თამუნა კაკრიაშვილი-ის ყველა სტატია

პაკისტანში „ღვთისმგმობელი პოსტის” გამო მოზარდის ჩამოხრჩობა მოითხოვეს

ათასამდე ქრისტიანულმა ოჯახმა დატოვა საკუთარი სახლები ლახორში, პაკისტანის სიდიდით მეორე ქალაქში, მას შემდეგ რაც მუსლიმანები დაემუქრნენ მათ ახალგაზრდა ქრისტიანის ჩამოხრჩობით იმის გამო, რომ ამ უკანასკნელმა „ღვთისმგმობელი პოსტი“ დაწერა თავისი ფეისბუკის გვერდზე.

BosNewsLife-ს ცნობით, მოწინააღდეგეები ადგილობრივი ქრისტიანებისგანმოითხოვდნენპატრას მასიჰის, ქრისტიანი მოზარდის, გადაცემას, წინააღმდეგ შემთხვევაში სახლების გადაწვით ემუქრებოდნენ.

სხვადასხვა ცნობით, რადიკალებს ბენზინი ჰქონდათ საკუთარი მუქარის საფუძვლიანობის დასამტკიცებლად, თუმცა, ისინი მალევე დაიშალნენ, მას შემდეგ,  რაც პოლიციამ მასიჰი დააკავა.

„ქრისტიანები დაშინებული არიან, რადგანაც ექსტრემისტები მათ თავდასხმით ემუქრებიან, თუმცა, სიტუაცია ამჟამად კონტროლს ექვემდებარება და პოლიციაც იცავს ქალაქს“, – განაცხადა ქრისტიანთა უფლებათა დამცველმა, სარდარ მუთაქ გილმა.

ბრიტანულ-პაკისტანურ ქრისტიანულმა ასოციაციამ განაცხადა, რომ 17 წლის მასიჰი ლინჩის წესით უნდა გაესამართლებინათ მას შემდეგ რაც მისიფეისბუკის გვერდზე  ღვთისმგმობელი სურათები ნახეს, რომლებიც ატვირთული გახლდათ მისივე დაკარგული მობილური ტელეფონიდან, თუმცა არავითარი დამამტკიცებელი საბუთი არ იყო წარმოდგენილი ამისათვის.

წყარო

ინდონეზიაში კათოლიკურ ეკლესიას თავს შეიარაღებული მამაკაცი დაესხა, დაჭრილია 4 ადამიანი

„11 თებერვალს ინდონეზიაში, კათოლიკური ეკლესიის მრევლს თავს დაესხა შეიარაღებული მამაკაცი. მძიმედაა დაჭრილია 4 ადამიანი“, – იტყობინება საინფორმაციო პორტალი СBN NEWS.

დაახლოებით, 100 ადამიანი იყო შეკრებილი კვირის მსახურებაზე სელმანის უბანში, (რომელიც მდებარეობს  ჯოკიაკარტას რაიონში). მაჩეტეთი შეიარაღებულმა მამაკაცმა დაჭრა 4 ადამიანი, მათ შორის 81 წლის გერმანელი მღვდელიც ედმუნდ პიერი, რომელიც საკურთხეველთან იმყოფებოდა. თავდამსხმელმა ასევე გაანადგურა ქრისტიანული სიმბოლოები.

22 წლის თავდამსხმელს ადგილზე მისულმა პოლიციამ ცეცხლი გაუხსნა, რის შედეგადაც თავდამსხმელი დაიჭრა და ის ადგილობრივ საავადმყოფოში გადაიყვანეს.

„ატყდა პანიკა, ყველამ ყვირილი დაიწყო.მე ვცდილობდი ცოლის და შვილების გადარჩენას”, განაცხადა ერთ-ერთმა მგალობელმა ანდი ქაიომ მედიასთან საუბრისას.

თავდასხმის მოტივი ჯერჯერობით უცნობია.

აღსანიშნავია, რომ ბოლო წლების განმავლობაში, ინდონეზიაში ქრისტიანობის დევნა გაძლიერდა. განსაკუთრებით კი ცხელ წერტილებში, სადაც რადიკალურ მუსლიმანურ დაჯგუფებებს აქვთ ძალაუფლება და დიდ გავლენას ახდენენ საზოგადოებასა და პოლიტიკაზე.

ეს დაჯგუფებები პრობლემებს უქმნიან ეკლესიებს და აიძულებენ ისლამზე მოქცევას. ხშირად მთავრობაზეც ახდენენ ზეწოლას და აიძულებენ უარით უპასუხონ განცხადებებს, სადაც ქრისტიანები ითხოვენ ნებართვას ეკლესიის აშენებისათვის.

 

წყარო