დაჩი პაპაშვილი-ის ყველა სტატია

BBC: მარიხუანა თინეიჯერების ტვინისთვის უფრო საზიანოა, ვიდრე ალკოჰოლი

კანადური კვლევა ცხადყოფს, რომ თინეიჯერების მიერ მარიხუანის გამოყენება დიდ ზიანს აყენებს განვითარების სტადიაში მყოფ მათ ტვინებს.

მას, ალკოჰოლთან შედარებით, უფრო საზიანო გავლენა აქვს ფიქრის უნარზე, მეხსიერებასა და ქცევაზე.

მონრეალის უნივერსიტეტის მკვლევრებმა მოუწოდეს თინეიჯერებს, რომ მაქსიმალურად შეიკავონ თავი მათ ასაკში მარიხუანის მოწევისაგან.

კვლევაში 4 წლის განმავლობაში 3800 ახალგაზრდა  მონაწილეობდა, რომელთა ასაკი იწყებოდა 13 წლიდან.

ცნობილია, რომ ადრეულ ასაკში მარიხუანის და ალკოჰოლის მოხმარება იწვევს შემეცნებითი უნარების დარღვევას, როგორიცაა: სწავლა, ყურადღების კონცენტრირება, გადაწყვეტილების მიღების უნარი და სკოლაში აკადემიური მოსწრების ხარისხი. აღნიშნულმა კვლევამ აჩვენა ამ პრობლემების ზრდა მარიხუანის მოხმარების ზრდასთან მიმართებით და ეფექტი იყო ხანგრძლივი, ალკოჰოლთან შედარებით.

ჯანმრთელობასთან დაკავშირებულ რა საფრთხეებს შეიცავს მარიხუანის მოხმარება?

31 სხვადასხვა კანადური სკოლიდან მივიღეთ ინფორმაცია თინეიჯერების მიერ მარიხუანის და ალკოჰოლის მოხმარების შესახებ. ასევე, კომპიუტერული შემეცნებითი ტესტის მეშვეობით შემოწმდა მათი ტვინის უნარები წლის განმავლობაში.

განვითარებადი ტვინები

მიუხედავად იმისა, რომ მარიხუანის გამოყენების დონე ალკოჰოლთან შედარებით ნაკლები იყო, თინეიჯერების 28 %-მა აღიარა გარკვეული სახის მოხმარება თინეიჯერების 75 %-თან შედარებით, რომელთაც თქვეს, რომ იღებენ ალკოჰოლს სხვადასხვა სიტუაციებში.

პროფესორმა პატრიცია ჯ. კონროდმა, მონრეალის ფსიქიატრიის დეპარტამენტიდან, აღნიშნა, რომ იგი მოელოდა, რომ ალკოჰოლს უფრო მეტი გავლენა ექნებოდა თინეიჯერების ტვინზე.

მაგრამ ამის საწინააღმდეგოდ კვლევამ აჩვენა, რომ შემეცნებით ტესტებში მარიხუანის მომხმარებელ ახალგაზრდებში დაფიქსირდა უფრო მეტი შეცდომა – მიუხედავად იმისა, რომ ისინი მოიხმარდნენ მარიხუანას გარკვეულ ეტაპზე და შემდეგ შეწყვიტეს მისი მოხმარება. ეს შედეგები აისახა სამუშაო მეხსიერებაზე, არგუმენტაციის და ქმედებების კონტროლის უნარზე.

„მათი ტვინი განვითარების პროცესშია, მაგრამ მარიხუანა ხელს უშლის ამას. მათ მეტად უნდა შეიკავონ თავი მარიხუანის მოხმარებისგან.“ – აღნიშნა პროფესორმა კონროდმა თინეიჯერებთან დაკავშირებით.

მან ასევე ისაუბრა, რომ კვლევამ აჩვენა ნარკოტიკების მოხმარების პრევენციის პროგრამების აუცილებლობა.

მარიხუანა ითვლება ერთ-ერთ ყველაზე გავრცელებულ არალეგალურ ნარკოტიკულ საშუალებად დიდ ბრიტანეთში. მან შეიძლება გამოიწვიოს მიჩვევა და მისმა მოხმარებამ აჩვენა ფსიქოტიური დაავადებების გაზრდის რისკი, განსაკუთრებით მოზარდებში.

ექსპერტები ამბობენ, რომ მარიხუანის მოხმარების შეწყვეტასაც აქვს თავისი სიმპტომები, როგორიცაა ძილთან დაკავშირებული პრობლემები და ხასიათის ცვალებადობა.

https://www.bbc.com/

კანადის ზოგიერთი სკოლა უარს აცხადებს „სამარიტელის ქისის“ საშობაო საჩუქრების პროგრამაში მონაწილეობაზე

კანადის ორ პროვინციაში არსებული სკოლები მოსწავლეებს „სამარიტელის ქისის“ საშობაო საჩუქრების პროგრამაში მონაწილეობის მიღების უფლებას არ მისცემენ LGBT საკითხებთან დაკავშირებული ორგანიზაციის პოზიციის გამო.

საშობაო საჩუქრების პროგრამა ხორციელდება ქრისტიანული ორგანიზაციის „სამარიტელის ქისის“ (“Samaritan’s Purse”) მიერ. აღნიშნულ ქრისტიანულ ორგანიზაციას აქვს თავისი შეხედულება ჰომოსექსუალიზმთან დაკავშირებით, რომელიც, ადგილობრივი სკოლის მესვეურთა მოსაზრებით, შეუთავსებელია სკოლის პოლიტიკასთან.

CBC News-ის თანახმად, სკოლის ოლქის რწმუნებულებმა, 25 ნოემბერს, ხმა მისცეს სკოლის მონაწილეობის შეწყვეტას საშობაო საჩუქრების პროგრამაში.

მოსწავლეები და მასწავლებლები ამიერიდან ვეღარ შეძლებენ გამოიყენონ საშობაო საჩუქრების მომზადებაში მონაწილეობის მიღების შესაძლებობა. ეს საჩუქრები კი იგზავნება მსოფლიოს ბევრ ქვეყანაში გაჭირვებული ბავშვებისათვის.

ნიუფაუნდლენდის ინგლისური სკოლის ოლქის დროებითმა აღმასრულებელმა დირექტორმა ტონი სტეკმა, განმარტა სკოლების მოქმედების მიზეზი:

„ამ ორგანიზაციის შეხედულება და წესდება ეწინააღმდეგება ჩვენს ინკლუზიურ ფილოსოფიას, განსაკუთრებით იმას, რაც LGBT თემს უკავშირდება“.

წყარო

პაპი ბოდიშს უხდის „პირველ ევანგელისტებს“ დევნისთვის

 WaldoAtLutherDenkmalპაპმა ფრანცისკმა, ივნისის ბოლოს,  ბოდიში მოუხადა „უძველეს ევანგელურ ეკლესიას“, კათოლიკური ეკლესიის მიერ შუა საუკუნეებში განხორციელებული დევნის გამო. ქრისტიანული ეკლესია „Waldensians“-ის წევრები წლების  განმავლობაში იტანჯებოდნენ  დევნის,  გაუპატიურების, ძარცვის და მკვლელობათა გამო იმ  პერიოდში, როცა კათოლიკური ეკლესია ცდილობდა მათ დაჩოქებას.

ამავდროულად, NBC- ის წამყვანმა ბრაიან უილიამსმაც დაარღვია სიჩუმე და დაიწყო თავისი გახმაურებული „ბოდიშის ტური“, ჩუმად ნათქვამი აღსარება ვატიკანიდან, რომელიც გახმაურება ჰპოვა:  „კათოლიკური ეკლესიის ნაწილის სახელით, მე გთხოვთ პატიებას. ამას გთხოვთ იმ არაადამიანური დამოკიდებულებისა და ქცევისთვის, რასაც ჩვენ ვიჩენდით თქვენ მიმართ“.

„უფალ იესო ქრისტეს სახელით გთხოვთ, გვაპატიეთ!“ – განაცხადა პაპმა თავისი პირველი  ვიზიტის დროს ვალდენსების ეკლესიაში.

ვალდენსების ეკლესია დაარსდა მე-12  საუკუნეში პიტერ ვალდოს მიერ, მას შემდეგ, რაც მან დათმო თავისი ქონება და ხელი ღარიბულ ცხოვრებას და ქადაგებას მიჰყო.

ვალდოს სამონასტრო ცხოვრების წესი და იდეები მსგავსი იყო პაპის სეხნიის, ფრანცისკ ასიზელის იდეოლოგიისა, მაგრამ მისი დაჟინებული  ქადაგების გამო, რომელიც მიმართული იყო   ეკლესიებში არსებული გადაჭარბებული  ნორმების წინააღმდეგ, იგი ეკლესიიდან განკვეთეს.

ვალდენსები დასახლდნენ  იტალიაში, საფრანგეთის საზღვართან ახლოს. პატარა ჯგუფი წლების  განმავლობაში იტანჯებოდა დევნის გამო, რომელსაც კათოლიკური ეკლესიის მხრიდან განიცდიდა. 1655 წლის აღდგომის კვირაში, ერთ-ერთი ყველაზე ცნობილი ხოცვა-ჟლეტის დროს, 1700 ვალდენსი მოკლეს.

„ვალდენსების ისტორია არის წმინდა წერილის ერთგულების და შეუპოვრობის ისტორია − ამბავი, რომელიც უნდა შთაგვაგონებდეს“, –  წერდა გაზეთი „ქრისტიანული ისტორია“  1989 წლის გამოცემაში, რომელიც მიეძღვნა ვალდენსებს.

პაპმა ფრანცისკმა ბოდიში მოიხადა ქალაქ ტურინში, სადაც აღდგომის ხოცვა-ჟლეტა მოხდა.

„პაპმა ინოკენტი III-მ აღიარა ფრანცისკის ახალი რელიგიური კანონები 1210 წელს  ვალდოს წარმატების გამო“, _   წერდა მარკ სილკი, რომელიც სამების კოლეჯთან არსებული ცენტრის (რელიგიის სწავლება საზოგადოებრივ ცხოვრებაში) დირექტორი გახლდათ.

ვალდენსებთან დამეგობრება და ბოდიშის მოხდა არ გახლდათ კათოლიკური ეკლესიის ახლანდელი ლიდერის მიერ გადადგმული ეკუმენისტური ნაბიჯი. მათთან თანამშრომლობის შესახებ საუბრისას, პაპმა გამოხატა, რომ იცის, რა ერთგული ქრისტიანები არიან ვალდენსები.

გასულ წელს პაპმა ფრანცისკმა ასევე ბოდიში მოუხადა „ორმოცდაათიანელებს“, იტალიის ფაშისტური რეჟიმის დროს განხორციელებული დევნისთვის, რომელიც მათ რწმენის აღიარების უფლებას არ აძლევდა.

წყარო: http://www.christianitytoday.com

თარგმნა: ანნა ხატიძემ

 

 

ფრანკლინ გრემი: ეს არის სილის გაწვნა იმ მილიონობით ამერიკელისთვის, რომლებიც მხარს არ უჭერენ ერთსქესიანთა ქორწინებას

franklin-grahamცნობილი მქადაგებელი ფრანკლინ გრემი ფეისბუკ გვერდზე მიმართვას ავრცელებს:

პრეზიდენტმა თეთრი სახლი ცისარტყელის ფერებში გაანათა, უზენაესი სასამართლოს გადაწყვეტილების აღსანიშნავად ერთსქესიანთა ქორწინების შესახებ.

ეს აღმაშფოთებელია – ნამდვილი სილის გაწვნა იმ მილიონობით ამერიკელისთვის, რომლებიც მხარს არ უჭერენ ერთსქესიანთა ქორწინებას და რომელთა ხმაც იგნორირებულია.

ღმერთია ცისარტყელის მომცემი, და იგი ასოცირდება მის სამსჯავროსთან. ღმერთმა გამოგზავნა წარღვნა მთელი კაცობრიობის დასასჯელად, მათი ცოდვებისა და ძალმომრეობის გამო.

ერთი ადამიანი, ნოე, აღმოჩნდა მართალი და თავის ოჯახთან ერთად გაექცა ღმერთის სამსჯავროს. ცისარტყელა იყო ნიშანი ნოესთვის, რომ ღმერთი აღარ გამოიყენებდა წარღვნას წუთისოფლის დასასჯელად. მაგრამ ერთ დღესაც, ღმერთი განსჯის ცოდვას – ყველა ცოდვას.

მხოლოდ ისინი, ვინც მართალნი აღმოჩნდებიან, გაექცევიან ღმერთის სამსჯავროს. სიმართლე მოდის რწმენის მეშვეობით, უფალ იესო ქრისტეს სახელის რწმენით, რომელიც იღებს ჩვენს ცოდვებს და ღვრის თავის სისხლს ჯვარზე თითოეული ჩვენგანისთვის.

ასე რომ, როდესაც ვხედავთ ჰომოსექსუალთა ცისარტყელას სხვადასხვა ბიზნესის რეკლამებზე და შეიძლება სხვადასხვა ადამიანთა ფეისბუქის გვერდზე, დაე ამან შეგვახსენოს, რომ ღმერთის სამსჯავრო მოვა. ხართ კი მზად? არის თქვენი ცოდვები მიტევებული?

ამერიკაში შავკანიანთა კიდევ ერთი და რიგით მერვე ეკლესია დაიწვა

150701-church-695x391Mount Zion-ის აფრო-ამერიკული მეთოდისტური საეპისკოპოსო ეკლესია გრილვილში, გასულ სამშაბათს დაიწვა. ეს არის მერვე „შავკანიანთა ეკლესია“ ამერიკის სამხრეთში , რომელიც დაიწვა ბოლო ათი დღის განმავლობაში.

გრილვილს, რომელიც მდებარეობს ჩარლსტონიდან ჩრდილო-დასავლეთით დაახლოებით 60 მილზე, ადრეც უნახავს მსგავსი ხანძარი, იუწყება ჩარლსტონის „Post and Courier“ . Mount Zion მთლიანად იქნა დამწვარი კუ-კლუქს-კლანის მიერ 1995 წელს, როდესაც ორი წლის განმავლობაში დაიწვა შავკანიანთა 30 ეკლესია.

„გამოძიება ხანძრის გამომწვევ მიზეზებზე დაიწყება მისი სრულად ლიკვიდირების შემდეგ.“ – განუცხადა სამხრეთ კაროლინის სახელმწიფო სააღსრულებლო განყოფლების უფროსმა მარკ კელმა „Post and Courier“-ს. მან აღნიშნა, რომ ჭექა – ქუხილს, რომელიც თავს დაატყდა ქალაქს სამშაბათს საღამოს, შესაძლოა გამოეწვია ხანძრის გაჩენა ეკლესიაში.

მეტეოროლოგმა პიტერ მოჰილმა გაზეთს განუცხადა, რომ საღამოს 7 საათზე, აღნიშნულ ტერიტორიაზე მართლაც დაფიქსირდა არაერთი მეხი, მაგრამ გახდა თუ არა ეს ხანძრის გამომწვევი მიზეზი, ამას იგი ვერ ადასტურებს.

მრევლი სამხრეთის მასშტაბით იკვლევს ზარალს, რომელიც მსგავსი ხანძრების სერიამ გამოიწვია ამ კვირაში, SPLC აცხადებს, რომ „ხანძრების სერია“ დაიწყო კნოქსვილში 21 ივნისს და გაგრძელდა მაკონსა და გიბსონში, ასევე ტენესში 23 ივნისს; ამას მოჰყვა ჩარლოტი 24 ივნისს; 25 ივნისს ხანძარი მძვინვარებდა ელირიასა და ოჰაიოში, 26 ივნიის კი ეკლესიები დაიწვა თალაჰასში და ვარენვილში.
სამი ხანძრის მიზეზად მიზანმიმართული ცეცხლის წაკიდება დადგინდა, ერთის მიზეზად გაუმართავი ელექტროგაყვანილობა, ხოლო სხვა შემთხვევებზე მიმდინარეობს გამოძიება. წინასწარი ინფორმაციით დანარჩენი შემთხვევები შესაძლოა მეხს გამოეწვია.

„The Post and Courier“- ი იხსენებს 1995 წლის განადგურების შემდეგ, აღდგენილი Mount Zion -ის გახსნაზე პრეზიდენტ ბილ კლინტონის მიერ წარმოთქმულ მიმართვას :

„Mount Zion-ის მრევლმა გვაჩვენა სიმტკიცე განადგურების უარყოფით და ახალი ეკლესიის აშენებით. უამრავი ადამიანი დადგა თქვენს გვერდით, პასტორმა მითხრა, რომ მას აქვს შემოწირულობები მთელი მსოფლიოდან ეკლესიის ხელახლა ასაშენებლად. რამდენიმე დღეში ჩვენ გავიგონებთ ამ ეკლესიიდან გამომავალ მხიარულ ხმას… მე მინდა ვთხოვო თითოეულ მოქალაქეს, ვდგავართ რა ამ კურთხეულ მიწაზე , რომ დაეხმაროს ჩვენს ეკლესიას აშენებაში, რომ აღვადგინოთ იმედი, რათა ვაჩვენოთ ბოროტ ძალებს რომ ისინი ვერ გაიმარჯვებენ“.

ტეხასის შტატის გუბერნატორმა გამოსცა დირექტივა რელიგიური თავისუფლების შესახებ

texas-pastor-protectionუზენაესი სასამართლოს გადაწყვეტილებიდან რამდენიმე დღით ადრე, ერთსქესიანთა ქორწინების ლეგალიზებასთან დაკავშირებით, რესპუბლიკელმა გუბერნატორმა გრეგ ებოტმა ხელი მოაწერა კანონმდებლობას, რომელიც მისი შტატის სასულიერო პირებს შესაძლებლობას აძლევს უარი თქვან საქორწინო ცერემონიალის შესრულებაზე, რომელიც ეწინააღმდეგება მათ რელიგიურ შეხედულებებს.

გუბერნატორმა პრესასთან მიცემულ ინტერვიუში აღნიშნა, რომ აუცილებელია  რელიგიური ლიდერები იყვნენ დაცულნი და იცოდნენ,  რომ მათი  რწმენა  თავისუფალია სახელმწიფო გავლენისაგან.

„რელიგიური თავისუფლება არის ყველაზე წმინდა უფლება და ეს უფლება დაცულია კონსტიტუციით. “- განაცხადა მან.

„ტეხასმა გადადგა მცირე, მაგრამ მნიშვნელოვანი ნაბიჯი სასულიერო პირების რელიგიური თავისუფლების სამომავლო დაცვისათვის, მორწმუნე ადამიანებისადმი გაზრდილი მტრული დამოკიდებულების ფონზე“, – განაცხადა ტეხასის გენერალურმა პროკურორმა კენ პაქსტონმა – „არც ერთი პასტორი, მღვდელი, რაბინი ან სხვა რელიგიური ლიდერი არ უნდა იყოს იძულებული  შესარულოს ან სცნოს ქორწინება, რომელიც ეწინააღმდეგება მათ  რელიგიურ შეხედულებებს“.

 

დირექტივა რელიგიური თავისუფლების შესახებ

დირექტივა რელიგიური თავისუფლების შესახებდირექტივა რელიგიური თავისუფლების შესახებ (გვერდი 2)

ფრანკლინ გრემი: ღმერთი განსაზღვრავს ქორწინებას და არა უზენაესი სასამართლო

უზენაესი სასამართლოს გადაწყვეტილებას ერთსქესიანთა ქორწინების შესახებ ფრანკლინ გრემი თავის ფეისბუქის გვერდზე გამოეხმაურა:

დღეს უზენაესმა სასამართლომ ამერიკის შეერთებული შტატების 50-ივე შტატში დააკანონა ერთსქესიანთა ქორწინება. მიუხედავად უზენაესი სასამართლოს პატივისცემისა, ეს არ განსაზღვრავს ქორწინებას, რადგანაც იგი არაა უფლებამოსილი ქორწინების ხელახლა განსაზღვრაში.

ქორწინება შეიქმნა მის მიერ ვინც შექმნა ქალი და კაცი და მისი გადაწყვეტილება არ ექვემდებარება რაიმე განხილვას ან ცვლილებას, ადამიანის მიერ შექმნილი სასამართლოს მიერ. ღმერთი გარკვევით აცხადებს ქორწინების განსაზღვრების შესახებ თავის წმინდა სიტყვაში: „ამიტომ მიატოვებს კაცი თავის მამას და დედას და მიეწებება თავის ცოლს, და ისინი იქნებიან ერთხორცად“ (დაბადება 2:24).

ვლოცულობ რომ ღმერთმა დაინდოს ამერიკა მისი სამსჯავროსგან, თუმცა, ჩვენი როგორც ერის ქმედებები, მას ამისათვის სულ უფრო და უფრო ცოტა მიზეზს უტოვებს. – განაცხადა ფრანკლინ გრემმა.

შეგახსენებთ ამერიკის შეერთებული შტატების უმაღლესმა სასამართლომ ქვეყნის 50-ვე შტატში ერთსქესიანთა ქორწინება კანონიერად სცნო. 26 ივნისიდან, კონსტიტუციაში შესული ცვლილების მიხედვით, ყველა ადამიანს აქვს უფლება დაქორწინდეს მასზე, ვისზეც სურს.

კანონში შესული მე-14 შესწორების მიხედვით, სახელმწიფო ვალდებულია გამოსცეს ერთსქესიანთა ქორწინების ლიცენზია და მათი ერთობა სამართლებრივად სწორად გამოაცხადოს. დღემდე მხოლოდ 27 შტატში იყო ერთსქესიანთა ქორწინება დაშვებული.

ატლანტის სახანძროს უფროსმა, რომელიც გაათავისუფლეს ჰომოსექსუალიზმზე შეხედულების გამო, საჩივარი შეიტანა დისკრიმინაციის საფუძველზე

ატლანტის სახანძროს ყოფილმა უფროსმა, კელვინ კოჰრანმა, შეიტანა ფედერალური საჩივარი, რომ ის არის რელიგიური დისკრიმინაციის მსხვერპლი, რადგანაც მან დაკარგა სამსახური ჰომოსექსუალიზმისადმი გაზრდილი ინტერესის შესახებ, თავისი შეხედულებების დაწერის გამო.

კოჰრანი, რომელიც ასევე დიაკვნურ მსახურებას ასრულებს ელიზაბეტის ბაპტისტურ ეკლესიაში, გაათავისუფლეს მას შემდეგ, რაც მის წიგნში„ვინ გითხრათ, რომ შიშვლები ხართ?“, რომელიც საკუთარი ხარჯებით გამოაქვეყნა 2013 წელს, აღმოაჩინეს სადაო მონაკვეთები ჰომოსექსუალიზმზე.

AJC –  ის მიერ გავრცელებული ინფორმაციის თანახმად, კოჰრანი გაათავისუფლა ატლანტის მერმა, კასიმ რიდმა, მასთან შეკამათების შემდეგ ჰომოსექსუალიზმზე მისი შეხედულების გამო, რომელზეც მან განაცხადა, რომ იგი არის “მიუღებელი, ვულგარული და სამსახურისთვის შეუსაბამო”.

სარჩელი თანაბარი დასაქმების შესაძლებლობის კომისიაში შეიტანა მისმა ადვოკატმა, ჯონათან ქრუმლიმ, რომელიც ამტკიცებს, რომ კოჰრანის გათავისუფლება ეწინააღმდეგება 1964 წლის სამოქალაქო უფლებების აქტს.

„ამერიკელებს აქვთ უფლება იცხოვრონ სამსახურის დაკარგვის შიშის გარეშე, მათი რწმენის და შეხედულებების მიუხედავად. ჩვენ ვაგრძელებთ ყველა სამართლებლივი ვარიანტების შეფასებას კოჰრანის გასამართლებლად, მისი სამსახურიდან დათხოვნის შემდეგ.“ – განუცხადა ქრუმლიმ AJC -ს.

ქრუმლი არის თავისუფლების დაცვის ალიანსის წევრი.ორგანიზაციისა, რომელიც იცავს რელიგიის თავისუფლებას.

ატლანტის სპიკერმა, ანი ტორესმა, AJC – ის  განუცხადა, რომ ქალაქი დაიცავს მერის გადაწყვეტილებას „EEOC-ის ადმინისტრაციული პროცესის ან რაიმე სხვა შესაბამისი ფორუმის მეშვეობით“.

რაიან ანდერსონმა, უილიამ სიმონსის თანამშრომელმა რელიგიის და თავისუფალი საზოგადოების საკითხებში მემკვიდრეობის ფონდში, განაცხადა, რომ „რიგით ამერიკელებს, ორივე მხარეს, როგორც ერთსქესიანთა ქორწინების მომხრეებს, ასევე მოწინააღმდეგეებს ესმით, რომ საჯარო მოხელეები არ უნდა ისჯებოდნენ მათი, როგორც რიგითი მოქალაქეების მოსაზრებების გამო“.

„ეს შემთხვევა, არის კიდევ ერთი მაგალითი იმისა, თუ ზოგიერთი აქტივისტი როგორ უბიძგებს ტრადიციული რწმენის მქონე ადამიანების შავ სიაში შეყვანისკენ.” – განაცხადა ანდერსონმა.

ამერიკელების უმეტესობას არ მოსწონს ეს. ასე რომ, მიუხედავად იმისა, რომ ზოგიერთი აქტივისტი უბიძგებს ამისკენ, რიგით მოქალაქეებს, ერთსქესიანთა მომხრეები არიან ისინი თუ მოწინააღმდეგეები, არ სურთ, რომ მთავრობა რაიმე სახით ზემოქმედებდეს ადამიანთა შეხედულებებზე და რწმენაზე ერთსქესიანთა ქორწინებასთან დაკავშირებით“.

წყარო: http://dailysignal.com/