თურქეთში ქრისტიანული მისიის „იერუსალიმის გაერთიანებული ეკლესიების“ სკოლები დახურეს სირიელ ლტოლვილებს შორის ბიბლიის გავრცელებისთვის. თურქეთის ტერიტორიაზე, უკვე ხუთი წელია, ქრისტიანული საქველმოქმედო ორგანიზაციები დახმარებას უწევენ სირიელ ლტოლვილებს, საცხოვრებელი და სამუშაო ადგილებით უზრუნველყოფენ მათ. თავის მხრივ, ლტოლვილ ბავშვებს აქვთ საშუალება უფასოდ გააგრძელონ სწავლა შესაბამისი პროფილის მქონე სპეციალიზებულ სკოლებში. გასულ კვირას ადგილობრივი მეჩეთის იმამი გახდა მოწმე იმისა, რომ ერთ-ერთი ქრისტიანული სკოლის მასწავლებლები ბიბლიებს ურიგებდნენ საკუთარ მოსწავლეებს და მათ მშობლებს და ამის შემდეგ, მან სასწრაფოდ შეატყობინა მასმედიას ამ ფაქტის შესახებ. იმავე დღის მიწურულს ქალაქის ადმინისტრაციამ აღმსრულებლები გაგზავნა ოთხივე ქრისტიანული სკოლის გასაჩხრეკად და დასალუქად. სკოლის ადანაშაულებენ „მუსლიმი ბავშვების უფლებების დარღვევაში“, რომელთა რაოდენობაც ჭარბობს ლტოლვილთა შორის. უცნობია, სამომავლოდ რა ბედი ეწევათ ქრისტიან მოწაფეებსა და ქრისტიანული ორგანიზაციის სკოლებს.

 

https://cnlnews.tv/2015/06/11/320417

ცნობილი ევანგელისტი ფრანკლინ გრემი ემზადება მომავალ წელს დიდი საევანგელიზაციო ტურნესთვის − Decision America Tour, რომელიც ჩატარდება ამერიკის ყველა შტატში.

„ჩვენს ქვეყანას პრობლემები აქვს. ჩვენ გზაჯვარედინზე ვდგავართ. მე მწამს, რომ ღმერთი მოგვიწოდებს ჩავატაროთ ლოცვითი ტურნე ქვეყნის 50 შტატში 2016 წელს. გულწრფელად ვიტყვი, რომ მე ვერ ვხედავ რაიმე პოლიტიკურ პასუხს. ჩვენი საზოგადოების ერთადერთი იმედი არის ღმერთის ერთადერთ ძე − იესო ქრისტე, ამბობს ფრანკლინ გრემი.

მსახურის თქმით, თითოეული შტატის ადგილობრივ ეკლესიებში ჩატარდება ლოცვითი და საევანგელიზაციო მსახურებები.

„იესომ თქვა, რომ ჩვენ უნდა ვიყოთ მარილი და სანთელი ამქვეყნად. ჩვენ უნდა ვილაპარაკოთ ღმერთის სიტყვის სიმართლე საზოგადოებაში, რომელიც გაშმაგებული სისწრაფით მიექანება მორალურ დაცემისკენ“, დასძინა მან.

თარიღები და ქალაქების სახელები უკვე ზუსტდება, მანამდე კი ორგანიზატორები მოგვიწოდებენ ლოცვითი მხარდაჭერისაკენ.