიდევ გასული წლის დეკემბერში მიიღო.

ჰამასი 1987 წელს დაფუძნდა. ის ტერორისტულ ორგანიზაციად მიაჩნია ისრაელს, კანადას, აშშ-ს და იაპონიას, ასევე იორდანიასა და ეგვიპტეს. 2007 წლიდან ჰამასი ღაზის სექტორს აკონტროლებს.

ისრაელში მცხოვრები საქართველოს მოქალაქეებისთვის, განსაკუთრებით კი ღაზის სექტორის მიმდებარე ქალაქებსა და დასახლებულ პუნქტებში მცხოვრები ქართველებისთვის, შექმნილ მდგომარეობასთან დაკავშირებით საქართველოს საელჩოში ამოქმედდა ცხელი ხაზი: +9723609-3206, +972526919092″.

p.s. გთხოვთ, ილოცოთ ისრაელისთვის, მშვიდობისთვის და საქართველოს თითოეული მოქალაქისთვის ისრაელში.

ალია, ანუ როგორ ბრუნდებიან ისრაელში საცხოვრებლად ებრაელები

დაახლოებით, 600 ათასი ებრაელი ცხოვრობდა პალესტინაში, როცა ისრაელი სახელმწიფო გახდა 1948 წელს. ახალ ქვეყანას მოქალაქეები სჭირდებოდა, რათა გადარჩენილიყო და გაზრდილიყო. მაგრამ საიდან უნდა მოსულიყვნენ ისინი? დღეს მსოფლიოს ყველა კუთხიდან ისრაელში ბრუნდებიან ადამიანები. პირველი ორი წელი მათთვის ყველაზე რთულია, თუ სამწლიან პერიოდს გადალახავს ადამიანი, ეს ქვეყანა მათი სახლი ხდება.

აშშ-ის საელჩოს იერუსალიმში გადატანას ღაზას სექტორში დაპირისპირება მოჰყვა

14 მაისს, იერუსალიმში აშშ-ის საელჩოს გახსნის ცერემონია დაპირისპირებათა ფონზე მიმდინარეობდა. ღაზას სექტორში 35 ათასამდე ადამიანი შეიკრიბა. აქციის მონაწილეები იერუსალიმში აშშ-ის საელჩოს გადატანას აპროტესტებდნენ. BBC-ის ცნობით, ღაზას სექტორში დაღუპულთა რიცხვი 52-მდე გაიზარდა. დაპირისპირების დროს დაშავდა 2,200-ზე მეტი ადამიანი.

პალესტინის ჯანდაცვის სამინისტრო ამბობს, რომ ისრაელის სამხედრო ძალების მიერ მოკლულ პალესტინელთა რიცხვი იზრდება. თავის მხრივ, ისრაელი აცხადებს, რომ პალესტინელების წინააღმდეგ მხოლოდ ცრემლსადენი გაზი გამოიყენა.

ისრაელში ამბობენ, რომ საზღვრის გადალახვის უკანონო მცდელობას ნებისმიერ ფასად შეაჩერებენ. პალესტინელები კი აცხადებენ, რომ ტერიტორიას არასდროს დათმობენ.

შეერთებული შტატების გადაწყვეტილება დაგმო დიდმა ბრიტანეთმა, თურქეთმა და ეგვიპტემ. ღაზა-ისრაელის საზღვარზე მიმდინარე მოვლენებს „აღმაშფოთებელს“ უწოდებს გაერო.

წყარო

დამოუკიდებლობის 70 წელი – ისრაელი გუშინ და დღეს

ისრაელი თავისი დამოუკიდებლობის 70 წლისთავს აღნიშნავს და ნახეთ, რა ღირსშესანიშნავი გარდაქმნებია ჩვენ თვალწინ, რაც ბიბლიურ წინასწარმეტყველებათა აღსრულებაზე მიუთითებს. 150 წლის წინ ცნობილმა მწერალმა მარკ ტვენმა მოინახულა წმინდა მიწა. ის წერდა, რომ ეს იყო „მიტოვებული ქვეყანა“ და „მდუმარე და პირქუში სივრცე“.

ევროპაში ანტისემიტიზმი იზრდება – ათასობით ებრაელი ბრუნდება ისტორიულ სამშობლოში

ანტისემიტიზმი ძლიერდება ევროპაში და ჯერჯერობით დასასრული არ უჩანს. ებრაული სააგენტოს წარმომადგენელი ალან ჰოფმანი ესაუბრა „სიბიენ ნიუსს“ და უთხრა, რომ ათასობით ებრაელი გარბის თავის ისტორიულ სამშობლოში, ისრაელის სახელმწიფოში.

კონფერენცია ქობულეთში – „ისრაელი და ქრისტიანობა”

13, 14 და 15 აპრილს ქობულეთის სახარების რწმენის ეკლესიაში გაიმართა კონფერენცია, სახელწოდებით – “ისრაელი და ქრისტიანობა.” კონფერენციას ესწრებოდნენ ორგანიზაცია „ცვლილებათა ძალის თემის” წარმომადგენლები ისრაელიდან, ასევე ამერიკული საქველმოქმედო ორგანიზაციის „სტეფანას სახლის” პრეზიდენტი რიჩარდ მ. შარპი. კონფერენციის ფარგლებში ასევე გაიმართა დისკუსია ისრაელის თემაზე.

ებრაელმა არქეოლოგებმა გათხრებისას აღმოაჩინეს გზა, რომელიც ორი ათასი წლისაა

დაახლოებით, ექვსი მეტრის სიღრმეზე, დავითის ქალაქთან ახლოს, ებრაელმა არქეოლოგებმა გათხრებისას აღმოაჩინეს გზა, რომელიც ორი ათასი წლისაა. გზა სილოამის აუზიდან იწყება, შემდგომ კი ტაძრის მთამდე ადის. შესაძლოა, სწორედ ამ გზით ადიოდა ტაძარში იესო ორი ათასი წლის წინ.

ვაშინგტონის მუზეუმში დამთვალიერებლებს იერუსალიმში ვირტუალური მოგზაურობა ელით (ვიდეო)

ვაშინგტონში, აშშ-ს საზოგადოებრივ ნაციონალურ მუზეუმში გადაწყვიტეს დამთვალიერებელნი გადაეყვანათ ისრაელში. არა, თქვენ არ გჭირდებათ იქ გამგზავრება, რადგან ეს ვირტუალური მოგზაურობაა დედამიწის ერთ-ერთ ყველაზე წმინდა ადგილას.

 

თარგმანი: თამუნა ხარძიანი

რედაქტირება: ნინო ხუროშვილი

დონალდ ტრამპი: „ამერიკა დაფინანსებას შეუწყვეტს ქვეყნებს, რომლებიც მისცემენ ხმას გაეროს რეზოლუციას ისრაელის შესახებ.”

20 დეკემბერს, გაეროს საგანგებო სხდომამდე ერთი დღით ადრე, დონალდ ტრამპმა განაცხადა, რომ ამერიკის შეერთებული შტატები დაფინანსებას შეუწყვეტს ქვეყნებს, რომლებიც მხარს დაუჭერენ გაეროს რეზოლუციას ისრაელის შესახებ. ეს რეზოლუცია   იერუსალიმის ისრაელის დედაქალაქად აღიარებას გმობს. აღნიშნულ ინფორმაციას Reuters-ი ავრცელებს.

“ყველა ეს სახელმწიფო ასობით მილიონ დოლარს იღებს ჩვენგან, შემდეგ კი ჩვენს წინააღმდეგ აძლევენ ხმას. ჩვენ ყურადღებით დავაკვირდებით მათ ხმებს”- განაცხადა დონალდ ტრამპმა.

ვაშინგტონში “დაიმახსოვრებენ სახელებს” იმ ადამიანებისა, რომლებიც მხარს დაუჭერენ აშშ-ის მხრიდან იერუსალიმის დედაქალაქად აღიარების გაუქმებაზე რეზოლუციას, – ამის შესახებ გაეროში აშშ-ის წარმომადგენელმა ნიკი ჰეილიმ  განაცხადა.

“როგორც არ უნდა დაგეგმოთ ხმის მიცემა, მინდა აღვნიშნო, რომ პრეზიდენტი და აშშ თქვენს ხმებს პირად ანგარიშზე მიიღებს. ქვეყნის ლიდერი განსაკუთრებით აკვირდება ამ ხმის მიცემას. მან მომთხოვა, რომ დამესახელებინა ის ადამიანები, რომლებიც ჩვენს წინააღმდეგ მისცემს ხმას”, – განუცხადა ჰეილიმ გენერალური ასამბლეის წევრებს.

დღეს გენერალურ ასამბლეაზე კენჭს უყრიან რეზოლუციის პროექტს, რომელიც აუქმებს პრეზიდენტ ტრამპის გადაწყვეტილებას იერუსალიმის ისრაელის დედაქალაქად გამოცხადების შესახებ. აღნიშნული რეზოლუციის პროექტით გაერო იერუსალიმის სტატუსის შეცვლას არ ეთანხმება და დონალდ ტრამპს მოუწოდებს გადახედოს თავის გადაწყვეტილებას ისრაელის დედაქალად იერუსალიმის გამოცხადების შესახებ.

 

წყარო