კატეგორიის არქივი: საქართველო

სქსკ-ს ორგანიზებით საბაუნიში რეფორმაციის 500 წლისთავისადმი მიძღვნილი კონფერენცია გაიმართა (ვიდეო)

3 და 4 ნოემბერს, სულხან-საბა ორბელიანის სასწავლო უნივერსიტეტში საქართველოს ქრისტიან სტუდენტთა კავშირის მიერ ინიცირებული, რეფორმაციის 500 წლისთავისადმი მიძღვნილი სამეცნიერო კონფერენცია „რეფორმაციის 500 წელი და საქართველო“    ჩატარდა.

კონფერენციის მიზანი საქართველოში რეფორმაციის მემკვიდრეობის და კვალის შესწავლა და გაანალიზება გახლდათ. კონფერენციის მომხსენებელთა შორის იყვნენ როგორც სამეცნიერო და არასამთავრობო, ასევე სასულიერო წრეების წარმომადგენლები.

3 და 4 ნოემბერს რეფორმაციის 500 წლისთავისადმი მიძღვნილი კონფერენცია გაიმართება

საქართველოს ქრისტიან სტუდენტთა კავშირის მიერ ინიცირებული, რეფორმაციის 500 წლისთავისადმი მიძღვნილი სამეცნიერო კონფერენცია „რეფორმაციის 500 წელი და საქართველო“, 3 და 4 ნოემბერს, სულხან-საბა ორბელიანის სასწავლო უნივერსიტეტის 405-ე აუდიტორიაში გაიმართება. კონფერენცია დილის 10 საათზე დაიწყება და საღამოს 20 საათამდე გაგრძელდება.

კონფერენციის მიზანია, საქართველოში რეფორმაციის მემკვიდრეობის და კვალის შესწავლა და გაანალიზება, მსჯელობა მის აწმყოსა და სამომავლო პერსპექტივებზე. კონფერენციის მომხსენებელთა შორის იქნებიან როგორც სამეცნიერო და არასამთავრობო, ასევე სასულიერო წრეების წარმომადგენლები.

კონფერენციაზე წარმოდგენილია  თემები: რეფორმაცის თეოლოგიური საფუძვლები, რეფორმაციის პროგრესი, ლუთერანობა საქართველოში, ცნობები აუგსბურგის აღსარების ქართულად თარგმნის შესახებ, პოსტ-საბჭოთა სახელმწიფოს რამდენიმე ასპექტი, რეფორმაცია და ქრისტიანული მოწოდება პროფესიაში, პროტესტანტული მედია საქართველოში, სტუდენტების დამოკიდებულება რელიგიურ უმცირესობებთან და სხვა.

გამომსვლელთა შორის იქნებიან: ვარლამ რამიშვილი, სტივენ დრეი, რუსუდან გოცირიძე, მიხეილ ჩერენკოვი, გურამ კუტალია, ირინა სოლეი და სხვები.

ღონისძიებაზე დასწრება თავისუფალია.

ბაპტისტურ ეკლესიათა კავშირმა 150 წლის იუბილე აღნიშნა (ვიდეო)

12 ოქტომბერს სახარებისეულმა ქრისტიან-ბაპტისტური ეკლესიების კავშირმა საქართველოში არსებობის 150 წლის იუბილე აღნიშნა. საიუბილეო თარიღი ბაპტისტურ ეკლესიას პოსტსაბჭოური ქვეყნებიდან ჩამოსულმა სტუმრებმა და საქართველოს რელიიგის საკითხთა სახელმწიფო სააგენტოს თავმჯდომარემ ზაზა ვაშაყმაძემ მიულოცეს. სადღესასწაულო პროგრამა თბილისის ახლად გახსნილ ბაპტისტური ეკლესიის სამლოცველო სახლში ორ დღეს გასტანს.

რელიგიური უმცირესობები კონსტიტუციაში დაგეგმილ ცვლილებებს ეწინააღმდეგებიან

25 სექტემბერს, TDI-მ არასამთავრობო ორგანიზაციებთან, აკადემიურ ინსტიტუტებსა და იურისტებთან ერთად გაავრცელა განცხადება, რომელშიც მოუწოდებს საქართველოს პარლამენტს, გაითვალისწინოს რელიგიური გაერთიანებების, არასამთავრობო ორგანიზაციების, იურისტების, აკადემიური ინსტიტუტებისა და ვენეციის კომისიის რეკომენდაცია და რელიგიის თავისუფლებაში არამართლზომიერი ჩარევის საფრთხის შემცველი ნორმა იმგვარად შეცვალოს, რომ ის შეესაბამებოდეს ადამიანის უფლებათა ევროპული კონვენციით გათვალისწინებული რელიგიის თავისუფლების შეზღუდვის ლეგიტიმურ მიზნებს.

რელიგიური უმცირესობების წარმომადგნელები აკრიტიკებენ მუხლს, რომელშიც საუბარია რელიგიური თავისუფლების შეზღუდვაზე სახელმწიფო უსაფრთხოების გამო. მათ მიაჩნიათ, რომ კონსტიტუციაში არსებული ჩანაწერი, კონკრეტულად კი რელიგიური თავისუფლების შეზღუდვის ისეთი მიზეზები, როგორიცაა სახელმწიფო უსაფრთხოება, დანაშაულის თავიდან აცილება და მართლმსაჯულების განხორციელება, საერთაშორისო სტანდარტებს ეწინააღმდეგება.

დღესვე რელიგიური უმცირესობების წარმომადგენლები “რესპუბლიკური პარტიისა” და “ნაციონალური მოძრაობის” წევრებს შეხვდნენ. შეხვედრაზე განხილული იყო რელიგიის თავისუფლებისა და თანასწორუფლებიანობის დაცვის საკითხები ადგილობრივი თვითმმართველობის პოლიტიკის კონტექსტში.

წყარო

 

მაიკ პენსის ოფიციალური ვიზიტი საქართველოში

აშშ-ის ვიცეპრეზიდენტი მაიკ პენსი საქართველოს ორდღიანი ოფიციალური ვიზიტით ესტუმრა.

დონალდ ტრამპის პრეზიდენტად არჩევის შემდეგ, ეს ახალი ადმინისტრაციის მაღალი თანამდებობის პირის პირველი ვიზიტია საქართველოში. მაიკ პენსი თბილისში ევროპული ტურნეს ფარგლებში იმყოფებოდა.

ის თბილისში 31 ივლისს მეუღლესთან და ქალიშვილთან ერთად  ესტონეთიდან ჩამოვიდა და 1 აგვისტოს მონტენეგროში გაემგზავრა.

მაიკ პენსს პერმიერი, გიორგი კვირიკაშილი, მეუღლესთან ერთად დახვდა. აეროპორტში შეერთებული შტატების ელჩი, იან კელიც, იმყოფებოდა.

“პრეზიდენტ დონალდ ტრამპის გზავნილი გახლავთ, რომ ჩვენ მხარს გიჭერთ. თქვენ გვერდით ვდგავართ. ამერიკა ქართველი ხალხის გვერდით დგას, ამერიკის შეერთებული შტატები მკაცრად გმობს რუსეთის მიერ საქართველოს ტერიტორიების ოკუპაციას. ტრამპის ადმინისტრაცია ყოველთვის მკაცრ პასუხს გასცემს იმ ქვეყნებს, რომელთაც პრეტენზია ექნებათ, საქართველოს სუვერენიტეტი და ტერიტორიული მთლიანობა ხელყონ… უკეთესი ურთიერთობა გვსურს რუსეთთან, მაგრამ ბოლო დიპლომატიური ნაბიჯები, რაც რუსეთმა გადადგა, საწინააღმდეგოს მეტყველებს. ჩვენ გავაგრძელებთ საქართველოსთან ურთიერთობას, რათა საქართველომ შეძლოს, გადაიტანოს რუსული აგრესიის შედეგები,” – განაცხადა მაიკ პენსმა აშშ-ის ვიცეპრეზიდენტისა და საქართველოს პრემიერმინისტრის ერთობლივ პრესკონფერენციაზე.

აშშ-ის ვიცეპრეზიდენტი საქართველოში ვიზიტის ფარგლებში პრემიერმინისტრ გიორგი კვირიკაშვილს, პრეზიდენტ გიორგი მარგველაშვილს და ოთხი ოპოზიციური პარტიის ლიდერებს შეხვდა, ასევე მეუღლესთან ერთად იმყოფებოდა სიონის საკათედრო ტაძარში, სადაც მათ სრულიად საქართველოს კათოლიკოს-პატრიარქმა ილია მეორემ უმასპინძლა და საჩუქრები გადასცა.

ევროპის მოედანი სიმბოლურად საქართველოსა და შეერთებული შტატების დროშების ფერებში განათდა. საზეიმოდ იყო განათებული მეტეხის ხიდი და მიმდებარე ტერიტორია, ასევე სატელევიზიო ანძა ფუნიკულიორზე. მაიკ პენსის საპატივსაცემოდ პუშკინის სახელობის სკვერში კონცერტიც გაიმართა.

 

არასამთავრობო ორგანიზაციები და იურისტები კონსტიტუციაში რელიგიის თავისუფლების შეზღუდვასთან დაკავშირებით მიმართვას ავრცელებენ

TDI-მ  არასამთავრობო ორგანიზაციებისა და იურისტების მიმართვა გაავრცელა კონსტიტუციაში რელიგიის თავისუფლების შეზღუდვასთან დაკავშირებით.

2 აგვისტოს, არასამთავრობო ორგანიზაციებმა და იურისტებმა მიმართეს საქართველოს პარლამენტს, საქართველოს პრეზიდენტს, ვენეციის კომისიას, გაეროს ადამიანის უფლებათა კომიტეტის სპეციალურ მომხსენებელს რელიგიის საკითხებში, ევროპის საბჭოს მინისტრთა კომიტეტსა და  ევროპულ კომისიას რასიზმისა და შეუწყნარებლობის წინააღმდეგ (ECRI).

მიმართვის  ავტორები აფასებენ საქართველოს კონსტიტუციაში შესატანი ცვლილებების პროექტის იმ ნაწილს, რომელიც ეხება რწმენის და აღმსარებლობის თავისუფლების საკითხებს.

„მნიშვნელოვანია, რომ დამოუკიდებელი საქართველოს ისტორიაში, უფლებრივი თვალსაზრისით, რელიგიის თავისუფლება, დღემდე, ერთ-ერთი ყველაზე პრობლემური საკითხია. წლების განმავლობაში, სახელმწიფო  არ რეაგირებს რელიგიური შეუწყნარებლობით მოტივირებულ დანაშაულებებზე; სკოლებში უმეტესად არ არის დაცული კანონით განსაზღვრული სეკულარობის პრინციპი[17]; სახელმწიფო არ ავლენს მზაობას რელიგიური გაერთიანებების საკუთრებასთან დაკავშირებული პრობლემების მოგვარებისთვის; პრაქტიკაში, რელიგიურ გაერთიანებებს ხშირად არ ეძლევათ საშუალება საქართველოს კანონმდებლობით განსაზღვრული შესაძლებლობით ისარგებლონ და ააგონ საკულტო ნაგებობები[18]; საქართველოს კანონმდებლობა რელიგიური გაერთიანებებისთვის უთანასწორო წესებს ავრცელებს გადასახადებისა და ქონების განკარგვის ნაწილში და ა.შ.” – ნათქვამია მიმართვაში.

ხელმომწერები მიიჩნევენ, რომ წარმოდგენილი ცვლილებები საფრთხეს უქმნის რელიგიის თავისუფლების დაცვას საქართველოში და წარმოშობს უფლებაში არამართლზომიერი ჩარევის მაღალ რისკს.

კერძოდ, კონსტიტუციის ცვლილებების პროექტის მე-16 მუხლის მე-2 პუნქტში, რელიგიის თავისუფლების შეზღუდვის ფარგლები ზედმეტად გააფართოვდა. მათ შორის, იმაზე მეტად, ვიდრე ამას ვენეციის კომისიის რეკომენდაცია, ადამიანის უფლებათა ევროპული კონვენცია და სამოქალაქო და პოლიტიკური უფლებების პაქტი ითვალისწინებს.

პროექტით გათვალისწინებული შეზღუდვის ისეთი საფუძვლები, როგორიცაა სახელმწიფო უსაფრთხოება, დანაშაულის თავიდან აცილება და მართლმსაჯულების განხორციელება, რელიგიის თავისუფლებაში ზოგადი საფუძვლებით უხეში ჩარევის  რისკებს წარმოშობს ყველა რელიგიური გაერთიანებისთვის.

ნეგატიურად არის შეფასებული კონსტიტუციური პროექტის მე-8 მუხლიც, რომლის მიხედვითაც,  რწმენის თავისუფლება ცალკეულ სიკეთედ აღარ არის განხილული და წარმოდგენილია მართლმადიდებელი ეკლესიის როლთან ერთობლიობაში.

„ბატონო პრეზიდენტო, მოგიწოდებთ, გამოიყენოთ  ვეტო კონსტიტუციური ცვლილებების პროექტის იმ ნაწილთან მიმართებით, რომელიც რელიგიის თავისუფლების დაცვის კონსტიტუციურ  სტანდარტებს აუარესებს.” – ნათქვამია მიმართვაში.

მიმართვის სრული ტექსტი

წყარო:

“სინათლის თაობამ” მზიურში საბავშვო ღონიძიება გამართა

ბავშვთა დაცვის დღესთან დაკავშირებით ახალგაზრდულმა ქრისტიანულმა მოძრაობამ “სინათლის თაობა” ბავშვებისთვის მზიურში სხვადასხვა სოციალური აქტივობა და მხიარული ესტაფეტები დაგეგმა.

 

| Güvenilir casino siteleri |
Bonuslu casino siteleri |
Canlı casino siteleri

სახარების რწმენის ეკლესიაში იერუსალიმის დაბრუნების 50-ე წლისთავი საზეიმოდ აღნიშნეს

28 მაისს ქ. თბილისში, სახარების რწმენის ეკლესიაში იერუსალიმის დაბრუნებისა და გაერთიანების 50-ე წლისთავი აღნიშნეს. საზეიმო ღონისძიება  საერთაშორისო ორგანიზაციის „ქრისტიანული საელჩო იერუსალიმიდან”, ასევე ორგანიზაციების „Ezra georgia”-სა და „Ebenezer-ის” ორგანიზებით გაიმართა.

სპიკერები იყვნენ: საქართველოს სახარების რწმენის ეკლესიის ეპისკოპოსი და  საერთაშორისო ორგანიზაციის „ქრისტიანული საელჩო იერუსალიმიდან” გენერალური დირექტორი  ოლეგ ხუბაშვილი, ეკლესია „სიცოცხლის სიტყვის” უფროსი ხუცესი და საერთაშორისო ორგანიზაციის „ქრისტიანული საელჩო იერუსალიმიდან” აღმასრულებელი დირექტორი  მამუკა ჯებისაშვილი, გივი ქუთელია (ორგანიზაცია „Ezra georgia” წარმომადგენელი) და სტანისლავ მაილიანი (საერთაშორისო ორგანიზაციის „Ebenezer” საქართველო-სომხეთის წარმომადგენელი).

საზეიმო ღონისძიებას გაუძღვნენ სახარების რწმენის ეკლესიის მგალობელთა გუნდები ნინო გოგსაძისა და ტატო შოშიტაშვილის ხელმძღვანელობით და ასევე სახარების რწმენის ეკლესიის ბავშვთა გუნდი „ცისარტყელა“.

http://www.specialsportbets.com/

ორგანიზაცია ICEJ იერუსალიმის დაბრუნების 50 წლის იუბილეს აღნიშნავს

28 მაისს ორგანიზაცია „საერთაშორისო ქრისტიანული საელჩო იერუსალიმიდან“ (ICEJ) ისრაელის დედაქალაქ იერუსალიმის დაბრუნებისა და გაერთიანების 50 წლის იუბილეს აღნიშნავს.

საზეიმო ღონისძიება ქალაქ თბილისში სახარების რწმენის ეკლესიაში 18 საათზე გაიმართება. მოწვეული სტუმრები იქნებიან: ისრაელის ელჩი შაფთაი ცური, სახალხო დამცველი უჩა ნანუაშვილი და რელიგიის საბჭოს წარმომადგენლები.

სპიკერები იქნებიან: საქართველოს სახარების რწმენის ეკლესიის ეპისკოპოსი ოლეგ ხუბაშვილი, ეკლესია „სიცოცხლის სიტყვის” უფროსი ხუცესი მამუკა ჯებისაშვილი, გივი ქუთელია (ორგანიზაცია „Ezra georgia” წარმომადგენელი) და სტანისლავ მაილიანი (საერთაშორისო ორგანიზაციის „Ebenezer” საქართველო-სომხეთის წარმომადგენელი).

საზეიმო ღონისძიებას გაუძღვება სახარების რწმენის ეკლესიის მგალობელთა გუნდი ნინო გოგსაძის ხელმძღვანელობით და ასევე სახარების რწმენის ეკლესიის ბავშვთა გუნდი „ცისარტყელა“.

„Googling God“- სადისკუსიო შეხვედრების ციკლი საბაუნიში

2 მაისს საბაუნიში სადისკუსიო შეხვედრების ციკლი დაიწყო, სახელწოდებით – „Googling God.“ მოწვეული სტუმარი – საერთაშორისო მომხსენებელი, ავტორი და აპოლოგეტი მაიკლ ოთსი, შეეცდება სტუდენტებთან ერთად უპასუხოს კითხვებს:

• რა არის ცხოვრების აზრი?
• როგორ შეიძლება იესო ქრისტე იყოს ერთადერთი გზა ღმერთამდე?
• სად არის ღმერთი, როდესაც გარშემო ამდენი ტანჯვა და უსამართლობაა?

ღონისძიების ორგანიზატორები არიან: საქართველოს ქრისტიან სტუდენტთა კავშირი, თბილისის საერთაშორისო ქრისტიანული საზოგადოება და სულხან-საბა ორბელიანის სახელობის უნივერსიტეტის თეოლოგთა კლუბი.