ტეგების არქივი: დონალდ ტრამპი

დონალდ ტრამპმა მსოფლიოს ნარკოტიკების წინააღმდეგ ბრძოლაში გაერთიანებისკენ მოუწოდა

ამერიკის შეერთებული შტატების პრეზიდენტმა დონალდ ტრამპმა გაეროს გენერალური ასამბლეის სესიის ფარგლებში გამართულ შეხვედრაზე, მსოფლიოს ნარკოტიკებთან ბრძოლაში გაერთიანებისკენ მოუწოდა. დონალდ ტრამპის განცხადებით, აღნიშნული პრობლემა ყველა ერს ეხება.

„ეს პრობლემა მსოფლიოს ყველა ერს ეხება. ნარკოტიკები აშშ-სა და მთელ მსოფლიოში უამრავ სიცოცხლეს ღუპავს. დღეს პირობას ვდებთ, რომ ამ საფრთხეს ერთად შევებრძოლებით“, – განაცხადა დონალდ ტრამპმა.

გაეროს 129 წევრმა ხელი მოაწერა ვაშინგტონის მიერ მომზადებულ  დოკუმენტს, რომელიც ნარკოტიკებთან ბრძოლის სამოქმედო გეგმის ეროვნული სტრატეგიის შემუშავებას და ამ საკითხში საერთაშორისო თანამშრომლობის გაძლიერებას ითვალისწინებს.

გაეროს გენერალური ასამბლეის სესია ნიუ-იორკში 27 სექტემბერს დასრულდება.

წყარო

დონალდ ტრამპი და კიმ ჩენ ინი – მოლაპარაკება ბირთვულ განიარაღებასა და რელიგიის თავისუფლებაზე

პრეზიდენტი ტრამპი და კიმ ჩენ ინი შეხვდენენ ისტორიული მნიშვნელობის მქონე სამიტზე ჩრდილოეთ კორეის ბირთვული განიარაღების საკითხზე სასაუბროდ.

დონალდ ტრამპი: „ამერიკა დაფინანსებას შეუწყვეტს ქვეყნებს, რომლებიც მისცემენ ხმას გაეროს რეზოლუციას ისრაელის შესახებ.”

20 დეკემბერს, გაეროს საგანგებო სხდომამდე ერთი დღით ადრე, დონალდ ტრამპმა განაცხადა, რომ ამერიკის შეერთებული შტატები დაფინანსებას შეუწყვეტს ქვეყნებს, რომლებიც მხარს დაუჭერენ გაეროს რეზოლუციას ისრაელის შესახებ. ეს რეზოლუცია   იერუსალიმის ისრაელის დედაქალაქად აღიარებას გმობს. აღნიშნულ ინფორმაციას Reuters-ი ავრცელებს.

“ყველა ეს სახელმწიფო ასობით მილიონ დოლარს იღებს ჩვენგან, შემდეგ კი ჩვენს წინააღმდეგ აძლევენ ხმას. ჩვენ ყურადღებით დავაკვირდებით მათ ხმებს”- განაცხადა დონალდ ტრამპმა.

ვაშინგტონში “დაიმახსოვრებენ სახელებს” იმ ადამიანებისა, რომლებიც მხარს დაუჭერენ აშშ-ის მხრიდან იერუსალიმის დედაქალაქად აღიარების გაუქმებაზე რეზოლუციას, – ამის შესახებ გაეროში აშშ-ის წარმომადგენელმა ნიკი ჰეილიმ  განაცხადა.

“როგორც არ უნდა დაგეგმოთ ხმის მიცემა, მინდა აღვნიშნო, რომ პრეზიდენტი და აშშ თქვენს ხმებს პირად ანგარიშზე მიიღებს. ქვეყნის ლიდერი განსაკუთრებით აკვირდება ამ ხმის მიცემას. მან მომთხოვა, რომ დამესახელებინა ის ადამიანები, რომლებიც ჩვენს წინააღმდეგ მისცემს ხმას”, – განუცხადა ჰეილიმ გენერალური ასამბლეის წევრებს.

დღეს გენერალურ ასამბლეაზე კენჭს უყრიან რეზოლუციის პროექტს, რომელიც აუქმებს პრეზიდენტ ტრამპის გადაწყვეტილებას იერუსალიმის ისრაელის დედაქალაქად გამოცხადების შესახებ. აღნიშნული რეზოლუციის პროექტით გაერო იერუსალიმის სტატუსის შეცვლას არ ეთანხმება და დონალდ ტრამპს მოუწოდებს გადახედოს თავის გადაწყვეტილებას ისრაელის დედაქალად იერუსალიმის გამოცხადების შესახებ.

 

წყარო

დონალდ და მელანია ტრამპები ლოცვის ეროვნულ დღეს გამართულ ღვთისმსახურებას დაესწრნენ

დონალდ ტრამპი და პირველი ლედი, მელანია ტრამპი, კვირას, 3 სექტემბერს, თეთრ სახლთან ახლოს მდებარე წმ. იოანეს ეპისკოპალურ ეკლესიაში ღვთისმსახურებას დაესწრნენ.

ტრამპმა გასული კვირა დღე ტეხასსა და ლუიზიანაში ქარიშხლით დაზარალებულთათვის ლოცვის ეროვნულ დღედ გამოაცხადა. თავის ოფიციალურ განცხადებაში მან „ყველა რელიგიისა და აღმსარებლობის ადამიანს“ მოუწოდა ქარიშხლით დაზარალებულთათვის ლოცვის აღვლენისკენ.

თეთრმა სახლმა კონგრესს დაზარალებულთათვის 7.9 მილიარდი დოლარის გამოყოფა სთხოვა.

წყარო

თეთრ სახლში დონალდ ტრამპის, მაიკ პენსის და ქარიშხლით დაზარალებულთათვის ილოცეს

პარასკევს, 1 სექტემბერს, ქრისტიანი სულიერი ლიდერები თეთრი სახლის ოვალურ კაბინეტში შეიკრიბნენ პრეზიდენტ დონალდ ტრამპთან ერთად, როცა მან გამოსცა განცხადება ლოცვის ნაციონალური დღის შესახებ.

განცხადების ხელმოწერის შემდეგ პრეზიდენტმა დალასის პირველი ბაპტისტური ეკლესიის (First Baptist Church) ხუცესს, რობერტ ჯეფრესს, სთხოვა, ელოცა მისთვის და ასევე მთელი ქვეყნისთვის.

თეთრ სახლში ბიბლიის შემსწავლელი ჯგუფი ჩამოყალიბდა

ტრამპის ადმინისტრაცია აშშ-ის პირველი მმართველი გუნდია 100 წლის განმავლობაში, რომელმაც თეთრ სახლში ბიბლიის შემსწავლელი ჯგუფი ჩამოაყალიბა.

მას ისტორიაში ყველაზე „ევანგელისტური კაბინეტი” ეწოდა. ესენი არიან ქალები და მამაკაცები, რომლებიც დარწმუნებით საუბრობენ საკუთარ რწმენასა და ბიბლიაზე.

„ესენი არიან ღვთისმოსავი ადამიანები, რომლებსაც ღმერთმა გამოსაჩენ თანამდებობებზე მოუწოდა ჩვენს კულტურაში. ისინი დიდი დაკვირვების შედეგად აარჩიეს პრეზიდენტმა დონალდ ტრამპმა და ვიცეპრეზიდენტმა მაიკ პენსმა.” – განაცხადა რალფ დროლინგერმა.

დროლინგერი NBA-ის ყოფილი მოთამაშეა, რომელმაც დააფუძნა Capitol Ministries, რომელსაც საფუძვლად უდევს იდეა იმის შესახებ, რომ უნდა შეიცვალოს კანონმდებელთა ხასიათი და გული, რათა ქრისტიანული მსოფლმხედველობის მიხედვით წარმართო პოლიტიკის საქმეები.

მან წამოიწყო ბიბლიის შემსწავლელი ჯგუფები ამერიკის 40 შტატის კაპიტოლიუმში და რამდენიმე უცხოურ კაპიტოლიუმში. ბიბლიის ყოველკვირეული შესწავლა იმართება აშშ-ის წარმომადგენელთა პალატასა და სენატში და ახლა უკვე პრეზიდენტ ტრამპის კაბინეტის მრავალი წევრისთვის.

ჯანდაცვის მინისტრი ტომ პრაისი, ენერგეტიკის მინისტრი რიკ პერი, განათლების მინისტრი ბეტსი დევოსი, სოფლის მეურნეობის მინისტრი სანი პერდუ, ცენტრალური სადაზვერვო სააგენტოს დირექტორი მაიკ პომპეო – ეს არის იმ ადამიანების მოკლე ჩამონათვალი, რომლებიც ბიბლიის შესწავლას ესწრებიან.

ეს ძალიან დიდი და მნიშვნელოვანი სიახლეა, რადგან აღმასრულებელი კაბინეტის წევრებისათვის ოფიციალური ბიბლიის შესწავლა არ ჩატარებულა უკანასკნელი ასი წლის განმავლობაში.

ამერიკის გენერალური პროკურორი ჯეფ სეშენსიც ესწრება ამ სწავლებას.

„ის იმ დღესვე პრაქტიკულად ახორციელებს იმას, რასაც ბიბლიიდან ვასწავლი და როცა ამას ვხედავ, ვფიქრობ, ღმერთო ჩემო, ესენი არიან ერთგული, მეგობრული და სწავლისათვის მზადმყოფი ადამიანები და ისინი ბიბლიის ყოველკვირეულ შესწავლას ესწრებიან“, – ამბობს დროლინგერი.

პრეზიდენტი ტრამპიც მოწვეულია ბიბლიის სწავლებაზე. ყოველკვირეულად მას დროლინგერის სწავლების ასლს უგზავნიან.

ვიცეპრეზიდენტი პენსიც გეგმავს სწავლებაზე დასწრებას, როგორც დატვირთული სამუშაო გრაფიკი მისცემს მას ამის შესაძლებლობას. გარდა ამისა, ის აფინანსებს ამ სწავლებას.

მაიკ პენსი, დროლინგერის აზრით, ჰგავს ბიბლიურ პერსონაჟებს – დანიელს, მორდექაის, იოსებს… ადამიანებს, რომლებიც მაღალ თანამდებობებს იკავებდნენ ისტორიაში.

„მაიკ პენსი სათანადო პატივისცემით ეკიდება საკუთარ თანამდებობას. ის ასევე ყოველთვის სათანადოდაა ჩაცმული, როგორც იოსები, რომელიც საგულდაგულოდ მოემზადა ფარაონის წინაშე წარსადგომად“, – უთხრა დროლინგერმა CBN-ის ახალ ამბებს.

„მაიკ პენსს ახასიათებს უკომპრომისო უდრეკობა და მისი საუბარი ყოველთვის ადამიანების მიმართ სიყვარულს გამოხატავს,“ – განაგრძობს დროლინგერი. „ის ძალიან მნიშვნელოვანი პიროვნებაა პრეზიდენტისათვის.“

„ღმერთს მადლობას ვუხდი მათთვის. მადლობას ვუხდი მაიკ პენსისთვის, რადგან მან და პრეზიდენტმა დიდებული ადამიანები აარჩიეს ჩვენი ერის ხელმძღვანელებად.“

სულ ცოტა 100 წელია გასული მას შემდეგ, რაც აშშ-ის პრეზიდენტის ადმინისტრაცია ბიბლიის გაკვეთილებს თეთრ სახლში ბოლოს ატარებდა.

6 საინტერესო ფაქტი დონალდ ტრამპის ინაუგურაციის შესახებ

20 იანვარს ჩატარდა ამერიკის შეერთებული შტატების 45-ე პრეზიდენტის, დონალდ ტრამპის ინაუგურაცია. ხალხში, რა თქმა უნდა, აზრთა სხვადასხვაობაა: ერთნი ტრამპში ხედავენ პასუხს ღვთისგან, ხოლო სხვები პირიქით – მუქარას. გვსურს, გამცნოთ ექვსი საინტერესო ფაქტი მისი ინაუგურაციის შესახებ:

  1. დონალდ ტრამპი, რომელიც გახლავთ პრესვიტერიანელი ქრისტიანი, ინაუგურაციის დღეს, დილიდანვე სალოცავად მივიდა წმ. იოანეს სახელობის ეკლესიაში, რომელიც კაპიტოლიუმიდან ერთი კვარტლის დაშორებით მდებარეობს. ეს ამერიკაში ერთგვარი ტრადიციაც გახლავთ, პრეზიდენტ ფრანკლინ რუზველტიდან მოყოლებული, ამერიკის თითქმის ყველა პრეზიდენტი, თავისი ინაუგურაციის დღეს, ესწრებოდა ღვთისმსახურებას. ეკლესიაში მსახურების ჩასატარებლად მოწვეული იყო ცნობილი ორმოცდაათანელი ხუცესი ჯენთენეზენ ფრანკლინი
  2. ინაუგურაციაზე მიწვეული იყო 6 რელიგიური ლიდერი, მათგან ოთხი ცნობილი პროტესტანტი ხუცესი: ფრანკლინ გრემი, პაულა ვაითი, სამუელ როდრიგესი და სხვები. ისინი თამამად აცხადებდნენ კურთხევას იესო ქრისტეს სახელით. ამერიკის ისტორიაში ამ ინაუგურაციაზე რეკორდული რაოდენობის ლოცვები აღევლინა: 6 ლოცვიდან 3 იყო ღმერთის თანდასწრებისა და კურთხევის მოხმობა, 3 კი ლოცვა-კურთხევა.
  3. ტრამპმა, საპრეზიდენტო ფიცის წარმოთქმისას, ხელი ორ ბიბლიას დაადო. პირველი ბიბლია ეკუთვნოდა პრეზიდენტ აბრაამ ლინკოლნს, რომელზეც მან თავისი ინაუგურაციის დროს დადო ფიცი 1861 წელს ხოლო მეორე ბიბლია დონალდ ტრამპს დედამისმა აჩუქა 1955 წელს საკვირაო სკოლის დამთავრების აღსანიშნავად.
  4. ვიცე-პრეზიდენტმა, მაიკ სპენსმა, პრეზიდენტ რონალდ რეიგანის ბიბლიაზე დადო ფიცი, მაგრამ ყველაზე მნიშვნელოვანი ფაქტი გახლდათ ის, რომ ბიბლია სპეციალურად გადაშლილი იყო მეორე ნეშტთა წიგნის მე-7 თავის მე-14 მუხლზე, სადაც წერია: „(თუ) ჩემი ხალხი, რომელიც ჩემი სახელით იწოდება, ქედს მოიდრეკს, ილოცებს, ჩემს სახეს მოძებნის და შემობრუნდება თავისი ბოროტი გზიდან – მაშინ მოვუსმენ ზეციდან, ცოდვას მივუტევებ და განვკურნავ მათ მიწას“.
  5. ინაუგურაციის დროს შესრულდა ორმოცდაათიანული კოლეჯის, Lee University პროფესორის, დოქტორ ვაიკოფის (Dr. Wykoff) კომპოზიცია.
  6. ინაუგურაციის დროს ყველაზე მოწინავე ქრისტიანი ლიდერები, ისეთები, როგორც არიან სინდი ჯეიკობსი, რიკ ჯოინერი, ჟურნალ „ქარიზმას“ გამომცემელი და ასობით სხვა ლიდერი, შეიკრიბა ვაშინგტონში „ლოცვითი დაცვისთვის“, რომელსაც ეწოდა „POTUS ფარი“ (POTUS – President of The United States). მთელი დღის განმავლობაში, ვიდრე ინაუგურაცია მიმდინარეობდა, ისინი ლოცულობდნენ ღვთის წინაშე ახალი პრეზიდენტისთვის, ქვეყნის ახალი მიმართულებისა და ეკლესიის ახალი ხედვისთვის.

წყარო: http://www.romansavochka.com/

Home