ტეგების არქივი: ეკლესია

CBN: ჩინეთში იატაკქვეშა ეკლესიების რიცხვი იზრდება

მიუხედავად იმისა, რომ ჩინეთი ოფიციალურად კომუნისტური ქვეყანაა, უკანასკნელი ათწლეულების განმავლობაში ეკლესიის დრამატული ზრდა შეინიშნება. ახლა კი ქვეყანაში მდგომარეობა უარესდება.

დაახლოებით ოთხი წლის წინ დაიწყო ხელისუფლებამ ეკლესიის აქტიურად შევიწროება, როცა აღმოსავლეთში მდებარე ჰუნანის პროვინციაში ადგილობრივმა ხელისუფლებმა დაიწყეს ეკლესიებში შეჭრა და ჯვრების ჩამოღება.

თავდაპირველად, ეკლესიების საწინააღმდეგო ჰქონდათ ის, რომ მათ არ ჰქონდათ იმ შენობების გამოყენების უფლება, სადაც იკრიბებოდნენ, რომ ეს შენობები არ აკმაყოფილებდა გარკვეულ მოთხოვნებს და ბულდოზერებით მოდიოდნენ, ეკლესიების შენობებს ანგრევდნენ. იგივე პროცესი გაგრძელდა აღმოსავლეთისა და სამხრეთ-აღმოსავლეთის პროვინციებში, სადაც ჭარბად არის ქრისტიანული მოსახლეობა.

თუმცა ბოლო ოთხი წლის განმავლობაში ვხედავთ, რომ ჩინეთის მთავრობა აგრესიულ კამპანიას აწარმოებს არა მხოლოდ ქრისტიანების, არამედ ყველა რელიგიური მიმდინარეობის წარმომადგენელთა მიმართ, იქნებიან ისინი მუსლიმანები, ბუდისტები თუ სხვა. მხოლოდ 24 თვის წინ გამოსცეს ეგრეთ წოდებული „თეთრი ფურცელი“, რომლითაც ჩინეთის მოქალაქეებს ეძლევათ მითითებანი, როგორ შეუძლიათ საკუთარი რწმენის აღიარების გამოხატვა სახელმწიფოს კანონებისა და რეგულაციების შესაბამისად. უკანასკნელი ოთხი წლის განმავლობაში ყველა აღმსარებლობის ადამიანზე დიდი ზეწოლა ხორციელდება.

800-საათიანი უწყვეტი ღვთისმსახურება ოჯახის დეპორტაციისგან გადასარჩენად

ჰოლანდიაში ეკლესია „ბეთელმა” თანადგომა გამოხატა ოჯახის მიმართ, რომელსაც დეპორტაცია ემუქრება. ეკლესიაში უკვე 800 საათია ღვთისმსახურება უწყვეტად მიმდინარეობს.

ჰოლანდიის კანონმდებლობის მიხედვით, პოლიციას არ აქვს უფლება, შევიდეს ტაძარში მაშინ, როდესაც იქ მსახურება ტარდება. ამიტომ ერთ თვეზე მეტია, რაც ხუცესები და მოხალისეები ყოველდღე, 24 საათის განმავლობაში, ღვთისმსახურებას ატარებენ, რათა დეპორტაციისგან იხსნან სომხეთიდან ჩასული ოჯახი, რომელსაც თავშესაფარზე უარი უთხრეს.

ტამრაზიანების ოჯახი, რომელშიც სამი წევრი ბავშვია, სომხეთიდან ჰოლანდიაში საცხოვრებლად 2010 წელს ჩავიდა. მათთვის თავშესაფრის მინიჭების საკითხი 8 წლის განმავლობაში წყდებოდა, ახლახან კი ოჯახს უარი უთხრეს თავშესაფარზე.

ეკლესიის წარმომადგენლის, ალექს ვიკის თქმით, ახლა მათ პოლიცია უფრო ახლოდან აკვირდება, ვიდრე ეს აქამდე იყო.

“ერთად შევაგროვე ყველა ლიტურგია, ჩვენ მათ ვმღეროდით და ვკითხულობდით, შემდეგ სხვა ხუცესებმაც აღმოგვაჩინეს და შემოგვიერთდნენ.” – თქვა ალექს ვიკმა.

მანამ, სანამ ტამრაზიანების ოჯახი დეპორტაციის საფრთხის ქვეშ იქნება, ეკლესიის წარმომადგენლების თქმით ღვთისმსახურება გაგრძელდება.

წყარო

ცენტრალური აფრიკის რესპუბლიკაში ეკლესიაზე თავდასხმის შედეგად 42 ადამიანი დაიღუპა

სულ ცოტა 42 ადამიანი დაიღუპა ხუთშაბათს, 15 ნოემბერს ცენტრალური აფრიკის რესპუბლიკაში, ალინდაოში. თავდასხმა კათოლიკურ ეკლესიაზე მოხდა. 

ტერორისტული თავდასხმის დროს დაიღუპა ერთი მღვდელიც. არაოფიციალური მონაცემებით, დაღუპულთა რიცხვი 100-ს აღწევს, დაღუპულთა უმრავლესობა დევნილი იყო და ეკლესიას აფარებდა თავს.  

ეკლესიის გვერდით მდებარე სახლები გაძარცვეს და დაწვეს. 

ცენტრალური აფრიკის რესპუბლიკაში ძალადობა 2012 წლის დეკემბრიდან  გახშირდა, მას შემდეგ, რაც აჯანყებულმა მუსლიმანურმა ჯგუფებმა ალიანსი შექმნეს „სელეკას“ სახელით და ძალაუფლება აიღეს ხელში. 

“სელეკას” თავდასხმების საპასუხოდ, ალინდაოს მცხოვრებლების ნაწილმა ჩამოაყალიბა თავდაცვითი ჯგუფები, რომელსაც „ანტიბალაკა“ უწოდეს.  ზოგიერთმა დაჯგუფებამ, რომელიც ქრისტიანებისგან შედგებოდა, თავდასხმები დაიწყო მუსლიმანებზე და ამგვარად, კონფლიქტმა რელიგიური სახე მიიღო. 

ქვეყანაში ბევრი კათოლიკური ეკლესია უზრუნველყოფს თავშესაფარს როგორც ქრისტიანი, ასევე მუსლიმანი დევნილებისთვის.  2017 წლის მაისში, “ანტიბალაკას”  წევრებმა 100-ზე მეტი მუსლიმანი მოკლეს, სანამ გაეროს სამშვიდობო ძალებმა შეძლეს ჩარევა. მას შემდეგ 1600-მდე დევნილი მუსლიმანი ცხოვრობდა ქალაქ სენტ-ლუისის სემინარიაში,  2000-მა მუსლიმანმა კი თავშესაფარი ითხოვა წმინდა პეტრეს ტაძარში, ბანგასოვში.  

ცენტრალურ აფრიკულ რესპუბლიკაში 2015-2016 წლებში ჩატარდა საერთო არჩევნები და ახალი ხელისუფლება მოვიდა სათავეში,  მაგრამ ბოევიკთა ჯგუფები კვლავ აგრძელებენ ადგილობრივ მოსახლეობაზე თავდასხმებს, რასაც ათასობით ადამიანი ემსხვერპლა, სულ მცირე მილიონი ადამიანი კი დევნილი  გახდა. გაეროს მონაცემებით, ცენტრალური აფრიკის რესპუბლიკის მცხოვრებთა ნახევარი ჰუმანიტარულ დახმარებაზეა დამოკიდებული. 

წყარო

თარგმანი: თეონა მენაბდიშვილი

რედაქტორი: მანანა ტვინიკაძე

ჩინეთში ქრისტიანული ეკლესია ააფეთქეს

ჩინეთში ქრისტიან-ევანგელისტების ეკლესია ააფეთქეს, რომელიც ქალაქ ლინფენში 2009 წელს შემოწირული თანხით ააშენეს. დანგრევის მიზეზს, ჩინეთის ხელისუფლება არ ასახელებს.

არაოფიციალური ინფორმაციით, შენობა უკანონოდ ჩაითვალა. ლინფენის ეკლესია, ბოლო წლების განმავლობაში მეორეა, რომელიც ააფეთქეს. გასული წლის დეკემბერში, ოფიციალური მიზეზის გარეშე დაანგრიეს კათოლიკური ეკლესია პროვინცია შენსიში.

წყარო

კენია: ნაირობისაკენ მიმავალი მატარებელი მოძრავ ეკლესიად გადაიქცა

კენიაში მცხოვრები ხალხი სამსახურში მატარებლით დადის, რომელშიც რამდენიმე მქადაგებელი სახარებას ქადაგებს.

მატარებელი ყოველდღე ეკლესიად გარდაიქმნება: მორწმუნეები გალობენ და შემდეგ ქადაგებას უსმენენ. ზოგიერთ მგზავრს თან დააქვს საკუთარი ბიბლია, ზოგი კი მობილურ ტელეფონებში კითხულობს წმიდა წერილს. ხუცესები ფიქრობენ, რომ მატარებელი კარგი ალტერნატივაა, რადგან ბევრს დრო არ აქვს ეკლესიაში წასასვლელად.

„ჩვენ ბევრს დავეხმარეთ თავიანთი პრობლემების მოგვარებაში. ჩვენ ვლოცულობდით ავადმყოფებისთვის, უმუშევრებისთვის. ზოგი მათგანი ბრუნდებოდა და გვიყვებოდა, როგორ შეიცვალა მათი ცხოვრება უკეთესობისაკენ“, – ამბობს ხუცესი მაიკლ მბოგო.

მრავალი ღარიბი მგზავრი მატარებლის სახურავზე ჯდება, რომ ბილეთის საფასურის გადახდა არ მოუწიოს, ამიტომაც ხშირად ცვივდებიან და იღუპებიან. ეკლესიის ხუცესები მათაც უქადაგებენ და ზრუნავენ მათზე.

წყარო

მიწისძვრა მექსიკაში: ღვთისმსახურების დროს სამლოცველო სახლი ჩამოინგრა

გასულ კვირას ძლიერი მიწისძვრის გამო მექსიკაში კათოლიკური სამლოცველო სახლი ჩამოინგრა. The Guardian-ის ცნობით, დაღუპულია 15 ადამიანი. წმინდა სანტიაგოს სახელობის ეკლესია მთა პოპოკატეპეტლის ფერდობზე იყო აშენებული.  ტაძარში ბავშვის ნათლობა ტარდებოდა, როდესაც ბიძგები დაიწყო.  ცნობილია, რომ სახურავის ჩამონგრევისას დაიღუპა ერთი ოჯახის 11 წევრი, მათ შორის, ორი თვის გოგონა. ოჯახიდან ერთადერთი გადარჩენილი ადამიანი გოგონას მამაა, რომელიც მღვდელი გახლავთ.

პუებლას შტატში ორმოცამდე ადამიანია დაღუპული, ხოლო მთლიანად მექსიკაში, დაახლოებით, 217 ადამიანი. გარდა ამისა, მექსიკაში დანგრეული 40 შენობის რიცხვში შედის სკოლაც. ცნობილია, რომ დაღუპულია 20 მოსწავლე და 2 ზრდასრული ადამიანი. კიდევ 30 ბავშვი და 12 ზრდასრული უგზო-უკვლოდ არის გამოცხადებული.

პრეზიდენტმა ენრიკე პენია ნიეტომ მოსახლეობას სიმშვიდის შენარჩუნებისკენ მოუწოდა, რადგან ხელისუფლება მიწისძვრით გამოწვეული ზარალის შედეგებს ითვლის.

მიწისძვრა 19 სექტემბერს, მექსიკის სამხრეთ-აღმოსავლეთით მოხდა. რიხტერის შკალის მიხედვით, მიწისქვეშა ბიძგების სიმძლავრე 7,4 ბალს შეადგენდა. სტიქიის შედეგად, დაახლოებით, 5 მლნ. ადამიანი ელექტროენერგიის გარეშე დარჩა.

მექსიკის ხელისუფლება ცდილობს, დაღუპულთა ზუსტი რიცხვი დაადგინოს.

აშშ-ს ერთ-ერთ ეკლესიას უცნობმა ადამიანმა ოთხმილიონიანი ვალი გადაუხადა

აშშ-ი, პენსილვანიის შტატში არსებული აფროამერიკული ბაპტისტური ეკლესიის, შერონ-ჰილის, იპოთეკა უცნობმა ადამიანმა დაფარა. იპოთეკა ოთხ მილიონ დოლარს შეადგენდა.

ამის შესახებ ტელეარხს Fox News ესაუბრა ხსენებული ეკლესიის წინამძღვარი რიჩარდ დენტი (Richard Dent).

„ბანკიდან დაგვირეკეს და გვითხრეს, რომ იპოთეკური კრედიტი დაფარულია. ეს ნამდვილად დიდი ქველმოქმედება გახლდათ. ასეთ რამეს არ ველოდით და გვჯერა, რომ ღვთის ჩარევის გარეშე არაფერი მოხდებოდა“, უთხრა ტელეარხს ხუცესმა.

ცნობილია, რომ ქველმოქმედს ვინაობის გამხელა არ სურს. ხელშეკრულება იპოთეკის შესახებ ხუცესმა მსახურებაზე, მრევლის თვალწინ საზეიმოდ დაწვა.

წელს ეს ეკლესია დაარსებიდან 115-ე წლისთავს აღნიშნავს. ღვთისმსახურებანი ამ ეკლესიაში 1903 წლიდან ტარდება.

წყარო: http://bog.news/

ბაზალეთის ტბის ტურისტულ კომპლექსში გაიმართა კონფერენცია სახელწოდებით ,,ისრაელი და ბოლო ჟამის ეკლესია”

საქართველოს სახარებისეულ ქრისტიან-ბაპტისტთა ეკლესიების კავშირის ორგანიზებით 15-დან 17 სექტემბრის ჩათვლით ბაზალეთის ტბის ტურისტულ კომპლექსში გაიმართა კონფერენცია სახელწოდებით ,,ისრაელი და ბოლო ჟამის ეკლესია”

ეკლესია უარყოფს ჭორს, გატაცებული მღვდლის ჯვარცმის შესახებ

რამდენიმე დღის წინ მედიაში გავრცელდა ინფორმაცია, რომ 4 მარტს ისლამური სახელმწიფოს (isis) მიერ გატაცებული მღვდელი ტომ უზუნალილი, ბოევიკებმა ჯვარს წითელ პარასკევს აცვეს. ტომ უზუნალილი დაიჭრა, როდესაც ბოევიკები თავს დაესხნენ მისიონერთა სახლს იემენში, სადაც იგი მუშაობდა. თავდასხმისას დაიღუპა 16 ადამიანი, მათ შორის 4 მონაზონი.

არ დასტურდება ჭორი მღვდლის ჯვარცმის შესახებ, რომელიც გასულ კვირას გავრცელდა, ავსტრიის კარდინალის კრისტოფ შონბორნის მიერ აღდგომის მესაზე გაკეთებული კომენტარის შემდეგ. მისი თქმით, უზუნალილის გარდაცვალებას იტყობინებოდა, მასთან დაახლოვებული დუბაის საოჯახო ეკლესიის ლოცვის ჯგუფი.

გავრცელებული ინფორმაცია არ დასტურდება კათოლიკური ეკლესიის მიერ. ორშაბათს ეპისკოპოსმა პავლემ საინფორმაციო სააგენტოებს განუცხადა, რომ “არსებობს ძლიერი მინიშნებები, რომ მამა ტომი ჯერ კიდევ ცოცხალია გამტაცებლების ხელში. კარდინალმა უკვე გამოასწორა მის მიერ დაშვებული შეცდომა, რომელიც მისთვის მიწოდებულმა არასწორმა ინფორმაციამ გამოიწვია. სანდო წყაროებიდან გვაქვს ინფორმაცია, რომ მამა ტომი ცოცხალია და მივმართავ მედიას და ყველა დაინტერესებულ პირს შეწყვიტოს ექსპერიმენტული განცხადებების გაკეთება, რადგან ისინი თამაშობენ ადამიანის სიცოცხლით. ვილოცოთ მისთვის, რომ ღმერთმა დაიცვას იგი…”

წყარო: http://www.christiantoday.com

„სიცოცხლის სიტყვის“ ეკლესიების საერთაშორისო კონგრესი

1-დან 5 მარტამდე „სიცოცხლის სიტყვის“ ეკლესიების საერთაშორისო გაერთიანებამ საქართველოში, ყვარელში, რიგით მესამე 2016 წლის კონგრესი ჩაატარა. საერთაშორისო კონგრესს დაესწრო, 29 ქვეყნიდან ჩამოსული, დაახლოებით, 250 ხუცესი და მსახური  მათ შორის იყვნენ მატს-ოლა ისჰოელი (რუსეთი), კარლ-გუსტავ სევერინი (შვედეთი), არტურ სიმონიანი (სომხეთი) და ა.შ.

„სიცოცხლის სიტყვა“ მოწოდებულია, რომ მისწვდეს ყველა კულტურას. მისი სულიერი დნმ არის სახარება, რწმენის სწავლება, ცხოვრება სულიწმიდით, მისია, ერთიანობა“, – განაცხადა საერთაშორისო გაერთიანება „სიცოცხლის სიტყვის“ პრეზიდენტმა, კრისტიან ოკერჰელმა, კონგრესის გახსნისას.

„კონგრესი უბრალო კონფერენცია არ არის. საქართველოში ჩვენ, უპირველეს ყოვლისა, იმისათვის შევიკრიბეთ, რომ განგვეხილა ძირითადი საკითხები, რომლებიც ყველა ეკლესიას ეხება და დაგვესახა საერთო მიმართულება. „სიცოცხლის სიტყვის“ თითოეული ნაციონალური განშტოების უნიკალურობის მიუხედავად, ჩვენ ვართ საერთო ისტორიისა და საერთო სამომავლო ხედვის ერთი სულიერი მოძრაობა“, – წერია ეკლესიის ოფიციალურ ვებ-გვერდზე.

კონგრესი დასრულდა წმინდა ზიარებით. „სიცოცხლის სიტყვის“ ეკლესიების მომდევნო კონგრესი ჩატარდება სამი წლის შემდეგ.

წყარო