ტეგების არქივი: იმედის ფესტივალი

ვანკუვერის მერი „იმედის ფესტივალში“ ფრანკლინ გრემის მონაწილეობის წინააღმდეგია

 ვანკუვერის, კანადის სიდიდით მესამე ქალაქის მერმა, გრეგორ რობინსონმა ქრისტიანული ფესტივალის ორგანიზატორებს მოუწოდა, რომ „პლატფორმიდან მოაშორონ მთავარი გამომსვლელი, ფრანკლინ გრემი“ ჰომოსექსუალისტებისა და მუსლიმანების შესახებ მისი პირდაპირი და მკვეთრი გამონათქვამების გამო.

ვანკუვერში „იმედის ფესტივალის“ ჩატარება 3-5 მარტს იგეგმება, სადაც ძირითადი გამომსვლელი იქნება ფრანკლინ გრემი, ცნობილი მახარებელი, ბილი გრემის ევანგელისტური ასოციაციის პრეზიდენტი.

უკანასკნელ ხანებში ფრანკლინ გრემს ბევრი ადამიანი ესხმის თავს დონალდ ტრამპის მხარდაჭერისა და ჰომოსექსუალისტებისა და მუსლიმანების შესახებ საუბრების გამო, რომლებიც, ზოგიერთის აზრით, მეტისმეტად მკვეთრი და პროვოკაციულია. გრემი იცავს თავის პოზიციას და შეგვახსენებს, რომ იესო ქრისტეს არ ერიდებოდა ფარისევლებისათვის ეწოდებინა „იქედნეთა ნაშობნი“ და „შეთეთრებული სამარხები“.

ვანკუვერის მერმა არაერთხელ ითხოვა ფრანკლინ გრემის მოწვევის გაუქმება. ფესტივალის ორგანიზატორებსა და მერს შორის ბოლო შეხვედრა გაიმართა 22 თებერვალს. ფესტივალის ორგანიზატორებმა უკუაგდეს მერის თხოვნა.

წყარო: http://www.christiantoday.com

იმედის საერთაშორისო ფესტივალი: გახსნა (თბილისი)

იმედის ფესტივალის პირველი დღე, ცნობილი მუსიკოსების და ფრანკლინ გრემის მონაწილეობით, სახარების რწმენის ეკლესიაში.

რომელი ჩვენგანი არ დაფიქრებულა იმედზე

როდესაც ჩვენ ვაცილებთ ახლობლებს და ჩვენთვის ძვირფას ადამიანებს სახიფათო მოგზაურობაში, ან ვემზადებით მნიშვნელოვანი შეჯიბრებებისთვის, სულს ათბობს იმედი, იმის შესახებ, რომ მათ კიდევ ვნახავთ, ხოლო კონკურსში, რა თქმა უნდა, გავიმარჯვებთ.

ცხოვრების, მხოლოდ ყველაზე სახიფათო მომენტში, ჩვენ ვხვდებით, რომ დედამიწაზე იმედი ძალიან ცოტაა. ხანდახან ის თვალწინ ქრება. ჩვენ უკვე მივეჩვიეთ იმას, რომ უკეთესად ვერც იქნება. ჩვენ ადვილად ვიჯერებთ ცუდ ამბებს, კარგ ამბებს კი ეჭვის თვალით ვუყურებთ. ჩვენ არ გვჯერა საინფორმაციო საშუალებების. არ გვჯერა ჩვენი ხელმძღვანელობის. არ გვჯერა ახლობლების.

ნელ-ნელა ქრება რწმენა, ქრება იმედი… ცხოვრება კი გრძელდება! და უნდა ვიცოცხლოთ! მაგრამ როგორ?

გვინდა გაგახაროთ! იმედი მაინც არის! და არა ისეთი, რომელიც ქრება. არსებობს ნამდვილი იმედი, რომელიც მხოლოდ იზრდება და მრავლდება. რომელიც ცხოვრობს მილიონობით გულში. რომლის დამალვაც შეუძლებელია. რომლის შესახებ დადუმებული ვერ იქნები.

სწორედ ამ იმედს ეძღვნება ფესტივალი, რომელიც გაიმართება თბილისში, სპორტის სასახლეში, ამა წლის 6-8 ივნისს. ამ ფესტივალიზე დასწრების შემდეგ, თქვენ არასდროს დაგავიწყდებათ იგი.

ფესტივალის შესახებ დამატებითი ინფორმაცია იხილეთ აქ: http://hopefestival.ge/