ტეგების არქივი: გატაცება

ჩრდილოეთ კაროლინა: ბოროტმოქმედებმა მოიტაცეს ხუცესის 76 წლის მეუღლე და შემდეგ ცოცხლად დაწვეს იგი

9 მარტს ბოროტმოქმედებმა მოიტაცეს ხუცესის 76 წლის მეუღლე და შემდეგ ცოცხლად დაწვეს იგი. ხელისუფალთა განცხადებით, დამნაშავეები ჯერ კიდევ არ დაუკავებიათ.

ინტერნეტ გამოცემა WRAL-ის ცნობით, ორი ნიღბიანი თავდამსხმელი შევიდა სენფორდის ბაპტისტური ეკლესიის (Sanford Memorial Baptist Church) ხუცესის, ჯონ ალფორდისა და მისი მეუღლის ნენსის სახლში. ნენსი საკვირაო სკოლის მასწავლებელი იყო. ერთ-ერთმა ბოროტმოქმედმა მოიტაცა იგი და აიძულა ათს დოლარზე მეტი გამოეტანა ბანკომატიდან. მეორე თავმდამსხმელი ძალით აკავებდა სახლში ხუცესს.
ნენსი ალფორდი შემდეგ ისევ შინ წაიყვანა თავდამსხმელმა. მისი ქმარი სცემეს, მოხუცი ცოლ-ქმარი ერთად დააბეს და სახლს ცეცხლი წაუკიდეს. თავად კი მანქანა გაიტაცეს და მიიმალნენ დანაშაულის ადგილიდან. ხუცესმა მოახერხა ცეცხლმოკიდებული სახლიდან გამოღწევა. შემდეგ სცადა ისევ შიგნით შესულიყო და მეუღლე გადაერჩინა, თუმცა ვეღარ მოახერხა.

ამ ტრაგედიამ ეკლესიის წევრებს თავზარი დასცა. „ისინი ყოველთის მზად იყვნენ იმისათვის, რომ ემსახურათ ადამიანებისთვის და ყველაფერი გაეღოთ, რაც ჰქონდათ“, თქვა ეკლესიის დიაკვანმა, ბაკ გიტმანმა. „რა საჭირო იყო ასეთი ამაზრზენი დანაშაულია ჩადენა? ხუცესი და მისი მეუღლე ნებაყოფლობითაც მისცემდნენ თავიანთი მანქანის გასაღებს“.

ეკლესიის წევრებმა განაცხადეს, რომ ლოცულობენ ხუცესისათვის. ასევე ლოცულობენ დამნაშავეებისთვისაც.
ჯონ ალფორდს მეორე ხარისხის დამწვრობა აქვს მიღებული, თუმცა მისი მდგომარეობა სტაბილურია.

წყარო

მუსლიმი ექსტრემისტების მიერ გატაცებული შვეიცარიელი ქრისტიანი მისიონერი ახალ ვიდეოში გამოჩნდა

შვეიცარიელი ქრისტიანი მისიონერის, ბეატრის სტოკლის, გატაცებიდან ერთ წლის შემდეგ გამოჩნდა ახალი ვიდეო, სადაც ის ამბობს, რომ „კარგად არის“ მიუხედავად თავისი არასახარბიელო მდგომარეობისა.

Middle East Monitor-ის ცნობით, ტვიტერში ვიდეო გაავრცელა ისლამის მაღრიბში არსებულმა ალ-ქაიდას საჰარის დანაყოფმა (Sahara division of al-Qaeda in the Islamic Maghreb (AQIM)) სამშაბათს, 10 იანვარს. ვიდეოში ვხედავთ, რომ სტოკლის შავი თავსაბურავი აქვს მოხვეული. ის ოდნავგასაგონი ხმით, ფრანგულად ლაპარაკობს.

ბეატრისი ამბობს, რომ გატაცებიდან 365 დღე გავიდა. ის თავისი ოჯახის წევრებს ესალმება და შვეიცარიის ხელისუფლებას მადლობას უხდის „გამოჩენილი ძალისხმევისთვის“.

„მე კარგად ვარ“, დასძენს იგი.

ალ-ქაიდას განცხადებით, ისინი ქრისტიან მისიონერს მალიში დატყვევებული ალ-ქაიდას სამხედრო პირთა და ჰააგაში დაპატიმრებულ მათი ერთ-ერთ ლიდერის სანაცვლოდ გაათავისუფლებენ, თუმცა შვეიცარიამ მოითხოვა, რომ ბეატრის სტოკლი ყოველგვარი პირობების გარეშე გაათავისუფლონ.

ბეატრის სტოკლი ქრისტიანი მისიონერია, რომელმაც თავისი საქმიანობა აფრიკაში დაიწყო 2002 წელს. პირველად ის 2012 წელს გაიტაცეს ჯიჰადისტებმა ჩრდილოეთ მალიში. ის ორი კვირის შემდეგ გაათავისუფლეს. მან ისევ მალიში დარჩენა გადაწყვიტა.

წყარო: http://www.gospelherald.com/