ტეგების არქივი: აშშ

აშშ-ში დემოკრატი და რესპუბლიკელი სენატორები ყოველ კვირას ერთმანეთისთვის ლოცულობენ

ბევრი ადამიანისთვის საოცარი მოვლენა იქნება, როცა გაიგებს, რომ პოლიტიკურ სივრცეში არსებობს ჯგუფი, რომელიც ერთად იკრიბება და ლოცულობს. დემოკრატი და რესპუბლიკელი სენატორები სალოცავად იკრიბებიან და ყოველ კვირას ირჩევენ ერთ სენატორს, რომელიც ჯგუფს სიტყვას უზიარებს.

სენატორი კრის კუნსი ამბობს: „როდესაც სიტყვის სათქმელად გამოდიხარ, ეს არ არის ადვილი, რადგან შენს ოპონენტს შენივე სისუსტეების შესახებ უყვები: როდის დაეცი? რა სირთულეები გამოიარე ბავშვობაში, ქორწინებაში და ა.შ. ამის შემდეგ ძალიან რთულია, რომ იმ ადამიანს ვერბალური შეურაცხყოფა მიაყენო ან მასთან ბრძოლაში ჩაერთო, როდესაც მასთან ერთად ხელჩაკიდებული იდექი და ლოცულობდი. ეს მართლაც მნიშვნელოვანი რამაა.”

აშშ-ში პირველი ქრისტიანული ავიაკომპანია დაარსდა

ამერიკის შეერთებულ შტატებში გამოჩნდა პირველი ქრისტიანული ავიაკომპანია, რომელიც მისიონერებს მგზავრობას გაუადვილებს. აშშ-ის სამოქალაქო ავიაციის ფედერალურმა სამმართველომ (FAA) დააკმაყოფილა ტეხასის მისიის განცხადება ლიცენზიის მიღების თაობაზე. აღნიშნული მისია უზრუნველყოფს მისიონერების და სამახარებლო ჯგუფების ავიამიმოსვლებს.

კომპანია Judah 1 მსოფლიოში პირველი ქრისტიანული ავიაკომპანია იქნება. მისმა დამფუძნებელმა და გენერალურმა დირექტორმა ევერენ აარონმა განაცხადა, რომ ლიცენზიის მიღებას ზაფხულისთვის ელოდებიან. მისი თქმით, ავიაბილეთების ფასი სხვა კომპანიების ფასის მსგავსი იქნება, მაგრამ ამავდროულად მგზავრებს დამატებითი ნივთებისთვის თანხას არ მოსთხოვენ.

„ჩვენ ქრისტიანული ავიაკომპანია ვართ და ჩვენი მომსახურებით რომ ისარგებლოთ, თქვენ მისიონერული ჯგუფის წევრი უნდა იყოთ. დადებითი მხარე ისაა, რომ ჩვენ არ გვექნება დამატებითი გადასახადები ნივთების გადაზიდვისთვის.“ – განაცხადა ევერენ აარონმა.

მან ყურდღება გაამახვილა იმაზე, რომ ძალიან ხშირად, როდესაც ცნობილი ავიაკომპანიებით სარგებლობენ მისიონერები, მათი ნივთები ან იკარგება, ან იქურდება. ეს შეიძლება იყოს პირადი ნივთები და ბიბლიებიც კი.

„არის რამდენიმე ავიამისია, რომლებსაც საშუალო ზომის თვითმფრინავები ჰყავთ. რამდენადაც ჩვენთვის ცნობილია, Judah 1 ერთადერთი ავიაკომპანიაა, რომელსაც კომერციული ზომის თვითმფრინავები ჰყავს და შეუძლია მთლიანი ჯგუფების გადაფრენები უზრუნველყოს.” – განაცხადა აარონმა.

კომპანიის დამაარსებელმა აღნიშნა, რომ ისინი ახლა MD 80 კლასის თვითმფრინავებს იყენებენ, რომელთაც, დამატებით, ერთ ტონამდე მასის გადაზიდვა შეუძლიათ. მომავალ ხუთ წელიწადში კომპანია 20-მდე MD 80-ის შეძენას გეგმავს.

„როგორც კი ლიცენზიას მივიღებთ, ჩვენ კიდევ ოთხ MD 80-ს და ორ Boeing 767-ს გავუშვებთ ექსპლუატაციაში,“ – თქვა მან.

აღსანიშნავია, რომ ავიაკომპანიის დაარსების იდეა აარონს 1994 წელს დაებადა და მას შემდეგ ის იღვწოდა ამ იდეის ხორცშესხმისთვის, რაც წარმატებით განახორციელა კიდეც.

წყარო

თარგმანი:აჩუკი დოდაშვილი

რედაქტირება: მანანა ტვინიკაძე

აშშ ტოვებს გაეროს ადამიანის უფლებათა დაცვის საბჭოს

ამერიკის შეერთებული შტატები ტოვებს გაეროს ადამიანთა უფლებათა დაცვის საბჭოს. სახელმწიფო მდივანმა მაიკ პომპეომ და ელჩმა ნიკი ჰეილიმ სამშაბათს განაცხადეს ამის შესახებ.

აშშ-ის საელჩო უკვე იერუსალიმშია

დონალდ ტრამპი: „ისრაელი სუვერენული ერია და მას, სხვა ნებისმიერი სუვერენული ერის მსგავსად, აქვს უფლება იმისა, რომ თავად განსაზღვროს საკუთარი ქვეყნის დედაქალაქი. მრავალი წლის განმავლობაში არ ვაღიარებდით მარტივ და აშკარა რეალობას იმის შესახებ, რომ იერუსალიმია ისრაელის დედაქალაქი.”

აშშ-ის საელჩოს იერუსალიმში გადატანას ღაზას სექტორში დაპირისპირება მოჰყვა

14 მაისს, იერუსალიმში აშშ-ის საელჩოს გახსნის ცერემონია დაპირისპირებათა ფონზე მიმდინარეობდა. ღაზას სექტორში 35 ათასამდე ადამიანი შეიკრიბა. აქციის მონაწილეები იერუსალიმში აშშ-ის საელჩოს გადატანას აპროტესტებდნენ. BBC-ის ცნობით, ღაზას სექტორში დაღუპულთა რიცხვი 52-მდე გაიზარდა. დაპირისპირების დროს დაშავდა 2,200-ზე მეტი ადამიანი.

პალესტინის ჯანდაცვის სამინისტრო ამბობს, რომ ისრაელის სამხედრო ძალების მიერ მოკლულ პალესტინელთა რიცხვი იზრდება. თავის მხრივ, ისრაელი აცხადებს, რომ პალესტინელების წინააღმდეგ მხოლოდ ცრემლსადენი გაზი გამოიყენა.

ისრაელში ამბობენ, რომ საზღვრის გადალახვის უკანონო მცდელობას ნებისმიერ ფასად შეაჩერებენ. პალესტინელები კი აცხადებენ, რომ ტერიტორიას არასდროს დათმობენ.

შეერთებული შტატების გადაწყვეტილება დაგმო დიდმა ბრიტანეთმა, თურქეთმა და ეგვიპტემ. ღაზა-ისრაელის საზღვარზე მიმდინარე მოვლენებს „აღმაშფოთებელს“ უწოდებს გაერო.

წყარო

აშშ თავისი საელჩოს თელ-ავივიდან იერუსალიმში გადატანას აპირებს

ტრამპის ადმინისტრაცია აცხადებს, რომ მაისში აშშ თავის საელჩოს თელ-ავივიდან იერუსალიმში გადაიტანს, რათა ეს ამბავი ისრაელის დამოუკიდებლობის 70 წლისთავის აღნიშვნას დაამთხვიოს. გთავაზობთ ინტერვიუს დევიდ პარსონსთან (საერთაშორისო ქრისტიანული საელჩო “იერუსალიმის” წარმომადგენელი ამერიკაში).

ვაშინგტონის მუზეუმში დამთვალიერებლებს იერუსალიმში ვირტუალური მოგზაურობა ელით (ვიდეო)

ვაშინგტონში, აშშ-ს საზოგადოებრივ ნაციონალურ მუზეუმში გადაწყვიტეს დამთვალიერებელნი გადაეყვანათ ისრაელში. არა, თქვენ არ გჭირდებათ იქ გამგზავრება, რადგან ეს ვირტუალური მოგზაურობაა დედამიწის ერთ-ერთ ყველაზე წმინდა ადგილას.

 

თარგმანი: თამუნა ხარძიანი

რედაქტირება: ნინო ხუროშვილი

აშშ-ს ერთ-ერთ ეკლესიას უცნობმა ადამიანმა ოთხმილიონიანი ვალი გადაუხადა

აშშ-ი, პენსილვანიის შტატში არსებული აფროამერიკული ბაპტისტური ეკლესიის, შერონ-ჰილის, იპოთეკა უცნობმა ადამიანმა დაფარა. იპოთეკა ოთხ მილიონ დოლარს შეადგენდა.

ამის შესახებ ტელეარხს Fox News ესაუბრა ხსენებული ეკლესიის წინამძღვარი რიჩარდ დენტი (Richard Dent).

„ბანკიდან დაგვირეკეს და გვითხრეს, რომ იპოთეკური კრედიტი დაფარულია. ეს ნამდვილად დიდი ქველმოქმედება გახლდათ. ასეთ რამეს არ ველოდით და გვჯერა, რომ ღვთის ჩარევის გარეშე არაფერი მოხდებოდა“, უთხრა ტელეარხს ხუცესმა.

ცნობილია, რომ ქველმოქმედს ვინაობის გამხელა არ სურს. ხელშეკრულება იპოთეკის შესახებ ხუცესმა მსახურებაზე, მრევლის თვალწინ საზეიმოდ დაწვა.

წელს ეს ეკლესია დაარსებიდან 115-ე წლისთავს აღნიშნავს. ღვთისმსახურებანი ამ ეკლესიაში 1903 წლიდან ტარდება.

წყარო: http://bog.news/

აშშ-ს ერთ-ერთმა მეგაეკლესიამ მოამზადა 489 000 სადილი დევნილებისათვის

მეგაეკლესიამ Christ Fellowship, რომელიც აშშ-ს ათი ყველაზე დიდი ეკლესიის რიცხვში შედის, შეაგროვა 489 000 პროდუქტის ნაკრები ახლო აღმოსავლეთიდან დევნილებისა და ფლორიდაში მცხოვრებ ღარიბ ადამიანთათვის.

ეს უკვე მესამე აქციაა, სახელწოდებით «Make-a-Meal» (მოამზადე საჭმელი), რომელიც ეკლესიამ გამართა ფლორიდაში არსებული რვა საუნივერსიტეტო საცხოვრებლის ტერიტორიაზე. შაბათ-კვირის განმავლობაში 12 500 ადამიანი ამზადებდა საკვების ნაკრებს მშრალი პროდუქტებისაგან.

ფილიპ მაკკრაკენმა, ეკლესიის მისიის დირექტორის მოადგილემ, თქვა, რომ 300 000 ნაკრები გაეგზავნება დევნილებს სირიასა და ერაყში. დანარჩენი ნაკრებები კი ფლორიდაში მცხოვრებ ღარიბ ოჯახებს დაურიგდებათ.

„ვფიქრობ, ეს უბრალო მაგალითია იმისა, თუ როგორ შეგვიძლია შევასრულოთ ჩვენი დანიშნულება, რომ გვიყვარდეს სხვები და ვეხმარებოდეთ ისე, როგორც ამას თავად უფალი იესო აკეთებდა“, ხაზი გაუსვა მსახურმა.

მაკკრაკენის თქმით, ადგილობრივმა ფერმერებმა, რომლებიც ხსენებულ ეკლესიაში დადიან, ამ საქმეს უამრავი კილოგრამი ბრინჯი და შაქარი შესწირეს. დანარჩენი პროდუქტების საფასური კი ეკლესიიდან იქნა გაღებული.

წყარო: http://www.christianpost.com

ტრამპმა აშშ-ში შესვლა აუკრძალა ლტოლვილებს მუსლიმური ქვეყნებიდან

პრეზიდენტმა ტრამპმა პარასკევს, 27 იანვარს ხელი მოაწერა ბრძანებას, რომელითაც შვიდი მუსლიმური ქვეყნის მოსახლეობას აუკრძალა აშშ-ში შესვლა, სულ მცირე, მომდევნო 90 დღის განმავლობაში.

ბრძანება ეხება ერაყის, სირიის, ირანის, ლიბიის, სუდანის, სომალის და იემენის მოსახლეობას.

პრეზიდენტის ბრძანება განუსაზღვრელი ვადით უკრძალავს ქვეყანაში შესვლას სირიიდან დევნილებს.

ტრამპმა ასევე შეაჩერა აშშ-ში ლტოლვილების შესვლა ოთხი თვით.

წყარო: http://edition.cnn.com/