ნიკა გვირჯიშვილი-ის ყველა სტატია

„ხსნის არმიის“ 21 წლის მსახური მოკლეს სახარების ქადაგების დროს

2 დეკემბერს მოკლეს „ხსნის არმიის“ 21 წლის მსახური ოჰაიოს შტატ ქალაქ კლივლენდში. ამ დროს მას ხელში ბიბლია ეჭირა და ქადაგებდა.

ისინი, ვინც ჯარედს იცნობდნენ, ამბობენ, რომ ის თავისი რწმენის ერთგული იყო და სხვებსაც ასწავლიდა ღმერთის შესახებ.

ასობით ადამიანი, განსაკუთრებით ახალგაზრდები, შეიკრიბნენ „ხსნის არმიაში“ კლივლენდში, რათა პატივი მიეგოთ ჯარედისათვის.

„ეს ჩვენთვის უზარმაზარი დანაკარგია, რადგან ჯარედი ძალიან ადრე წავიდა ჩვენგან, მაგრამ ვხარობთ იმის გამო, რომ ის ზეცაშია ჩვენს მოსიყვარულე მამასთან, რომლის შესახებაც ის ძალიან ბევრს უქადაგებდა.“

პოლიციამ დააკავა 27 წლის მკვლელობაში ბრალდებული უილიამ ჯონსი. მას ბრალად ედება მკვლელობა დამამძიმებელ გარემოებაში, ავტომობილის ქურდობა და გაქცევა.

მოწმეებმა განაცხადეს, რომ ჯონსმა პლესეკი მოკლა მაშინ, როცა ეს უკანასკნელი მას სახარების შესახებ ესაუბრებოდა, იტყობინება სააგენტო Fox 8 News.

წყარო

„წითელი ოთხშაბათი” – დიდ ბრიტანეთში დევნილ ქრისტიანებს იხსენებენ

22 ნოემბერს დიდ ბრიტანეთში საჯარო დაწესებულებები, ეკლესიები და სკოლები წითელ ფერში განათდა იმ ადამიანთა მხარდასაჭერად, რომლებიც საკუთარი რელიგიის გამო განიცდიან დევნასა და უსამართლობას.

აქცია კათოლიკური საქველმოქმედო ფონდის „გასაჭირში მყოფი ეკლესიის დახმარების“  ინიციატივით უკვე მეორე წელია ტარდება. დღეს წითელ ფერში განათდა ვესტმინსტერის სასახლე, ვესტმინსტერის სააბატო , კათოლიკური კათედრალი და ასევ სხვა საჯარო დაწესებულებები იმის აღსანიშნავად, რომ  ეკლესიას უნდა ახსოვდეს მსოფლიოს ის ნაწილები, სადაც რელიგიის თავისუფლება სულ უფრო და უფრო იზღუდება.

აქციის მიზანია მხარდაჭერა გამოხატოს საკუთარი რწმენის გამო დევნილების მისამართით, კიდევ ერთხელ უთხრას „არა” ძალადობას და შევიწროვებას, რომელიც რელიგიის სახელით ხორციელდება.

აქციაში მონაწილე ადამიანები სოლიდარობას წითელი ფერის სამოსის ჩაცმით გამოხატავენ, ლონდონში კი დღეს, სპეციალური მარშრუტით გაივლის წითელი ავტობუსი, რომელზეც იქნება წარწერა: „დავდგეთ რწმენისთვის და თავისუფლებისთვის.” ავტობუსი ლონდონის ღირსშესანიშნაობებთან  შეჩერდება, თავის სვლას კი წითლად განათებულ ვესტმისნსტერის სააბატოსთან დაასრულებს.

წყარო