ტეგების არქივი: ბილი გრემი

ბილი გრემის საპატივსაცემოდ გამოფენა მოეწყო

ახლა, მისი გარდაცვალებიდან რამდენიმე თვის შემდეგ, გამოფენის მეშვეობით შეგვიძლია უფრო ახლოდან დავაკვირდეთ მის ცხოვრებას.

წიგნები, ბიბლიები და სხვა ნივთები მოგვითხრობს ბილი გრემის მიერ განვლილი ცხოვრების გზის შესახებ, თუ როგორ იქცა ის ყმაწვილიდან იმ კაცად, ვინც მილიონობით ადამიანს უქადაგა, მათ შორის იყო ენტონი შმიდტი, გამოფენის დიზაინერი.

60 წელზე მეტი ხნის განმავლობაში გრემი იყენებდა რადიოს, ტელევიზიას, ფილმებს, აწყობდა ტურნეებს და უამრავ ადამიანს ასწავლიდა წმინდა წერილს.

CBN-ის ექსკლუზიური რეპორტაჟი ბილი გრემის დაკრძალვის ცერემონიალიდან

გასულ კვირას ამერიკა გამოეთხოვა მახარებელ ბილი გრემს, პრეზიდენტი ტრამპი და რელიგიური ლიდერები ჩავიდნენ შარლოტში, ჩრდილოეთ კაროლინაში, რათა გრემის ოჯახსა და მეგობრებთან ერთად ყოფილიყვნენ დაკრძალვის ცერემონიალზე. კაპიტოლიუმში მის ხსოვნას პატივი მიაგეს ქვეყნის ლიდერებმა და ახლა ის განისვენებს თავისი საყავრელი მეუღლის რუთ გრემის გვერდით.

ბილი გრემის ცხოვრება და მსახურება

“ქრისტეს შეუძლია თქვენი წარსულის შეცვლა. ის მოკვდა ჯვარზე, რათა ეპატიებინა თქვენთვის თქვენი ყველა ცოდვა, რომელიც კი ოდესმე ჩაგიდენიათ, ეპატიებინა ყველაფერი, რაც კი ცუდი გაგიკეთებიათ. რა უნდა გააკეთოთ? უნდა მოინანიოთ თქვენი ცოდვები.”

ცნობილმა მომღერლებმა ბილი გრემს სიმღერა მიუძღვნეს

„მადლობა, ბილი გრემ” – ასე ჰქვია სიმღერას, რომელიც ცნობილმა მომღერლებმა ბილი გრემს მიუძღვნეს. შეგახსენებთ, რომ 2018 წლის 21 თებერვალს ცნობილი მახარებელი, ბილი გრემი 99 წლის ასაკში გარდაიცვალა. მან თავისი ცხოვრება ქრისტეს შესახებ ქადაგებას მიუძღვნა. ის მთელ მსოფლიოში მოგზაურობდა და ადამიანებს უფალ იესო ქრისტეს რწმენისკენ მოუწოდებდა.

თავისი ცხოვრების განმავლობაში მან უამრავ ადამიანზე მოახდინა გავლენა, ცნობილ თუ უცნობ ადამიანებზე და დღეს ზოგიერთი მათგანი სამადლობელ სიმღერას უძღვნის მის ხსოვნას.

სიმღერის მუსიკა და ტექსტი ეკუთვნით მსახიობსა და მომღერალ პეტ ბუნის, გრემის ჯილდოს მფლობელ როკ-ვარსკვლავ დევიდ პეკსა და ქანთრის ვარსკვლავ ბილი დინს. სიმღერას ასრულებს მრავალი მომღერალი, მათ შორის არიან: ბონო, ლინ რაიმსი, კენი როჯერსი, ტიმ მაკგროუი (Faith Hill), ბრედ პაიზლი, რება მაკენტაიერი, ჯგუფი Destiny’s Child, ჯგუფი dc Talk members, MxPx და მრავალი სხვა.

გთავაზობთ ამ სიმღერის ტექსტის სიტყვასიტყვით თარგმანს:

1918 წლის 7 ნოემბერს დაიბადა ის,
კაროლინაში მცხოვრები ფერმერისა და მისი მეუღლის ოჯახში.
ის იზრდებოდა მაღალი, ძროხებს წველიდა, სკოლაში დადიოდა.
ეძებდა თავისი ცხოვრების მიმართულებას.

ერთ კვირა დღეს ეკლესიაში წავიდა
და მქადაგებელს შეხვდა იქ.

კაცს, რომელსაც მორდექაი ჰემი ერქვა სახელად.
ახალგაზრდა ბილიმ
მოისმინა მოწოდება და მაშინვე მიუძღვნა ცხოვრება ღმერთს,
როცა მოისმინა საგალობელი
„როგორი ვარ“.

მისამღერი:
მან მოისმინა სიტყვა, მან მიიღო მოწოდება,
მან ყველას გვაუწყა ღვთის სიტყვა.
ის ისე კარგად საუბრობდა ამის შესახებ,

რომ ყველასთვის გასაგები იყო.

მთელ მსოფლიოში, აქ, სახლშიც,

ის ყველას გეუბნებოდა,

რომ მარტო არ ვართ.

ო, მადლობა, ბილი გრემ.

სოფლის პატარა ეკლესიებში,

ხალხი ყველა მხირდან მოდიოდა მის მოსასმენად.

მას წარმოდგენად არ ჰქონდა, როგორ გამოიყენებდა ღმერთი მას მომავალში,

სანამ ლონდონში უემბლის მინდოზე სულიწმიდა არ გამოვლინდა დიდებით.

მამაო, ის თაყვანს გცემს, ის ცდილობდა, რომ კარგად ემსახურა შენთვის.

ცდილობდა, ყველასთის ეთქვა შენ შესახებ

და თუმცა მთელი მსოფლიო იცნობს მას,

ის მაინც თავმდაბალი ადამიანია.

ის, ვინც გაიხსენებს შენს მადლს, გაიხსენოს ბილი გრემიც.

მადლობა, მამაო, შენი ძისათვის.

მადლობა აქ ძმისათვის

და იმ საქმისთვის, რაც მან გააკეთა.

ის არ ისურვებდა ამის მოსმენას,

ის ისეთ თავმდაბალი კაცია,

მაგრამ მთელ მსოფლიოში უნდა ითქვას,

მადლობა, ბილი გრემ.

წყარო

 

ბილი გრემის განვლილი გზა (რეპორტაჟი)

უილიამ ფრანკლინ გრემი დაიბადა 1918 წლის 7 ნოემბერს, პირველი მსოფლიო ომის დასრულებამდე 4 დღით ადრე. დიდი დეპრესიის დროს ის იზრდებოდა რძის ფერმაში, რამაც განაპირობა შრომისადმი მისი სიყვარული და ეს სიყვარული აშკარად ჩანდა მისი მსახურების 6 ათეული წლის განმავლობაში. ღირსმა ბილი გრემმა იესო ქრისტეს სახარება 200 000 015 ადამიანზე მეტს უქადაგა. ეს ის ხალხია, რომელმაც მას პირადად მოუსმინა 185-ზე მეტ ქვეყანასა და რეგიონში. კიდევ ასმა მილიონმა გაიგო სახარების შესახებ რადიოს, ტელევიზიის, ვიდეოჩანაწერების, წიგნებისა და ინტერნეტის საშუალებით.

ბილი გრემის დაკრძალვას ამერიკის ხუთი პრეზიდენტი დაესწრება

ბილი გრემის დაკრძალვას, სავარაუდოდ, დაესწრებიან აშშ-ს პრეზიდენტი დონალდ ტრამპი და ვიცე-პრეზიდენტი მაიკ პენსი. ცერემონიალს ასევე დაესწრებიან აშშ-ს ყოფილი პრეზიდენტები: ბარაკ ობამა, ბილ კლინტონი, ჯიმ კარტერი და ჯორჯ ბუში.

დიდებული მქადაგებლის, ბილი გრემის დაკრძალვის ცერემონიალი გაიმართება პარასკევს, 2 მარტს შუადღის 12 საათზე. ჩრდილოეთ კაროლინაში, შარლოტში ბილი გრემის სახელობის ბიბლიოთეკასთან ახლოს გაიშლება კარავი, სადაც ამერიკელ ხალხს საშუალება ექნება გამოემშვიდობოს ამერიკის ყველაზე ცნობილ მახარებელს.

დაკრძალვის ცერემონიალი მოკრძალებული იქნება და მას დაესწრებიან მხოლოდ ოჯახის წევრები, მეგობრები და მისი თანამსახურები.

„ბილი გრემმა თავისი მსახურება როგორც დაიწყო, ასევე ასრულებს – დიდი თეთრი კარვის ქვეშ ათასობით ადამიანთან ერთად”, – წერს ქრისტიანული საინფორმაციო სააგენტო CBN-ი.

 

თარგმანი: რუსუდან გელაშვილი

წყარო

მეოცე საუკუნის ერთ-ერთი უდიდესი მახარებელი ბილი გრემი გარდაიცვალა (1918-2018)

მსოფლიოს ერთ-ერთი უდიდესი მახარებელი და გავლენიანი ადამიანი ბილი გრემი 99 წლის ასაკში გარდაიცვალა. 7 ნოემბერს მას 100 წელი შეუსრულდებოდა. ინფორმაციას საინფორმაციო სააგენტო BBC ავრცელებს.

ბილი გრემმა 1954 წელს დაიწყო თავისი მოღვაწეობა და 60 წლის განმავლობაში  ყველაზე მეტ ადამიანს უქადაგა მსოფლიოში, ვიდრე სხვა რომელიმე მქადაგებელმა – თითქმის 215 მილიონს 185-ზე მეტ ქვეყანაში. ასობით მილიონ ადამიანს სახარების სიტყვა მისწვდა ტელევიზიის და ვებ-ტრანსლაციის მეშვეობით.

2017 წელს, საზოგადოებრივი აზრის ამერიკული ინსტიტუტის Gallup-ის (რომელიც დაარსებულია 1935 წელს ჯორჯ გელაპის მიერ) ყოველ წლიურ გამოკვლევათა შედეგად ცნობილი მახარებელი, ბილი გრემი მესამოცედ შევიდა მსოფლიოს გავლენიან და პატივსაცემ ადამიანთა პირველ ათეულში.
1955 წლიდან მოყოლებული ბილი გრემს არ დაუთმია თავისი პოზიციები რეიტინგში. მისი უახლოესი მეტოქე, სიის მიხედვით, გახლდათ ამერიკის ერთ-ერთი ყოფილი პრეზიდენტი რონალდ რეიგანი, რომელიც ამ სიაში ოცდათერთმეტჯერ მოხვდა.

წყარო

ლეგენდარული მახარებელი ბილი გრემი თავის 99-ე დაბადების დღეს აღნიშნავს

გუშინ, 7 ნოემბერს, მსოფლიოში ცნობილმა მახარებელმა, უილიამ ფრანკლინ გრემმა, რომელსაც ბილი გრემის სახელით ვიცნობთ, 99 წლის იუბილე აღნიშნა.

ბილი გრემმა თავისი ცხოვრება მილიონობით ადამიანისათვის სახარების ქადაგებას მიუძღვნა. „მთელი ოჯახი დიდად მადლიერი ვართ იმისა, რომ ის კვლავ ჩვენთან არის“, განაცხადა მახარებლის ვაჟმა, ბილი გრემის ევანგელისტური ასოციაციის პრეზიდენტმა, ფრანკლინ გრემმა. „ის უწინდებურად კარგად აზროვნებს, მაგრამ კარგად ვეღარ ხედავს და ვეღარ ესმის. ვიცი, რომ მამაჩემი მადლიერია მათი, ვინც მისთვის ლოცულობენ და დაბადების დღეს ულოცავენ.“

ბილი გრემი ცნობილია, როგორც „პრეზიდენტების ხუცესი“. დაბადების დღე მას აზიაში მყოფმა,  აშშ-ს პრეზიდენტმა, დონალდ ტრამპმაც მიულოცა ტვიტერის საშუალებით.

წყარო

ბილი გრემის ქალიშვილის გენიალური პასუხი კითხვაზე: რატომ დაუშვა ღმერთმა 11 სექტემბერი?

მართალია, ამ ამბავმა დიდი ხანია ჩაიარა, მაგრამ ის მაინც არ კარგავს აქტუალურობას. ჩვენ გვინდა შემოგთავაზოთ ანა გრემის პასუხი, 11 სექტემბრისადმი მიძღვნილ ტოქშოუში, წამყვან ჯინ კლეისონის კითხვაზე: „როგორ დაუშვა ღმერთმა ასეთი რამ?“ რაზეც ანა გრემმა ძალიან ღრმა და ამომწურავი პასუხი გასცა.

მან თქვა: მე მწამს, რომ ღმერთი, როგორც ჩვენ, ძალიან განიცდის მომხდარს, მაგრამ ჩვენ ხომ წლების განმავლობაში ვდევნიდით ღმერთს ჩვენი სკოლებიდან, ჩვენი მთავრობიდან და ჩვენი ცხოვრებიდან.

მე ვფიქრობ, რომ რადგან ღმერთი ჯენტლმენია, უბრალოდ გვერდზე გადგა. განა შეგვიძლია ველოდოთ ღმერთის კურთხევას და დაცვას, როცა მედლინ მიურეი ოჰარამ (ორგანიზაცია „ამერიკელი  ათეისტების“ დამფუძნებელი და პრეზიდენტი) განაცხადა, რომ სკოლაში ადგილი არ არის ლოცვისთვის?! ჩვენ ვთქვით: კარგი!

შემდეგ ვიღაცამ თქვა: კარგი იქნებოდა, სკოლაში არ იკითხებოდეს ბიბლია (ბიბლია, რომელშიც ნათქვამია: „არ მოკლა“, „არ მოიპარო“ და „გიყვარდეს მოყვასი შენი, როგორც თავი შენი!“) ამაზეც ჩვენ ვთქვით: კარგი!

შემდეგ ვიღაცამ თქვა: მოდი, ნება მივცეთ ჩვენს გოგონებს, გაიკეთონ აბორტები, თუკი მათ ეს სურთ. მათ შეუძლიათ, რომ ეს მშობლების უჩუმრად გააკეთონ. და ჩვენ ვთქვით: კარგი!

შემდეგ სასკოლო საბჭოს წევრებიდან ერთ-ერთმა თქვა: ბიჭები ყოველთვის იქნებიან ბიჭები და ყოველთვის გააკეთებენ ამას. მაშ, მოდი, მივცეთ ჩვენს ბიჭებს იმდენი პრეზერვატივი, რამდენსაც მოისურვებენ, რათა შეძლონ გართობა, როგორც მოესურვებათ. ჩვენ კი მშობლებს არაფერს ვეტყვით ამის შესახებ. ჩვენ ამაზეც ვთქვით: კარგი!

შემდეგ ჩვენ მიერ არჩეულ ზემდგომ ორგანოებში ითქვა: არ აქვს მნიშვნელობა, ვინ (პრეზიდენტის ჩათვლით) რას ვაკეთებთ საკუთარ ცხოვრებაში, თუ კარგად ვასრულებთ ჩვენს სამუშაოს, თუკი გვაქვს სამსახურები და ეკონომიკა წესრიგშია.

შემდეგ ვიღაცამ თქვა: მოდი, დავბეჭდოთ ჟურნალები შიშველი ქალების გამოსახულებით და ვუწოდოთ ამას ჯანმრთელი მიდგომა და ამით მაღალი შეფასება მივცეთ ქალის ლამაზ სხეულს. ჩვენ ვთქვით: კარგი!

ამის შემდეგ ზოგიერთები, ამ შეფასებით, უფრო შორს წავიდნენ და დაიწყეს შიშველ ბავშვთა სურათების გამოქვეყნება და შემდეგ, უფრო შორს წასულებმა, მოათავსეს ისინი ინტერნეტში. ჩვენც ისევ ვთქვით: კარგი! რადგან მათ აქვთ სიტყვის თავისუფლება.

შემდეგ გასართობმა ინდუსტრიებმა თქვეს: მოდი, გადავიღოთ ფილმები და შევქმნათ ტელეპროგრამები, რომელიც პროპაგანდას გაუწევს ძალადობას, ღვთის გმობას, აკრძალულ სექსს; მოდი, ჩავწეროთ მუსიკა, რომელიც მოუწოდებს ნარკოტიკების გამოყენების, გაუპატიურების, მკვლელობის, თვითმკვლელობის და სატანიზმისკენ. და ჩვენც ვთქვით: კარგი! ეს ყველაფერი გართობაა, არანაირი ნეგატიური ეფექტი ამას არ მოაქვს, სერიოზულად ამას არავინ იღებს, ასე რომ, გააგრძელეთ!

და ახლა ჩვენ ვეკითხებით ჩვენს თავებს, თუ რატომ არ აქვთ ჩვენს შვილებს სინდისი;  რატომ ვერ არჩევენ ისინი ცუდს და კარგს; რატომ არ ფიქრდებიან, როცა კლავენ უცნობებს, თავის თანაკლასელებს და თავიანთ თავებს. ჩვენ, თუ სერიოზულად და დიდხანს ჩავუფიქრდებით ყოველივე ამას, შევძლებთ ყოველივეში გარკვევას.

მე ვფიქრობ, საქმე ის არის, რომ რასაც დათესავ, იმას მოიმკი.

ერთმა ახალგაზრდა კაცმა დაწერა: “ძვირფასო უფალო, რატომ არ უშველე პატარა გოგონას, რომელიც პირდაპირ თავის კლასში მოკლეს? _ გულწრფელად შენი შეწუხებული სტუდენტი.”

აი, პასუხი: “ძვირფასო შეწუხებულო სტუდენტო, მე არ მიშვებენ სკოლაში. _ გულწრფელად შენი ღმერთი.”

P.S თუ გააძევებთ ღმერთს თქვენი ცხოვრებიდან, მერე მას ნუღარ მოსთხოვთ პასუხს.

რედაქტირება:  მანანა ტვინიკაძე