ტეგების არქივი: დევნილი ქრისტიანები

ფრანკლინ გრემის ორგანიზებით ვაშინგტონში ჩატარდა მსოფლიო სამიტი დევნილ ქრისტიანთა დაცვისთვის (video)

2017 წლის 13 მაისს ფრანკლინ გრემის ორგანიზებით ვაშინგტონში ჩატარდა მსოფლიო სამიტი დევნილ ქრისტიანთა დაცვისათვის. ხუცესი გადაცემაში “მსოფლიო ქრისტიანული ახალი ამბები” ჰყვება ამ სამიტის მიზნების შესახებ.

ფრანკლინ გრემმა ახლო აღმოსავლეთიდან დევნილი ქრისტიანები მოინახულა

ცნობილი მახარებლის ბილი გრემის ვაჟმა და ბილი გრემის ევანგელისტური ასოციაციის პრეზიდენტმა ფრანკლინ გრემმა რამდენიმე წუთის წინ თავისი ფეისბუკის გვერდზე დაწერა ახლო აღმოსავლეთში ქრისტიანე დევნილებთან სტუმრობისა და მომავალი აღდგომის შესახებ:

„დღეს ახლო აღმოსავლეთში ვიყავი და მოვინახულე დევნილთა ბანაკი, სადაც, დაახლოებით, 5 ათასი ქრისტიანი ცხოვრობს. ამ ადამიანებმა ისლამისტების ხელიდან ისეთი ტანჯვა გადაიტანეს, რომლის წარმოდგენაც კი არ შეგვიძლია. შევხვდი მონაზონს, რომელიც  იძულებული გახდა გაქცეულიყო მონასტრიდან, სადაც ცხოვრობდა და მსახურობდა. ისლამურმა სახელმწიფომ მონასტრის კედლებზე დატოვა წარწერები: „თქვენ გიყვართ სიცოცხლე. ჩვენ გვიყვარს სიკვდილი.“ „ჩვენ თქვენი სისხლის დასალევად მოვედით.“

წითელი პარასკევის გახსენებისას ამ რეგიონის ქრისტიანებიც უნდა გავიხსენოთ, რომლებიც რწმენის გამო იტანჯნენ ან სიცოცხლე გაიღეს. ათასობით და ათი ათასობით ადამიანის სისხლი დაიღვარა, რადგან ისინი იესო ქრისტეს სახელს ატარებდნენ. იესო გაამათრახეს, აწამეს, ჯვარს მიალურსმეს ქვეყნიერების ცოდვების გამო, ყველა ჩვენი ცოდვის გამო, რომლებიც მან სამარხში ჩაიტანა.

ჩვენ, ქრისტიანები, მოველით აღდგომის კვირას, როცა ვდღესასწაულობთ უფლის აღდგომას. ის აღდგა სამარხიდან და ის ცოცხალია დღეს. ის მთელი კაცობრიობის იმედია. ის ქვეყნიერების მხსნელია.

წმინდა წერილი ამბობს: „კურთხეულია ღმერთი და მამა ჩვენი უფლის იესო ქრისტესი, რომელმაც თავისი მრავალი წყალობით ხელახლა გვშვა ჩვენ იესო ქრისტეს მკვდრეთით აღდგომით ცოცხალ იმედად“ (1 პეტრე 1:3).“

წყარო

ეგვიპტის პრეზიდენტი: „ჩვენ უნდა დავეხმაროთ ისლამური სახელმწიფოს მიერ დევნილ ქრისტიანებს“

შაბათს, 25 თებერვალს, ეგვიპტის პრეზიდენტმა აბდელ ფატა ალ-სისიმ მთავრობას დაავალა, რომ ყველა აუცილებელი ღონე ეხმარათ იმისათვის, რომ საცხოვრებლის მოძებნაში დახმარებოდნენ ქრისტიანებს, რომლებმაც იძულებით დატოვეს ეგვიპტის ჩრდილოეთ სინაი მას შემდეგ, რაც ისლამურმა სახელმწიფომ ქრისტიანთა თემის რამდენიმე წევრი მოკლა.

ასობით ქრისტიანული ოჯახი და სტუდენტი გაიქცა ისმაილიაში, ჩრდილოეთ სინაის მეზობელ პროვინციაში მას შემდეგ, რაც შვიდი ქრისტიანი მოკლეს არიშში იანვრის ბოლოს.

ეგვიპტის პრეზიდენტი პრემიერ-მინისტრს, თავდაცვის, შინაგან საქმეთა და ინფორმაციისა და ეროვნული უსაფრთხოების მინისტრებს შეხვდა და მათთან ერთად განიხილა ‘ეგვიპტის სტაბილურობისა და უსაფრთხოების საბოტაჟის ყოველი მცდელობის აღმოფხვრის მნიშვნელობა’.

ორთოდოქსი კოპტები, რომლებიც ეგვიპტის მოსახლეობის (90 მლნ), დაახლოებით, 10%-ს შეადგენენ, ახლო აღმოსავლეთში ყველაზე დიდი ქრისტიანული თემია.

2016 წლის დეკემბერში ისლამურმა სახელმწიფომ აიღო პასუხისმგებლობა კაიროს წმ. მარკოზის ტაძრის აფეთქებაზე, რასაც 28 ადამიანი შეეწირა, ძირითადად, ქალები და ბავშვები.

ეგვიპტე ებრძვის ამბოხებულებს მას შემდეგ, რაც 2013 წელს სამხედროებმა, სისის მეთაურობით, დაამხეს პრეზიდენტ მუჰამედ მურსის ხელისუფლება. ასობით ჯარისკაცი და პოლიციელი ემსხვერპლა ამ დაპირისპირებას.

წყარო: http://www.christiantoday.com/

შეუერთდით დევნილ ქრისტიანთათვის ლოცვას (Video)

– ჩვენ, როგორც ქრისტიანები, ვდგავართ გამოწვევის წინაშე: ვისი გვწამს, თუ ზოგჯერ შედეგს ვერ ვხედავთ?.. ეს რთულია, რადგან ბევრი ჩვენგანი მორწმუნეა 20-30 წლის ასაკის შემდეგ და ამ წლების განმავლობაში ძალიან მცირედ ით წავიწიეთ წინ, რადგან მრავალი მუსლიმი ადამიანის გული ჯერ კიდევ დახურულია ქრისტესთვის .

– გთხოვთ, რომ ილოცოთ მათი სულების ხსნისათვის, ილოცოთ, რომ მიიღონ იესო ქრისტე პირად მხსნელად.

– იმის გამო, რომ მხარდაჭერა მოდის მსოფლიოს დასავლეთ ნაწილიდან, ჩვენი მთავრობა მოითხოვს ქრთამებს, რადგან ფიქრობენ, რომ ჩვენ ყოველთვის გამოგვიჩნდება მხარდამჭერი. ილოცეთ გამძლეობისათვის, რათა შევძლოთ წინ აღვუდგეთ მათ; გამოვიჩინოთ თავაზიანობა, მაგრამ ამავდროულად, მოვითხოვოთ საკუთარი უფლებების დაცვა.

– ჩვენ ვღებულობთ ტანჯვას. ჩვენ არ ვეძიებთ მას, მაგრამ გვესმის, რომ ტანჯვა ქრისტიანის ცხოვრებაში ჩვეული მოვლენაა. ეს არის ის, რისკენაც უფალმა მოგვიწოდა. პავლეს სწერს ტიმოთეს: „მაშ, ნუ შეგრცხვება ჩვენი უფლის დამოწმებისა, არამედ იტანჯე სახარებისათვის ღვთის ძალით“. ილოცეთ, რომ ცენტრალურ აზიაში მცხოვრებ ქრისტიანებს ბიბლიური თვალთახედვა ჰქონდეთ ტანჯვასთან დაკავშირებით. ტანჯვა არის ის, რაც უფალმა განაწესა, რათა ამ ტანჯვის მეშვეობით მივემსგავსოთ ქრისტეს და უფრო მეტად განწმენდილ დამოწმებად ვიქცეთ.

– გთხოვთ ილოცოთ იმისათვის, რომ შევძლოთ ჩვენს რწმენაში მტკიცედ დგომა და მზერა არ მოვაშოროთ იესოს, რომელიც არის ჩვენი რწმენის წყარო და დასასრული.

შეუერთდით ლოცვებს დევნილ ქრისტიანთათვის

5 ქვეყანა სადაც ქრისტიანები ყველაზე მეტად იდევნებიან (Video)

მთელი მსოფლიოს მასშტაბით მილიონობით ქრისტიანი იდევნება საკუთარი რწმენის გამო. ყოველ წელს ორგანიზაცია “ღია კარი” აქვეყნებს მსოფლიო მონიტორინგის სიას, რათა მსოფლიოს ყურადღება იმ 50 ქვეყანას მიაპყროს, სადაც ქრისტიანები იდევნებიან.

გთავაზობთ იმ 5 ქვეყნის ჩამონათვალს, სადაც ქრისტიანები ყველაზე მეტად იდევნებიან.

დევნილი ქრისტიანების გულისშემძვრელი წერილი ისლამურ სახელმწიფოს

Reuters-Kurdish-refugee-boy-Kobani-Suruc-camp-photog-Umit-Bektasისლამური სახელმწიფოსადმი გაგზავნილი ჯვრის ხალხის მიერ დაწერილი დიდად შთამბეჭდავი წერილი, თარგმნილი ეგვიპტელი ქრისტიანის მიერ, ამცნობს ძლიერ, ჭეშმარიტებით აღსავსე უწყებას ყველას, ვისაც არასწორად ესმის, ან არ იცნობს იესო ქრისტეს, ან არ იცის, რა არის ნამდვილი ქრისტიანობა.

დასავლეთის კულტურებში ბევრი ატარებს ოქროს ან ვერცხლის ჯვარს, როგორც საიუველირო ნაწარმს, მაგრამ დევნილ ქრისტიანთა და ჭეშმარიტ მორწმუნეთათვის ჯვარი ელექტროსკამისგან, თოკისა თუ გილიოტიონისგან არაფრით განსხვავდება.

ჯვარზე გაკვრა იყო პირველ საუკუნეში სახელმწიფოს მიერ დაფინანსებული, ყველაზე მხეცური და დამამცირებელი ტერორისტული აქტი. ჯვრის ტარება, მასზე მითითება და მისი აღნიშვნა, თავისთავად, სიკვდილის დამარცხებას არ ნიშნავს. სიკვდილი არ არის დასასრული.

მუსლიმანთაგან განსხვავებით, რომლებიც ადამიანებს მათი წინასწარმეტყველის − მუჰამედისათვის − მიყენებული შეურაცხყოფის გამო ხოცავენ, ქრისტიანები ზეიმობენ იესო ქრისტეს ენით აღუწერელ დამცირებას, დევნას, ცემასა და სიკვდილს, რადგან ქრისტემ ამ ყოველივეს სძლია და სძლია სამარადისოდ.

ჯვრის ხალხი არ აწყობს ამბოხებას, არ წვავს რაიმეს, არ არბევს და არ კლავს არავის მას შემდეგ, რაც გაიგებს ბიბლიებისა და ეკლესიების დაწვისა და ქრისტიანთა მკვლელობის შესახებ. ისინი საპატიმროშიც კი გალობენ. წამებულთა სისხლი, როგორც ტერტულიანემ აღნიშნა ათასი წლის წინ, თესლია, რომელზეც ეკლესია აღმოცენდა.

ეკლესია სიკვდილშიც კი არ კვდება. მის მოწმობას საზღვრები არ აქვს; მოწმობას იმის შესახებ, რას ნიშნავს სინამდვილეში ქრისტეს ჯვარცმა.

ამ წერილის სიტყვებზე უფრო კარგად და უფრო ნათლად ვერავინ გადმოსცემს იესო ქრისტეს უწყებას.

ჯვრის ხალხის მიერ ისლამური სახელმწიფოსადმი მიწერილი წერილი

მსოფლიო თქვენზე ლაპარაკობს.
თქვენს აპოკალიპტურ ოცნებებსა და სანახაობრივ ცოდვებს
გამოღვიძება მოაქვთ ახლო აღმოსავლეთში.
თქვენს წმინდა ომში მოდით წმინდა მიწაზე.
მოდით, აბრაამის შვილებო, მოდით.
ჯვრის ხალხი თქვენს კარიბჭეებთან გროვდება, რათა გაუწყოთ:

სიყვარული მოდის თქვენ შემდგომ!
როგორც წყნარი ოკეანიდან წამოსული ქარის ქროლვა,
ზეთისხილის მთიდან ვიდრე იორდანეს უდაბნოს ქარებამდე,
ლიბანის კედრებიდან აღმოსავლეთის აბრეშუმის გზებამდე;
მოდის ჯარი ჯარისკაცებისა და ტანკების გარეშე.
ესაა სიკვდილამდე ერთგულ მოწამეთა ჯარი,
რომელსაც სიცოცხლის უწყება მოაქვს.
ჯვრის ხალხი
მოდის თქვენს კარიბჭეებთან, რათა იქ შეხვდეს სიკვდილს.
თუ არ გაიგონებთ ჩვენს უწყებას სიტყვებით,
მაშინ, ჩვენ ჩვენი მსხვერპლად გაღებული ცხოვრებით გიჩვენებთ ამას.

რამეთუ ყოველი ყელი, თქვენ მიერ გამოჭრილი,
და ყოველი ქალი, რომელსაც აუპატიურებთ,
ყოველი მამაკაცი, რომელსაც წვავთ და ყოველი ბავშვი, რომელთაც მტვრად აქცევთ,
სისხლია თქვენს ხელებზე, ძმებო.

მაგრამ მოდით, ძმებო, მოდით!

მოდით თქვენი სისხლით შესვრილი ხელებით,
მოდით ჯვრის ხალხის მკვლელობის სურვილით აღსავსე თქვენი თვალებით,
მოდით, დააწყვეთ თქვენი თოფები და დანები ჯვრის წინაშე,
სიყვარული, რომელიც უსაზღვრო და უზარმაზარია,
სუნთქავს თქვენს ქალაქებში.

მიუხედავად იმისა, რომ თქვენი ცოდვები მეწამულია,
ისინი თოვლივით გათეთრდება.
მიუხედავად იმისა, რომ საკუთარ თავს მსახურებს უწოდებთ,
ღმერთი თავის ძეებად გაქცევთ.
სად გაექცევით მის სიყვარულს?

სიბნელეც ვერ დაგფარავთ!

მოდით, ძმებო, მოდით.
ისმის შხაპუნა წვიმის ხმა,
რათა წარხოცოს თქვენი ცოდვები და შეგიხვიოთ ჭრილობები,
თქვენ კვდებით თქვენი ღმერთისათვის, მაგრამ ჩვენი ღმერთი მოკვდა ჩვენთვის.
მეფეთა მეფე მოდის, რათა შეეწიროს სამსხვერპლო კრავად,
დაიკლას იმ სამსხვერპლოზე, სადაც ჩვენ უნდა ვყოფილიყავით.
იესო ქრისტე – ისა ალ მასიჰი –
მოდის ახლო აღმოსავლეთში.

არის პატიება ამაღამ, ო, ძმაო!
არის კურნება თქვენი ცოდვებისთვის, ო, ძმაო!
ჩვენ შორის არაა განსხვავება.
ქრისტეს გარეშე ჩვენ არაფრით ვართ უკეთესნი ყველაზე ცუდ ჯიჰადისტთან შედარებით.
ქრისტე ერთხელ ყველასთვის გაეკრა ჯვარზე,
რათა ჩემი და შენი მსგავსი ცოდვილები ძმებად ექცია.
თქვენც კი.
ახლაც კი.