რომა შალამბერიძე-ის ყველა სტატია

სატანისტები არკანზასში 10 მცნების საზეიმოდ გახსნილ ძეგლს აპროტესტებენ

ამერიკის ერთ-ერთ შტატ არკანზასში სატანისტებმა საპროტესტო აქცია გამართეს 10 მცნების ძეგლთან დაკავშირებით, რომელიც შტატის საკანონმდებლო ყრილობის შენობის ტერიტორიაზე მდებარეობს. ისინი ითხოვდნენ, რომ კაპიტოლიუმში მათი ტაძრის საპატივსაცემოდაც აღმართულიყო ბაფომეტის ძეგლი.

საპროტესტო აქციები საკანონმდებლო ორგანოში ძეგლის დამონტაჟების და სპონსორის პოვნის შესახებ 2017 წლიდან მიმდინარეობს. მას შემდეგ, რაც სენატორმა ჯეისონ რეპერტმა გასულ წელს 10 მცნების ძეგლი დააფინანსა, ის უმავლე საზეიმო განწყობით აღმართეს კაპიტოლიუმის ტერიტორიაზე.

ძეგლის მონტაჟიდან 24 საათის შემდეგ მაიკლ ტეიტ რიდი თავისივე მანქანით შეეცადა გაენადგურებინა ეს ქანდაკება და გამოუვიდა კიდეც, თუმცა ამის გამო ის ადგილზევე დააკავეს და სასამართლოს მეორე დღეს ფსიქიკური აშლილობის დასკვნით საავადმყოფოში გადაიყვანეს. ამერიკის საიდუმლო სამსახურთან აღიარების შემდეგ მაიკლ ტეიტ რიდმა განაცხადა, რომ თავად სატანამ უთრა მას, გაენადგურებინა ეს ქანდაკება.

ამ აქციას უერთდებოდნენ ათეისტებიც. ისინი განმარტავდნენ, რომ თუ ერთ რელიგიას შეუძლია კაპიტოლიუმში ძეგლის აღმართვა, მაშინ ეს სხვასაც უნდა შეეძლოს, რათა არ მოხდეს ერთი რელიგიის პრივილეგირება სხვათა მიმართ.

სენატორმა ჯეისონ რეპერტმა სოციალურ ქსელში საგანგებოდ დააფიქსირა საკუთარი შეხედულება ამ აქციების შესახებ. „მიუხედავად იმისა, რომ ჩვენი ერი გაიზარდა და ბევრია სხვა ქვეყნის წარმომადგენელი, რომლებიც მოგზაურობენ სხვადასხვა ქვეყნებში და ცდილობენ შებღალონ იქ მყოფი კულტურა, ჩვენ პატივს ვცემთ მათ არჩევანს, თუმცა ამ ადამიანებმაც უნდა სცენ პატივი ჩვენს გადაწყვეტილებას.“ – განაცხადა მან.

ჯეისონ რეპერტი თავის გამოხმაურებაში აგრეთვე შეეხო ბაფომეტის ძეგლსაც და განაცხადა, რომ ეს შეურაცხმყოფელი ქანდაკება კაპიტოლიუმში ვერ აღიმართებოდა.

ამ დროის განმავლობაში ქრისტიან მომიტინგეთა მცირე ჯგუფები მიდიოდნენ კაპიტოლიუმის ტერიტორიაზე, ლოცულობდნენ, გალობდნენ საგალობლებს და კითხულობდნენ ბიბილიურ მუხლებს.

წყარო

თარგმანი: რომა შალამბერიძე

რედაქტირება: მანანა ტვინიკაძე

ასია ბიბის ოჯახი ისლამისტებისგან მუდმივ თავდასხმას განიცდის

თავშესაფრის მოთხოვნის რამდენიმე ჩაშლილი მცდელობის მიუხედავად ასია ბიბი კვლავ პაკისტანში რჩება. ბიბი და მისი ოჯახი პაკისტანის დედაქალაქში გადაიყვანეს. ზოგი ფიქრობდა, რომ ის მალე დატოვებდა ქვეყანას, მაგრამ ასია ბიბი კვლავ ელოდება თავშესაფარს. ბოლო ცნობების მიხედვით, მას დიდმა ბრიტანეთმაც უარი უთხრა თავშესაფრის მიცემაზე.

შეგახსენებთ, რომ მას ცოტა ხნის წინ მოუხსნეს ბრალდება ისლამის წინააღმდეგ მკრეხელობის შესახებ და ამან ქვეყანაში არეულობა გამოიწვია. მოსახლეობა სამართლის აღსრულებას ითხოვს. ისლამისტები კვლავ აგრძელებენ ასიაზე „ნადირობას“, რათა აღასრულონ მართლმსაჯულება.

მიუხედავად იმისა, რომ სასამართლო დადგენილებით ასია ბიბი თავისუფალია და ბრალი არ მიუძღვის, გავლენიანი ისლამური სასულიერო პირები მაინც განაგრძობენ მხარდაჭერას ასიას სიკვდილით დასჯის საქმეში. მისი ოჯახი კვლავ რჩება რადიკალური ისლამისტების რადიკალური ბარიერების წინაშე. „ბოლო დღეებში ისლამისტებმა ცეცხლი გაუხსნეს ჩვენს სახლს, მუდმივად დევნისა და საფრთხის ქვეშ ვართ.“ – ამბობენ ასიას ოჯახის წევრები.

შეგახსენებთ, რომ ასია ბიბის − პაკისტანელ ქრისტიან ქალს, 5 შვილის დედას, სასიკვდილო განაჩენი 2010 წელს გამოუტანეს წინასწარმეტყველ მუჰამედის სახელის შეურაცხყოფის ბრალდებით. 2009 წლის ივნისში ის კენკრას კრეფდა სხვა ქალებთან ერთად პენჯაბის პროვინციის ქალაქ ლაჰორში. მან იმავე თასიდან დალია წყალი, საიდანაც მუსლიმანი ქალები სვამდნენ, რაც უკმაყოფილების მიზეზი გახდა.

მუსლიმანი ქალები მას უწმინდურად მიიჩნევდნენ, რის საპასუხოდაც ბიბიმ წარმოთქვა სიტყვები, რომელიც მისი ბრალდების საფუძველი გახდა: „ჩემი ქრისტე მოკვდა ჩემთვის და რა გააკეთა შენთვის მუჰამედმა?…“ ამ სიტყვების გამო ის ღვთის გმობაში დაადანაშაულეს ყოველგვარი სამხილის გარეშე, მხოლოდ მოწმეთა ჩვენებების საფუძველზე.

p.s. გთხოვთ ილოცოთ ასია ბიბისა და მისი ოჯახის უსაფრთხოებისთვის, ქრისტიანი და-ძმებისთვის პაკისტანში და მშვიდობისთვის მთელი ქვეყნის მასშტაბით.

 

2018 წლის ყველაზე პოპულარული ბიბლიური მუხლი – ესაიას 41:10

ბიბლიის აპლიკაცია YouVersion აქვეყნებს ცნობას, რომ ესაიას 41:10 („ნუ გეშინია, რადგან შენთან ვარ, ნუ ფრთხი, რადგან შენი ღმერთი ვარ; განგამტკიცებ, შეგეწევი და მხარს დაგიჭერ ჩემი სიმართლის მარჯვენით.“) 2018 წლის ყველაზე პოპულარული მუხლია.

მათი თქმით ეს იყო ბიბლიური მუხლი, რომელიც ყველაზე მეტჯერ გაზიარდა ადამიანების მიერ მთელი მსოფლიოს მასშტაბით. მათი რიცხვი 325 მილიონს აჭარბებს.
„წლევანდელი მონაცემები გვიჩვენებს, რომ ადამიანები მსოფლიოს მასშტაბით განაგრძობენ ბიბლიისკენ სწრაფვას ამ აპლიკაციის მეშვეობით.” – აღნიშნა YouVersion-ის დამფუძნებელმა ბობი გრუენევალდმა.

დღესდღეობით ბიბლიის აპლიკაცია 1250-ზე მეტ ენაზეა ნათარგმნი და სტატისტიკურად მას რამდენიმე კონტინენტზე იყენებენ. როგორც YouVersion განმარტავს, გასულ წლებთან შედარებით ბიბლიის ყოველდღიური გამოყენება 27 %-ით გაიზარდა. აპლიკაციის მომხმარებლებს ამ ხნის განმავლობაში მოსასმენი ვერსიით მოსმენილი აქვთ ბიბლიის სხვადასხვა თავები 4.2 მილიარდჯერ, ხოლო წასაკითხი ვერსიით – 27.2 მილიარდჯერ აქვთ წაკითხული. ეს მონაცემები ყოველწლიურად იზრდება.

ბიბლიის აპლიკაციის მეშვეობით აგრეთვე მნიშვნელოვანი მიღწევა ფიქსირდება ბავშვებისთვის, რომელიც 2013 წელს გამოვიდა. წელს საბავშვო ვერსიას 9 ენა დაემატა. ახლა კი ჯამში უკვე 42 ენაზეა ხელმისაწვდომი ბიბლიის ილუსტრირებული, ანიმაციური და სხვადასხვა თამაშებით ასათვისებელი ისტორიები. შარშანდელთან შედარებით აპლიკაციის ჩამოტვირთვის რაოდენობა 55%-ით გაიზარდა, რაც მთელ მსოფლიოში 27 მილიონზე მეტს შეადგენს.

“ვიმედოვნებთ, რომ ეს თაობა, თუნდაც ნელ-ნელა, ოდესმე გახდება ბიბლიაზე დაფუძნებული და ეკლესია ახალ ტექნოლოგიებს გამოიყენებს, რათა დაეხმაროს მოზარდებსა და ბავშვებს ბიბლიასთან დაკავშირებაში. ჩვენ ვართ მომსწრენი იმ ბედნიერებისა, რომ ვნახოთ, თუ როგორ მიდის ღმერთი  ხალხში მისი სიტყვის საშუალებით, ჩვენ ძალიან გვინდა ვიხილოთ შედეგი იმ ადამიანების სახით, რომლებიც იყენებენ ჩვენს აპლიკაციას.” – განაცხადა აპლიკაციის შემქმნელმა.

შეგახსენებთ, რომ ქართულ ენაზე ბიბლიის აპლიკაცია ბავშვებისთვის 2018 წელს გამოვიდა და ის უფასოდაა ხელმისაწვდომი ნებისმიერი მსურველისათვის.

წყარო

თარგმანი: რომა შალამბერიძე

რედაქტირება: მანანა ტვინიკაძე

ქალთა დღე ქ. ქუთაისის სახარების რწმენის ეკლესიაში

ქალთა დღისადმი მიძღვნილი ღონისძიება ჩატარდა 8 მარტს ქუთაისის სახარების რწმენის ეკლესიაში. ღონისძიებას ესწრებოდა ორმოცდაათამდე ქალბატონი დასავლეთ საქართველოს სხვადასხვა კუთხიდან.

ღონისძიების მიზანი ქალთა მსახურების წამოწევა და ქალბატონების სულიერი გამხნევება გახლდათ. ორგანიზატორებმა ქალბატონებს ქალთა დღე მიულოცეს და საჩუქრებიც გადასცეს.

ბილი გრემის ცხოვრება და მსახურება

“ქრისტეს შეუძლია თქვენი წარსულის შეცვლა. ის მოკვდა ჯვარზე, რათა ეპატიებინა თქვენთვის თქვენი ყველა ცოდვა, რომელიც კი ოდესმე ჩაგიდენიათ, ეპატიებინა ყველაფერი, რაც კი ცუდი გაგიკეთებიათ. რა უნდა გააკეთოთ? უნდა მოინანიოთ თქვენი ცოდვები.”