ბაჩუკი დოდაშვილი-ის ყველა სტატია

აშშ-ში დემოკრატი და რესპუბლიკელი სენატორები ყოველ კვირას ერთმანეთისთვის ლოცულობენ

ბევრი ადამიანისთვის საოცარი მოვლენა იქნება, როცა გაიგებს, რომ

 

 

პოლიტიკურ სივრცეში არსებობს ჯგუფი, რომელიც ერთად იკრიბება და ლოცულობს. დემოკრატი და რესპუბლიკელი სენატორები სალოცავად იკრიბებიან და ყოველ კვირას ირჩევენ ერთ სენატორს, რომელიც ჯგუფს სიტყვას უზიარებს.

სენატორი კრის კუნსი ამბობს: „როდესაც სიტყვის სათქმელად გამოდიხარ, ეს არ არის ადვილი, რადგან შენს ოპონენტს შენივე სისუსტეების შესახებ უყვები: როდის დაეცი? რა სირთულეები გამოიარე ბავშვობაში, ქორწინებაში და ა.შ. ამის შემდეგ ძალიან რთულია, რომ იმ ადამიანს ვერბალური შეურაცხყოფა მიაყენო ან მასთან ბრძოლაში ჩაერთო, როდესაც მასთან ერთად ხელჩაკიდებული იდექი და ლოცულობდი. ეს მართლაც მნიშვნელოვანი რამაა.”

აშშ-ში პირველი ქრისტიანული ავიაკომპანია დაარსდა

ამერიკის შეერთებულ შტატებში გამოჩნდა პირველი ქრისტიანული ავიაკომპანია, რომელიც მისიონერებს მგზავრობას გაუადვილებს. აშშ-ის სამოქალაქო ავიაციის ფედერალურმა სამმართველომ (FAA) დააკმაყოფილა ტეხასის მისიის განცხადება ლიცენზიის მიღების თაობაზე. აღნიშნული მისია უზრუნველყოფს მისიონერების და სამახარებლო ჯგუფების ავიამიმოსვლებს.

კომპანია Judah 1 მსოფლიოში პირველი ქრისტიანული ავიაკომპანია იქნება. მისმა დამფუძნებელმა და გენერალურმა დირექტორმა ევერენ აარონმა განაცხადა, რომ ლიცენზიის მიღებას ზაფხულისთვის ელოდებიან. მისი თქმით, ავიაბილეთების ფასი სხვა კომპანიების ფასის მსგავსი იქნება, მაგრამ ამავდროულად მგზავრებს დამატებითი ნივთებისთვის თანხას არ მოსთხოვენ.

„ჩვენ ქრისტიანული ავიაკომპანია ვართ და ჩვენი მომსახურებით რომ ისარგებლოთ, თქვენ მისიონერული ჯგუფის წევრი უნდა იყოთ. დადებითი მხარე ისაა, რომ ჩვენ არ გვექნება დამატებითი გადასახადები ნივთების გადაზიდვისთვის.“ – განაცხადა ევერენ აარონმა.

მან ყურდღება გაამახვილა იმაზე, რომ ძალიან ხშირად, როდესაც ცნობილი ავიაკომპანიებით სარგებლობენ მისიონერები, მათი ნივთები ან იკარგება, ან იქურდება. ეს შეიძლება იყოს პირადი ნივთები და ბიბლიებიც კი.

„არის რამდენიმე ავიამისია, რომლებსაც საშუალო ზომის თვითმფრინავები ჰყავთ. რამდენადაც ჩვენთვის ცნობილია, Judah 1 ერთადერთი ავიაკომპანიაა, რომელსაც კომერციული ზომის თვითმფრინავები ჰყავს და შეუძლია მთლიანი ჯგუფების გადაფრენები უზრუნველყოს.” – განაცხადა აარონმა.

კომპანიის დამაარსებელმა აღნიშნა, რომ ისინი ახლა MD 80 კლასის თვითმფრინავებს იყენებენ, რომელთაც, დამატებით, ერთ ტონამდე მასის გადაზიდვა შეუძლიათ. მომავალ ხუთ წელიწადში კომპანია 20-მდე MD 80-ის შეძენას გეგმავს.

„როგორც კი ლიცენზიას მივიღებთ, ჩვენ კიდევ ოთხ MD 80-ს და ორ Boeing 767-ს გავუშვებთ ექსპლუატაციაში,“ – თქვა მან.

აღსანიშნავია, რომ ავიაკომპანიის დაარსების იდეა აარონს 1994 წელს დაებადა და მას შემდეგ ის იღვწოდა ამ იდეის ხორცშესხმისთვის, რაც წარმატებით განახორციელა კიდეც.

წყარო

თარგმანი:აჩუკი დოდაშვილი

რედაქტირება: მანანა ტვინიკაძე

ბილი გრემის საპატივსაცემოდ გამოფენა მოეწყო

ახლა, მისი გარდაცვალებიდან რამდენიმე თვის შემდეგ, გამოფენის მეშვეობით შეგვიძლია უფრო ახლოდან დავაკვირდეთ მის ცხოვრებას.

წიგნები, ბიბლიები და სხვა ნივთები მოგვითხრობს ბილი გრემის მიერ განვლილი ცხოვრების გზის შესახებ, თუ როგორ იქცა ის ყმაწვილიდან იმ კაცად, ვინც მილიონობით ადამიანს უქადაგა, მათ შორის იყო ენტონი შმიდტი, გამოფენის დიზაინერი.

60 წელზე მეტი ხნის განმავლობაში გრემი იყენებდა რადიოს, ტელევიზიას, ფილმებს, აწყობდა ტურნეებს და უამრავ ადამიანს ასწავლიდა წმინდა წერილს.

აშშ თავისი საელჩოს თელ-ავივიდან იერუსალიმში გადატანას აპირებს

ტრამპის ადმინისტრაცია აცხადებს, რომ მაისში აშშ თავის საელჩოს თელ-ავივიდან იერუსალიმში გადაიტანს, რათა ეს ამბავი ისრაელის დამოუკიდებლობის 70 წლისთავის აღნიშვნას დაამთხვიოს. გთავაზობთ ინტერვიუს დევიდ პარსონსთან (საერთაშორისო ქრისტიანული საელჩო “იერუსალიმის” წარმომადგენელი ამერიკაში).

ლას-ვეგასის ტრაგედიას გადარჩენილმა ღმერთი ირწმუნა

ტეილორ ბენჯი, ლას-ვეგასში მომხდარ სროლას გადარჩენილი, ამბობს, რომ ღმერთი ირწმუნა.

ტეილორმა თქვა, რომ არ იცოდა რა ექნა, როდესაც სტივენ პადოკმა საშინელი და მასშტაბური სროლა ატეხა „ქანთრი“ მუსიკის ფესტივალზე.

„ადამიანები სისხლის გუბეებში იწვნენ. არ ვიცოდი, რა მექნა შემდგომ და როგორ მოვქცეულიყავი.“

ეს აშშ-ის ისტორიაში ყველაზე მასშტაბური სროლა იყო, რომლის დროსაც, ოთხასზე მეტი ადამიანი დაშავდა და ორმოცდაათზე მეტი დაიღუპა. ბენჯის თქმით, სწორედ ამ დროს შეიცვალა მისი გული.

„შეუძლებელია, ასეთმა სიტუაციამ  ჩვენზე გავლენა არ მოახდინოს. სინამდვილეში, ასეთ დროს მხოლოდ ღმერთის იმედი შეიძლება ჰქონდეს ადამიანს და იმედოვნებდეს, რომ ყველაფერი მალე დასრულდება. ვიცი, რომ ყველას ნაცვლად ვერ ვილაპარაკებ, მაგრამ პირადად მე აგნოსტიკოსი ვიყავი აქამდე, ახლა კი მტკიცედ მწამს ღმერთის, რადგან სხვა ახსნა არ აქვს იმას, რომ ამ საშინელი სროლის შემდეგ მე აქ ვარ, ცოცხალი ვარ, შემიძლია სუნთქვა და თქვენთან საუბარი.“

წყარო

კენია: ნაირობისაკენ მიმავალი მატარებელი მოძრავ ეკლესიად გადაიქცა

კენიაში მცხოვრები ხალხი სამსახურში მატარებლით დადის, რომელშიც რამდენიმე მქადაგებელი სახარებას ქადაგებს.

მატარებელი ყოველდღე ეკლესიად გარდაიქმნება: მორწმუნეები გალობენ და შემდეგ ქადაგებას უსმენენ. ზოგიერთ მგზავრს თან დააქვს საკუთარი ბიბლია, ზოგი კი მობილურ ტელეფონებში კითხულობს წმიდა წერილს. ხუცესები ფიქრობენ, რომ მატარებელი კარგი ალტერნატივაა, რადგან ბევრს დრო არ აქვს ეკლესიაში წასასვლელად.

„ჩვენ ბევრს დავეხმარეთ თავიანთი პრობლემების მოგვარებაში. ჩვენ ვლოცულობდით ავადმყოფებისთვის, უმუშევრებისთვის. ზოგი მათგანი ბრუნდებოდა და გვიყვებოდა, როგორ შეიცვალა მათი ცხოვრება უკეთესობისაკენ“, – ამბობს ხუცესი მაიკლ მბოგო.

მრავალი ღარიბი მგზავრი მატარებლის სახურავზე ჯდება, რომ ბილეთის საფასურის გადახდა არ მოუწიოს, ამიტომაც ხშირად ცვივდებიან და იღუპებიან. ეკლესიის ხუცესები მათაც უქადაგებენ და ზრუნავენ მათზე.

წყარო

ირანში ქრისტიანობა სწრაფი ტემპით იზრდება – 20 ირანელის ფარული ნათლობის ისტორია (ვიდეო)

გასულ პარასკევს, თეირანიდან აღმოსავლეთით ათას კილომეტრში, თურქმენეთსა და ავღანეთს შორის არსებულ საზღვართან ახლოს, 20 ირანელი ემზადებოდა იმისათვის, რომ მალულად დაეტოვებინა თავისი ქვეყანა. ამ რეპორტაჟის დელიკატური ხასიათის გამო, ჩვენ გადავწყვიტეთ, არ გაგვეშუქებინა ამ საქმესთან დაკავშირებულ ადამიანთა ადგილმდებარეობა და ვინაობა. მათ ირანი სულ რამდენიმე დღით დატოვეს, ოცივე ადამიანმა გადაწყვიტა ქრისტეს გაჰყოლოდა და მონათლულიყო.

მიწისძვრა მექსიკაში: ღვთისმსახურების დროს სამლოცველო სახლი ჩამოინგრა

გასულ კვირას ძლიერი მიწისძვრის გამო მექსიკაში კათოლიკური სამლოცველო სახლი ჩამოინგრა. The Guardian-ის ცნობით, დაღუპულია 15 ადამიანი. წმინდა სანტიაგოს სახელობის ეკლესია მთა პოპოკატეპეტლის ფერდობზე იყო აშენებული.  ტაძარში ბავშვის ნათლობა ტარდებოდა, როდესაც ბიძგები დაიწყო.  ცნობილია, რომ სახურავის ჩამონგრევისას დაიღუპა ერთი ოჯახის 11 წევრი, მათ შორის, ორი თვის გოგონა. ოჯახიდან ერთადერთი გადარჩენილი ადამიანი გოგონას მამაა, რომელიც მღვდელი გახლავთ.

პუებლას შტატში ორმოცამდე ადამიანია დაღუპული, ხოლო მთლიანად მექსიკაში, დაახლოებით, 217 ადამიანი. გარდა ამისა, მექსიკაში დანგრეული 40 შენობის რიცხვში შედის სკოლაც. ცნობილია, რომ დაღუპულია 20 მოსწავლე და 2 ზრდასრული ადამიანი. კიდევ 30 ბავშვი და 12 ზრდასრული უგზო-უკვლოდ არის გამოცხადებული.

პრეზიდენტმა ენრიკე პენია ნიეტომ მოსახლეობას სიმშვიდის შენარჩუნებისკენ მოუწოდა, რადგან ხელისუფლება მიწისძვრით გამოწვეული ზარალის შედეგებს ითვლის.

მიწისძვრა 19 სექტემბერს, მექსიკის სამხრეთ-აღმოსავლეთით მოხდა. რიხტერის შკალის მიხედვით, მიწისქვეშა ბიძგების სიმძლავრე 7,4 ბალს შეადგენდა. სტიქიის შედეგად, დაახლოებით, 5 მლნ. ადამიანი ელექტროენერგიის გარეშე დარჩა.

მექსიკის ხელისუფლება ცდილობს, დაღუპულთა ზუსტი რიცხვი დაადგინოს.

დევნილი ბავშვები ირანში – ინტერვიუ

ინტერვიუ ქრისტიანული, საბავშვო ჟურნალის რედაქტორთან, რომელიც ირანში გამოდის.

„არიან ბავშვები, რომლებსაც ოჯახშიც კი არ აქვთ უსაფრთხო გარემო. ისინი იდევნებიან არა მარტო სკოლებში, იდევნებიან არა მარტო საზოგადოებისგან, არამედ საკუთარი ოჯახებისგანაც. ამ ბავშვებს ნამდვილად სჭირდებათ იმედი და სინათლე. ჩვენი მსახურებაც სწორედ ამას ცდილობს, რომ ამ ბავშვებს მისცეს ეს იმედი, სინათლე ირგვლივ გამეფებულ სიბნელეში.” – ამბობს ის.

ტაძრის მთის დაბრუნება – რეპორტაჟი

ტაძრის მთის დაბრუნებით მოახლოვდა ბიბლიურ წინასწარმეტყველებათა აღსრულების დრო… 1967 წლის 7 ივნისს ისრაელის ბრიგადის მეთაურმა მოტო გურიმ გამოაცხადა ის, რასაც ებრაელები, დაახლოებით, 200 წლის განმავლობაში ელოდნენ.