ტეგების არქივი: აბორტი

ბოლო 10 წლის განმავლობაში ამერიკაში აბორტების რაოდენობა შემცირდა

დაავადებათა კონტროლის ცენტრის ახალი ანგარიშის თანახმად, ამერიკის შეერთებულ შტატებში ბოლო 10 წლის განმავლობაში აბორტების რიცხვი 2014 წლის ჩათვლით შემცირებულია.

დაავადებათა კონტროლის ცენტრის აბორტებზე დაკვირვების შედეგად მომზადებულ ანგარიშში, რომელიც ნოემბერში გამოქვეყნდა, ნათქვამია რომ 2014 წელს 652,639 აბორტი დაფიქსირდა, 2005 წელს კი ეს რიცხვი გახლდათ 820, 151.

ანგარიშში ასევე აღნიშნულია, რომ 2013 წელს ლეგალური აბორტის შედეგად  4 ქალი გარდაიცვალა .

დაავადებათა კონტროლის ცენტრის ანგარიში განსხვავდება ორგანიზაცია Guttmacher-ის  ანგარიშისგან, რომელიც ოქტომბერში გამოქვეყნდა. Guttmacher-ის ანგარიშის მიხედვით 2014 წელს აბორტების რაოდენობა შეადგენდა 926,200.

დაავადებათა კონტროლის ცენტრმა აღნიშნა, რომ რიცხვები განსხვავებულია, რადგან Guttmacher იყენებს მრავალ აქტიურ სადამკვირვებლო მეთოდს, რათა ხელოვნურად გაზარდოს აბორტის უზრუნველყოფის სამსახურის მიერ პერიოდულად ჩატარებული ეროვნული აღწერის შედეგად მიღებული მონაცემები. აღსანიშნავია, რომ ამერიკაში აბორტის ხელშემწყობი ორგანიზაციები ფინანსდებიან სხვადასხვა დონორის მიერ, როგორც „ოჯახის სწორად დაგეგმარების” ცენტრები.

დაავადებათა კონტროლის ცენტრი იყენებს არსებულ მონაცემებს ყველა შტატიდან, გარდა კალიფორნიის, მერილენდის და ნიუ-ჰემპშირის შტატებისა.

2014 წლის ანგარიშის  გამოკვეთილი საკითხებია:

  • ქალების, დაახლოებით 45%-ს, ერთხელ მაინც გაუკეთებია აბორტი ადრე.
  • აბორტების საერთო რაოდენობის 60% მოდის 20 წლის ასაკის ქალებზე.
  • თეთრკანიან ქალებში აბორტების რიცხვი − 38%-ია, შავკანიან ქალებში − 36%, ესპანური წარმოშობის ქალებში − 18 %.
  • 90%-ზე მეტი აბორტი გაკეთებულია ნაყოფის ჩასახვიდან 13 კვირის განმავლობაში.

აბორტი, განსაკუთრებით კი სელექციური აბორტი კვლავ რჩება მსოფლიოს პრობლემად.  შეგახსენებთ, რომ 2016 წელს „სახარების კოალიციამ” გამოაქვეყნა მონაცემები, რომლის მიხედვითაც 1971 წლიდან ჩინეთში გაკეთდა 336 მლნ აბორტი და 196 მლნ სტერილიზაცია. ეს რიცხვი აღემატება მთელ მსოფლიოშო, უკანასკნელი ათ წლის განმავლობაში დაბადებული ბავშვების საერთო რაოდენობას.

ჩვენს  ქვეყანაში კი ლეგალური თუ არალეგალური აბორტების სტატისტიკა უცნობია. საშიშ ფონს ქმნის სელექციური აბორტი, რომელიც დროის მსვლელობასთან ერთად სქესთა შორის დისბალანსს წარმოშობს.

წყარო

336 მილიონი აბორტი ჩინეთში უკანასკნელი 45 წლის განმავლობაში

ცოტა ხნის წინ ჩინეთში გამოქვეყნდა სტატისტიკური მონაცემები იმის შესახებ, რომ უკანასკნელი ოთხი ათწლეულის განმავლობაში ქვეყანაში 336 მლნ აბორტი გაკეთდა.

„სახარების კოალიციის“ (Gospel Coalition) მიხედვით, ეს თავზარდამცემი რიცხვი იმას გვიჩვენებს, რომ ჩინეთში უკანასკნელი ოთხი ათწლეულის განმავლობაში გაკეთებული აბორტების (მათი უმრავლესობა იძულებითი იყო) რიცხვმა გადააჭარბა ჯვაროსნულ ლაშქრობათა დროს მსოფლიოში არსებული მოსახლეობის რაოდენობას.

მიუხედავად იმისა, რომ მსოფლიოში მრავალი ადამიანისათვის არის ცნობილი ჩინეთის ხელისუფლების მკაცრი პოლიტიკა „ოჯახზე ერთ ბავშვთან“ დაკავშირებით (2015 წლიდან ეს კანონი შეიცვალა და ოჯახს ორი ბავშვის ყოლის ნება მიეცა), ამ პოლიტიკის ფაქტობრივი მოქმედება თავზარდამცემია.

1971 წლიდან ჩინეთში გაკეთდა 336 მლნ აბორტი და 196 მლნ სტერილიზაცია.

„სახარების კოალიცია“ გვთავაზობს სხვა შედარებებს, რომლებიც კიდევ უფრო აშკარად გვიჩვენებს აბორტების ხსენებული რიცხვის შოკისმომგვრელ სიდიდეს:

ეს რიცხვი აღემატება კაცობრიობის ისტორიაში ათ ყველაზე სისხლისმღვრელ ომში დაღუპულ ადამიანთა რაოდენობას: მეორე მსოფლიო ომი (72მლნ), პირველი მსოფლიო ომი (65მლნ), მონღოლთა დამპყრობლური ომები (60მლნ), ლუშანის აჯანყება (36მლნ), ტაიპინგის აჯანყება (30მლნ), მინის დინასტიის მიერ ცინის დინასტიის დაპრყობა (25მლნ), თემურ-ლენგის დაპყრობითი ომები (20მლნ), დუნგანის აჯანყება (12მლნ), რუსეთს სამოქალაქო ომი (9მლნ), მეორე ომი კონგოში (5,4მლნ).

ეს რიცხვი (336 მლნ) მეტია აშშ-სა და ავსტრალიაში მცხოვრებთა საერთო ოდენობაზე.

ეს რიცხვი აღემატება მთელ მსოფლიოშო, უკანასკნელი ათ წლის განმავლობაში დაბადებული ბავშვების საერთო რაოდენობას.

წყარო: http://www.christianheadlines.com

საფრანგეთი – აბორტის მოწინააღმდეგეებს ორწლიანი პატიმრობა ელით

16 თებერვალს საფრანგეთში მიიღეს კანონი აბორტის მოწინააღმდეგე იმ ვებ-გვერდების გაუქმების შესახებ, რომლებიც მკაფიოდ არ განაცხადებენ, რომ აბორტის მოწინააღმდეგენი არიან და ასე შეეცდებიან ქალების დარწმუნებას, რომ არ შეწყვიტონ ორსულობა.

კანონი საფრანგეთის ეროვნულმა ასამბლეამ მიიღო ხმათა უმრავლესობით.

ახალი დანაშაული ისჯება ორწლიანი პატიმრობითა ან ჯარიმით, რომლის ოდენობაც 30,000 ევროთი განისაზღვრება.

ლორანს როსინიოლმა, ქალის უფლებებისთვის მებრძოლმა ფრანგმა პოლიტიკოსმა, განაცხადა, რომ აბორტის მოწინააღმდეგე აქტივისტებს კვლავ აქვთ თავისუფლება იმისა, რომ აბორტის წინააღმდეგ გამოდიოდნენ, ოღონდ იმ შემთხვევაში, თუ „ისინი ღიად განაცხადებენ, რას საქმიანობენ და რა სურთ“.

საფრანგეთის კანონმდებლობამ უკვე აკრძალა აბორტის მოწინააღმდეგე ჯგუფების მიერ ქუჩაში აბორტის კლინიკების დემონსტრირება. ახალი კანონპროექტის მომხრეები ამჟამად იმას აპროტესტებენ, რომ აბორტის მოწინააღმდეგეთა ტაქტიკამ ინტერნეტ სივრცეში გადაინაცვლა და ესეც უნდა შეწყდეს.

მარსელის არქიეპისკოპოსმა ჟორჟ პონტიერმა, საფრანგეთის კათოლიკე ეპისკოპოსთა კონფერენციის პრეზიდენტმა, მისწერა საფრანგეთის პრეზიდენტს, ფრანსუა ოლანდს და შეშფოთება გამოხატა ახალი კანონის გამო.

არქიეპისკოპოსმა სთხოვა პრეზიდენტს არ დაუშვას კანონპროექტის დამტკიცება. ჟორჟ პონტიერმა ამას „დემოკრატიული პრინციპების სერიოზული დარღვევა“ უწოდა.

იანვრის ბოლოს ათასობით ადამიანი გამოვიდა პარიზის ქუჩებში ამ ახალი კანონპროექტის გასაპროტესტებლად.

წყარო: http://www.catholicherald.co.uk

ტრამპმა აბორტებთან დაკავშირებული საერთაშორისო ორგანიზაციების დაფინანსება აკრძალა

აშშ-ს ახლად არჩეულმა პრეზიდენტმა დონალდ ტრამპმა რონალდ რეიგანის მიერ მიღებული კანონის აღდგენის გადაწყვეტილება მიიღო, რომელიც საერთაშორისო არაკომერციულ ორგანიზაციებს მოუწოდებს აბორტებისა და მათ შესახებ პროპაგანდის შეწყვეტისკენ, წინააღმდეგ შემთხვევაში დაფინანსებას ვერ მიიღებენ აშშ-სგან, რომელიც ოჯახის დაგეგმვის მომსახურებათა უმსხვილესი დამფინანსებელია.

აბორტთან დაკავშირებული დაფინანსებების შეწყვეტა და ხელახალი დაშვება ამერიკის ისტორიაში პირველად არ ხდება. პირველად აკრძალვა 1984 წელს რონალდ რეიგანმა დააწესა, რომელიც 1993 წელს დემოკრატმა ბილ კლინტონმა გააუქმა, ჯორჯ ბუშ-უმცროსმა ის ისევ აკრძალა, 2009 წლის 24 იანვარს კი დემოკრატმა ბარაკ ობამამ აბორტები კვლავ დააკანონა.

ტრამპის ამ გადაწყვეტილებას უკვე გამოეხმაურნენ ქალთა უფლებების დამცველები და აღნიშნეს, რომ ამით ახლად არჩეულმა პრეზიდენტმა ქალთა ფუნდამენტური უფლებები შეზღუდა.

აღსანიშნავია, რომ წინასაარჩევნო კამპანიის დროს ტრამპი აბორტის საერთოდ აკრძალვის ინიციატივით გამოვიდა, თუმცა მის განცხადებას საზოგადოების უარყოფითი რეაქცია მოჰყვა. მოგვიანებით, ტრამპმა განაცხადა, რომ აშშ-ში აბორტი კანონგარეშედ უნდა გამოცხადებულიყო. მისი თქმით, პასუხისმგებლობა არა ქალებს, არამედ ექიმებს უნდა დაეკისროთ.

წყარო: https://www.washingtonpost.com/