ანა ხუბაშვილი-ის ყველა სტატია

გაყიდული ბილეთების მცირე რაოდენობის გამო ყოველწლიური ათეისტური ყრილობა ჩაიშალა

გაყიდული ბილეთების მცირე რაოდენობის გამო მესამე ყოველწლიური ათეისტური ყრილობა აღარ ჩატარდება. კონფერენციის ვებგვერდზე განთავსებული განცხადების თანახმად, ყრილობაზე დასასწრები ბილეთების მხოლოდ მცირე რაოდენობა გაიყიდა.

ისეთი სპიკერის მოწვევამაც კი, როგორიც რიჩარდ დოკინსია, ვერ გააძლიერა ადამიანების  ინტერესი კონფერენციისადმი. ვფიქრობ, რომ ეს უბრალო კულტურული ახირებაა „ახალი ათეიზმის” სახელწოდებით.

ათეიზმი, ფაქტობრივად, არის დეპრესიის გამოვლინება მათთვის,  ვისაც არ აქვს  მყარი საფუძველი, ცხოვრების მიზანი და აზრი,  მორალი, დანიშნულება და ლოგიკაც კი.  ის ცდილობს, ადამიანებს  დააჯეროს ისეთი წარმოუდგენელი რამ, როგორიც არის სამყაროს შემთხვევით, თავისთავად შექმნა.  ეს ჰგავს სიბნელიდან თავის დაღწევის მცდელობას, რომლის დასასრულიც კვლავ სიბნელეა.

ათეისტებს ახარებთ მორწმუნე ადამიანების „უვიცობა“. ისინი ღიად გამოხატავენ თავიანთ უარყოფით დამოკიდებულებას მშობლების მიმართ, რომლებიც შვილებს რწმენით ზრდიან და გვთავაზობენ საკუთარ ახსნა-განმარტებას, თუ რამდენად გამოუსადეგარია ღვთის რწმენა.

ამ ღონისძიების გაუქმებასთან დაკავშირებით გთავაზობთ  ანგლიკანი რექტორის, დოქტორ მაიკ ჯენსენის, შეხედულებას:

„როგორც მორწმუნე ადამიანს, ძალიან მიხარია, რომ საზოგადოების მხრიდან დაინტერესება ნაკლებია, თუმცა ვფიქრობ, რომ საზოგადოებისთვის საჭიროა  ღია და გულწრფელი დისკუსიები, სადაც ფუნდამენტურ ღირებულებებზე იქნება საუბარი. საყოველთაო ათეისტური კონფერენცია კი მისაღები უნდა იყოს, რადგან რამდენადაც მეტს ფიქრობენ ადამიანები  ღმერთისა და ცხოვრების შესახებ, მით უფრო მეტად  იმეცნებენ თავიანთი არსებობის მიზანს. ეს კი უკეთეს ადამიანებად გვაქცევს.  ვფიქრობ, რომ უკეთესი იქნება ჩატარდეს კონფერენციები, სადაც თეისტები და ათეისტები ღმერთის არსებობის და არარსებობის თემაზე დებატებს გამართავენ.”

თარგმანი: ანა ხუბაშვილი.

რედაქტირება: მანანა ტვინიკაძე.

წყარო

ბრედ პიტი ქრისტიანულ წარსულზე საუბრობს

ძალიან ბევრმა ადამიანმა არ იცის, რომ ჰოლივუდის მსახიობი ბრედ პიტი ტრადიციულ ქრისტიანულ ოჯახში აღიზარდა, მაგრამ, მიუხედავად ამისა, მაინც განუდგა რწმენას.

ერთ-ერთ ინტერვიუში პიტი ამბობს: „თავდაპირველად ჩვენ ბაპტისტურ ეკლესიაში დავდიოდით, როდესაც საშუალო სკოლაში ვსწავლობდი, შემდეგ კი ჩემი მშობლები ქარიზმატულ მოძღვრებას მიჰყვნენ, სადაც ხელებს მაღლა აღაპყრობენ ღვთის განდიდების დროს… ვიცი, რომ ადამიანებს სწამთ და ვიცი, რომ ისინი თავისუფლდებიან, თუმცა არასდროს მესმოდა ქრისტიანობის: ეს არ გააკეთო, ის არ გააკეთო. ყველაფერი აკრძალვაა.“ პიტმა აღიარა, რომ მისთვის ქრისტიანობა აკრძალვათა გრძელ სიასთან არის გაიგივებული.როგორც ჩანს, მან ჯერ კიდევ არ იცის ქრისტეს უპირობო სიყვარულის შესახებ.

როგორც ჟურნალთან GQ Style ინტერვიუში აღნიშნა, კოლეჯში სწავლის დროიდან მოყოლებული, დღე არ გასულა ისე, რომ ალკოჰოლური სასმელი არ დაელია, არ გაესინჯა დამამშვიდებელი, მსუბუქი ნარკოტიკული საშუალებები, არ მოეწია სიგარეტი. დაოჯახების შემდეგ კი მხოლოდ ალკოჰოლს დასჯერდა, თუმცა მისივე აღიარებით, საკმაოდ ბევრს სვამდა. მის ცხოვრებაში იყო წარმატებაც და მარცხიც, თუმცა სახალხო აღიარებას მისთვის მშვიდი ცხოვრება არ მოუტანია. სულ ცოტა ხნის ის თავის მეუღლეს, მსახიობ ანჯელინა ჯოლის გაეყარა.

პიტი ახლა აღარ სვამს. ის თავს იწონებს, რომ ადრე „რუსს თავისივე არყით დაათრობდა“. ამ ეტაპზე კი ის ათეიზმსა და აგნოსტიციზმს შორის დგას და ვერ აურჩევია რომელიმე მათგანი. „ვფიქრობ, ამას ვერავინ გაიგებს მანამ, სანამ იქ არ აღმოჩნდება. მანამდე კი ამაზე ფიქრი არ ღირს.“

რაც შეეხება ჯოლის, მას რწმენის შესახებ განსხვავებული შეხედულება აქვს. ფილმის „გაუტეხელი“ გადაღების შემდეგ, რომელიც ერთი ქრისტიანის ცხოვრებაში მომხდარი ნამდვილი ამბის შესახებ არის გადაღებული, ის მიხვდა, რომ ამ სამყაროში მარტო არ არის. „ამ სამყაროში ჩვენ მარტონი არ ვართ. არ ვიცი, რა ჰქვია ამას, რელიგია თუ რწმენა, მაგრამ ეს ყველა ჩვენგანზე დიდია და გვაერთიანებს“, ამბობს ის.

წყარო

ლონდონის უზენაესმა სასამართლომ გადაწყვეტილება ქრისტიანი სტუდენტის სასარგებლოდ მიიღო

გასულ წელს 39 წლის ფელიქს ნიგოლე შეფილდის უნივერსიტეტიდან იმის გამო გარიცხეს, რომ თავის ფეისბუკის გვერდზე მხარი დაუჭირა ტრადიციულ ქორწინებას. მან თქვა: „ბიბლია და ღმერთი ჰომოსექსუალიზმს ცოდვას უწოდებს.” ამის შემდეგ უნივერსიტეტმა მის საქციელს პროფესიისთვის(სოციალური მუშაკისთვის) პრაქტიკულად შეუსაბამო უწოდა.

ოთხი შვილის მამამ უბრძოლველად არ დაყარა ფარ-ხმალი და უნივერსიტეტს უჩივლა. ნიგოლე აცხადებდა, რომ მას უსამართლოდ მოექცნენ. ქვედა ინსტანციაში არაერთხელ თქვეს უარი მისი საქმის განხილვაზე, საბოლოოდ კი  უზენაესმა სასამართლომ მის სასარგებლოდ მიიღო გადაწყვეტილება.

ნიგოლემ და მისმა მეუღლემ ფეისბუკის გვერდზე ვიდეო გამოაქვეყნეს, რომელშიც სასამართლოს შენობის გარეთ ქება-დიდებას უძღვნიან ღმერთს.
“დიდება ეკუთვნის მხოლოდ იესოს!” ამბობს ნიგოლე ვიდეოში. “ჩვენს მეფეზე დიდებული არავინ არის. მისი სამსჯავრო უფრო დიდია, ვიდრე ამ ქვეყნის. ის არის ყველაზე დიდი მმართველი.”

ნიგოლეს საქმე არც პირველია და არც უკანასკნელი იქნება, მაგრამ მორწმუნეთათვის ეს ძალიან კარგი გამხნევებაა.

“როდესაც ასეთ სიტუაციაში აღმოჩნდები, გახსოვდეს, რომ დიდება ეკუთვნის ჩვენს უფალს. დადექი მისთვის და ის მოვა შენს გადასარჩენად.”

 

წყარო

რედაქტორი: გიორგი ფიროსმანაშვილი

ბრიტანეთის პრემიერ-მინისტრი ტერეზა მეი: „ქრისტიანობა ადამიანთა ცხოვრებაში დიდ როლს თამაშობს.”

ბრიტანეთის პრემიერ-მინისტრმა, თავის მიერ გავრცელებულ განცხადებაში, ხაზგასმით აღნიშნა ქრისტიანობის მნიშვნელოვანი როლი ადამიანთა ცხოვრებაში. სააღდგომო მილოცვაში ტერეზა მეი ამბობს: „ჩვენ დარწმუნებულნი უნდა ვიყოთ, რომ ქრისტიანობა ადამიანთა ცხოვრებაში დიდ როლს თამაშობს. ჩვენ კვლავაც უნდა დავარწმუნოთ ადამიანები, რომ მათ აქვთ საკუთარი რწმენის შესახებ ლაპარაკის უფლება და ეს ქრისტიანობასაც გულისხმობს.”

მან ასევე აღნიშნა ის, რომ ბრიტანელები უნდა გაუფრთხილდნენ ქვეყნის რელიგიურ ტრადიციებსა და სიტყვის თავისუფლებას.

პრემიერ-მინისტრი ამ მიმართვით მხარს უჭერს რელიგიურ თავისუფლებას სწორედ მაშინ, როდესაც ბრიტანელი ქრისტიანები რწმენაზე ლაპარაკის გამო თავს უხერხულად გრძნობენ. გასულ თვეს ბრიტანეთის სასამართლომ ბიბლიის საჯაროდ ქადაგების გამო, ორი მქადაგებელი დაადანაშაულა საზოგადოებრივი წესრიგის დარღვევაში.

ასევე გასულ თვეს დასაქმების ტრიბუნალის მოსამართლემ გააკრიტიკა ქრისტიანი ექთანი, რომელმაც პაციენტებთან თავის რწმენაზე საუბრის გამო დაკარგა სამსახური. მოსამართლემ თქვა, რომ ადამიანებმა არ უნდა დაიწყონ თავიანთ რწმენაზე საუბარი მანამ, სანამ სხვა არ დასვამს კითხვას რწმენის შესახებ.

გასულ წელს, სასამართლომ საცხობის მფლობელებსაც დასდო ბრალი იმაში, რომ უარი თქვეს გამოეცხოთ ტორტის გამოცხობაზე, რომელსაც ჰომოსექსუალისტების მხარდამჭერი წარწერა ექნებოდა.

დამოუკიდებელმა კვლევითმა ინსტიტუტმა განაცხადა, რომ 2010 წელს მიღებული ბრიტანეთის თანასწორობის აქტმა ადამიანის უფლებები იარაღად აქცია რელიგიური თავისუფლების წინააღმდეგ.

პრემიერმა ამ სააღდგომო მილოცვით გამოხატა რელიგიური თავისუფლების წინააღმდეგ განხორციელებულ შეტევათა მიმართ თავისი უარყოფითი დამოკიდებულება. ტერეზა მეი ანგლიკანი სასულიერო პირის შვილია და ყოველთვის აღნიშნავს, რომ თავისი გადაწყვეტილებები თავისივე ქრისტიანულ რწმენიდან გამომდინარეობს. 2014 წელს მან საინფორმაციო სააგენტოსთან BBC განაცხადა: „რწმენა ჩემი ნაწილია და ის მასწავლის, როგორი დამოკიდებულება უნდა მქონდეს ამა თუ იმ საკითხის მიმართ.“

წყარო

ჩინელი მორწმუნეები აპროტესტებენ მთავრობის მიერ ეკლესიებში სათვალთვალო კამერების დაყენებას

ჩინელი ქრისტიანი მორწმუნები, რომლებიც წინ აღუდგნენ ზეიანგის პროვინციის ეკლესიებში კომუნისტური პარტიის მიერ კამერების დაყენების პროცესს, სხვადასხვა დაზიანებათა გამო ადგილობრივ საავადმყოფოში გადიან მკურნალობის კურსს.

South China Morning Postის განცხადებით მთავრობამ „უსაფრთხოებისა და ანტი-ტერორისტული“ მიზნით ეკლესიაში სათვალთვალო კამერების დაყენება ბრძანა.

ქალაქ ვენჩჟოუს მორწმუნეები, რომელთა რაოდენობა თითქმის 1 მილიონია, ფიქრობენ, რომ აღნიშნული ქმედება კომუნისტური პარტიის მიერ ქრისტიანობის დევნის კიდევ ერთი ფორმაა, როგორც ეკლესიების სახურავებიდან ჯვრებს ხსნის.

„მთავრობის წარმომადგენლები ეკლესიაში მოვიდნენ და კამერები დააყენეს. ზოგიერთი ხუცესი და მორწმუნე, რომლებმაც პროტესტი განაცხადეს, ეკლესიიდან ძალით გაიყვანეს. ზოგიერთი მათგანს საავადმყოფოში  გადაყვანაც კი დასჭირდა“, თქვა ერთ-ერთმა ადგილობრივმა ქრისტიანმა.

ხელისუფლების წარმომადგენლებმა ეკლესიაში მდგარი მისაღები მაგიდაც  გაანადგურეს და შენობის კიდევ სხვა ნაწილები, მათ შორის ეკლესიაში შემოსასვლელი ჭიშკარიც.

ეკლესიამ განაცხადა, რომ მთავრობის დაჟინებული მოთხოვნის მიუხედავად, ამგვარი ქმედების გამართლება შეუძლებელია. ეკლესიის ნებართვის გარეშე სათვალთვალო კამერების დაყენება ძალაუფლების ბოროტად გამოყენებაზე მიუთითებს.

წყარო

21-ე საუკუნის ბოლოს ისლამი მსოფლიოში ყველაზე დიდი რელიგია გახდება

21-ე საუკუნის შუა ხანებისთვის მუსლიმანთა რაოდენობა თითქმის გაუტოლდება ქრისტიანების რაოდენობას, ხოლო საუკუნის მიწურულს კი გადააჭარბებს მას, რის შემდეგაც ისლამი მსოფლიოში ყველაზე დიდი რელიგია გახდება.

ეს მონაცემები ეკუთვნის აშშ-ს ერთ-ერთ კვლევით ცენტრს (Pew Research Center), რომლის მიხედვითაც ისლამი მსოფლიოში ყველაზე სწრაფად მზარდი რელიგიაა.

2010 წელს მსოფლიოში მუსლიმთა რიცხვი 1.6 მილიარდი იყო, რაც მსოფლიო მოსახლეობის 23.2%-ს შეადგენდა იმ დროისათვის. ხსენებული ცენტრის გამოკვლევებმა ცხადყო, რომ 2050 წლისთვის მუსლიმთა პროცენტული მაჩვენებელი 29.7%-მდე აიწევს, ხოლო საუკუნის მიწურულს კი 34.9%-მდე.

რაც შეეხება ქრისტიანებს, 2010 წელს მათი რაოდენობა მსოფლიო მოსახლეობის 31.4 %-ს შეადგენდა, ხოლო 2100 წლისთვის კი, დაახლოებით, ორი პროცენტით გაიზრდება.

ნიგერიაში მოსახლეობის (150 მლნ) 50% მუსლიმანია. სავარაუდოდ, მომავალში მათი რაოდენობა 58%-მდე აიწევს, რაც უფრო დიდ ზეწოლას გამოიწვევს ქვეყნის მოსახლეობაზე (შარიათის კანონი უკვე ამოქმედდა ქვეყნის 36 შტატიდან ჩრდილოეთით მდებარე თორმეტ შტატში, სადაც ტერორისტულმა დაჯგუფება „ბოკო ჰარამმა“ სისხლიანი ჯიჰადი განახორციელა ქრისტიანების წინააღმდეგ).

ცენტრალური სადაზვერვო სააგენტოს ფაქტების მსოფლიო წიგნის (WORLD FACTBOOK) თანახმად, ინდონეზია მჭიდროდ დასახლებული ქვეყნებიდან მეოთხე ადგილზე იმყოფება და მისი მოსახლეობის 87 პროცენტს (258 მლნ), მუსლიმები შეადგენენ.

ინდოეთის მოსახლეობის ყოველწლიური ზრდის გათვალისწინებით, 2050 წლისთვის მუსლიმების შობადობის მაჩვენებელი კიდევ უფრო გაიზრდება. ამჟამად ინდოელი მუსლიმები ქვეყნის მოსახლეობის 14.4%-ს შეადგენენ, რაც, დაახლოებით, 176 მლნ ადამიანია.

პაკისტანის მუსლიმი მოსახლეობის რაოდენობაც გაიზრდება 2050 წლისთვის და გადაინაცვლებს მესამე ადგილზე.

აღსანიშნავია, რომ მუსლიმების უმრავლესობა ცხოვრობს არა ახლო აღმოსავლეთსა და ჩრდილოეთ აფრიკაში, არამედ აზიაში (ინდონეზია, ინდოეთი, პაკისტანი, ბანგლადეში, ნიგერია, ეგვიპტე, ირანი და თურქეთი).

წყარო: http://www.cnsnews.com

2016 წელს 90 000 ქრისტიანი მოკლეს – ორგანიზაცია „ღია კარები“ ანგარიშს აქვეყნებს

„გასულ წელს ქრისტეს 90.000 მიმდევარი მოკლეს. ქრისტიანობა კვლავ ყველაზე დევნილ რელიგიურ ჯგუფად რჩება“, აცხადებს ცნობილი იტალიელი ავტორი და სოციოლოგი მასიმო ინტროვინი.

ვატიკანის რადიოსთვის მიცემულ ინტერვიუში ინტროვინმა განაცხადა, რომ მსოფლიოში უამრავ ქრისტიანს ეშინია საკუთარი რწმენის აღიარება, რადგან ისინი სწორედ თავიანთი მრწამსის გამო იდევნებიან. 2016 წელს 90 ათასამდე ქრისტიანი დაიღუპა, რაც, საშუალოდ, ყოველ 6 წუთში ერთი ადამიანის სიკვდილს ნიშნავს.

უნდა აღინიშნოს, რომ ორგანიზაცია „ღია კარების“ (Open Doors) მონაცემებით, 2015 წელთან შედარებით, სტატისტიკა შემცირებულია 105 ათასიდან 90 ათასამდე, თუმცა ქრისტიანობა კვლავ რჩება ყველაზე დევნილ რელიგიურ დენომინაციად მსოფლიოში. ქრისტიანების 70% აფრიკაში ტომებს შორის წარმოქმნილ კონფლიქტს შეეწირა, დანარჩენი 30% კი ტერაქტების, სამთავრობო დევნისა და ქრისტიანულ სოფლებში თავდასხმათა მსხვერპლი გახდა. ორგანიზაცია „ღია კარის“ ცნობით ამ წელს 7 ათასი ქრისტიანი მოკლეს საკუთარი რწმენის გამო, რაც წინა წელთან შედარებით 3000 შემთხვევით მეტია.

„ბოლო რამდენიმე წლის განმავლობაში ჩვენ ვნახეთ, როგორ გაიზარდა ძალადობა აფრიკულ ქვეყნებში. ქრისტიანების დევნაში მნიშვნელოვანი როლს ისლამური ექსტრემიზმი ასრულებს. უამრავი ადამიანის სიცოცხლე შეიწირა ისეთი დაჯგუფებათა ტერორისტულმა საქმიანობამ, როგორებიცაა: ისლამური სახელმწიფო, ბოკო ჰარამი, ალ-შაბიბი და სხვები. ათასობით ქრისტიანი გახდა დევნათა და შევიწროებათა მსხვერპლი სწორედ რწმენის გამო და სამწუხაროდ, ეს ტენდენცი ყოველწლიურად იზრდება უკანასკნელი რამდენიმე წლის განმავლობაში. სავარაუდოდ, 2017 წელსაც გაგრძელდება ქრისტიანთა დევნა“, განაცხადა ინტროვინმა.

წყარო: http://www.christianpost.com/

ინდოეთში შობის დღესასწაულის წინ ქრისტიანები დაარბიეს

გავრცელებული ინფორმაციით, ინდოეთში მცხოვრები ქრისტიანები შობას მალულად აღნიშნავენ. ეს კი გასული კვირის განმავლობაში რადიკალთა მიერ მორწმუნეებზე განხორციელებულმა თავდასხმამ გამოიწვია.

საერთაშორისო ქრისტიანული საზოგადოების განცხადებით, გასულ კვირას, მადჰია პრადეშის შტატში მდებარე სოფელ სარანგიში, რადიკალთა ოცდახუთკაციანი ჯგუფი შეიჭრა კერძო პირის სახლში, სადაც 30 ქრისტიანი საშობაო საგალობლებს გალობდა. ქრისტიანები ქუჩაში გამოათრიეს, ფიზიკურად გაუსწორდნენ და ბრალი დასდეს სოფლის მოსახლეობის ძალით გაქრისტიანებაში. ოთხ ხუცესსაც იგივე ბრალდება წაუყენეს, რომლებიც ამ დრომდე პოლიციის განყოფილებაში რჩებიან.

წყარო: http://www.christianpost.com/

გერმანია სახიფათო სამოქმედო ასპარეზად იქცა ქრისტიანთათვის

ორშაბათს, 19 დეკემბერს, ბერლინში, საშობაო ბაზრობაზე სატვირთო მანქანით განხორციელებულმა თავდასხმამ გამოაცოცხლა დებატები მუსლიმი ლტოლვილთა მიმართ გერმანიის „სტუმართმოყვარე კულტურის“ შესახებ.

გერმანიის წამყვანმა მემარჯვენე პარტიამ მოითხოვა საზღვარზე მკაცრი კონტროლის დამყარება, მეჩეთების დარბევა და პოტენციური ტერორისტების დეპორტაცია. რეგიონალურმა ხელმძღვანელმა და კანცლერ ანგელა მერკელის პარტიის წევრმა განაცხადა, რომ გერმანია ომის ზღვარზეა.

ერთ-ერთი ბერლინელი ევანგელისტი ხუცესის თქმით კი, ლტოლვილთა შემოსვლა არის ღმერთის გეგმის ნაწილი და ეკლესიისთვის ღვთის სიტყვის გავრცელების ბრწყინვალე შესაძლებლობა.

ხუცესი იურგენ აიზენი ამბობს, რომ ქრისტიანები წლების განმავლობაში ლოცულობდნენ ახლო აღმოსავლეთისთვის და ღმერთმა მოიყვანა ხალხი, რათა ვიშრომოთ მათ შორის ღვთის სიტყვით. აიზენმა აღნიშნა,რომ ისლამი საშიშია. ხალხი შეშინებულია და სურს, რომ საზღვარი ჩაიკეტოს.

„ამის მიუხედავად, ღმერთს თითოეული ადამიანი უყვარს, მათ შორის, მუსლიმები. სწორედ ამიტომ, სავსებით არასწორი იქნება, თუ მათგან თავს შორს დავიჭერთ და და შესაძლებლობას გავუშვებთ. გერმანელთა უმრავლესობას არ უნდა, რომ ქვეყნის საზღვრები დაიკეტოს. ხალხს სურს, კვლავ ღია დარჩეს კარი, ჩვენ კი არ გვსურს, რომ ვინმემ გაგვასულელოს“.

წყარო: http://www1.cbn.com/

მუსლიმი ბიზნესმენის სოლიდარობის ჟესტი ქრისტიანებს

მუსლიმმა ბიზნესმენმა ბაღდადში ყველაზე მაღალი ნაძვის ხის დადგმით ქრისტიანებს სოლიდარობა გამოუცხადა.

მუსლიმმა ბიზნესმენმა ბაღდადში, ალ ზარას პარკში, გრანდიოზული ნაძვის ხე დადგა. მისი თქმით, ამ ჟესტით ქრისტიანებს სოლიდარობას უცხადებს.

პრესასთან საუბრისას მან განაცხადა, რომ მისი მიზანი იყო ქრისტიან ძმებს დახმარებოდა დღესასწაულის აღნიშვნაში და სოლიდარობა გამოეცხადებინა ირანელი ქრისტიანთათვის, რომ ცოტა ხნით მაინც დაევიწყებინათ ტანჯვის დღეები, განსაკუთრებით კი მოსულის ომი.

სადღესასწაულო ნაძვის ხე 26 მეტრის სიმაღლისაა, პროექტის ღირებულება 24 ათას აშშ დოლარს შეადგენს.

წყარო: http://www1.cbn.com/